الموضوع: العربية فيها حاجة غريبة !!!

سلام عليكم يا رجالة .
دلوقتي العربية سحبها قليل جدا من بعد السرعات العالية (بكلم علي 120 بس ) الاول مكنتش كده نهائي
كنت علي طريق سفر مؤشر البنزين بينزل قدام عيني ! سفاحة بنزين بمعني الكلمة مش فاهم ليه ؟
روحت الساحل و من هناك روحت مطروح و فولت قبل ما اتحرك حطيت 29 لتر بالظبط خلصوا في الطريق 200 كيلو . دي ول مشكلة

تاني مشكلة العربية مبتعديش ال 170 بأي حال من الاحوال . لو قرصت و جبت ال 180 بترجع تاني
زمان مكنش في المشاكل دي كانت بتعدي و بجيب ال 200 مرتاح علي طريق سفر و الحياة جميلة

العربية اتغيرلها الزيت نوع ليكوي من 3000 كيلو و حاططلها زيت 10000
زيت الفتيس متغير من 6000 كيلو بالظبط
البوجيهات مغيرها قبل يوم السفر بيوم واحد بس
فلتر الهوا نقدر نقول انه جديد و منضفه قبل ما اتحرك برضه
القصد من الكلام ده عامل كل حاجة ممكن تتعمل

العربية 2011 سوبر صالون عاملة 60.000 كيلو

يا ريت لو في اي اقتراح اكون متشكر جدا
:)

المشاركة الأصلية كتبت بواسطة tameem2010

فلتر البنزين او طلمبه البنزين
وده هيتاكد لو الدواسه تقيلة في رجلك

لا الدواسة عادية معايا مش ملاحظ تغيير .. لكن برضه هشوف النقطة دي ..
تسلم يا باشا علي ردك ..