عايزة رأيكم انهي احسن Hyundai grand I10 ولا kia picanto ؟

**Marwa Galal** · 07-09-2015 04:33 AM

السلام عليكم
كنت بأفكر اغير العربية وكنت عايزة واحدة تكون اوتوماتيك موتورها 1300 cc مش اقل من كده تكون بتستحمل السفر وهاتشباك وصغيرة مش كبيرة اوي وقطع غيارها متوفرة وصيانتها مش صعبة وسعرها في المعقول
دورت شوية ولقيت يا اما البيكانتو او ال grand I10 لان ال I10 العادية دي 1100 cc فمش حتنفعني
انا رحت سألت في معارض سيارات وفي التوكيل علي اسعارها وكده وواحد قالي لما سالته انهي احسن اني ابعد عن البيكانتو لان فيها لعب في السوق اليومين دول لانهم بيسلموها علي انها 1300 وهي بتبقي 1200 تقريبا او اقل و 3 سلندر لكن الهيونداي توكيلها معروف ومفيهاش لعب
انا محتارة اجيب انهي هو طبعا الهيونداي الفئة المتوسطة بكمالياتها ارخص من البيكانتو وانا لو حاجيب حيبقي في الاغلب قسط فياريت لو حد عنده نصيحة يفيدني بيها او لو يعرف نوع تاني احسن يقولي

**hesham fawzy h** · 07-09-2015 04:38 AM

بيكانتو

**svneleven** · 07-09-2015 05:01 AM

البيكانتو 1250 cc مش 1300 فيه ناس بتقول عليها 1200 لكن هي كلها 1250 و ما فيش 3 سلنر كلها 4 سلندر واضح أن الراجل اللي قال كده عاوز يبيع ال I10. المهم ال بيكانتو عربية أكثر من ممتازة و بتجري و تستحمل السفر. ال I10 الجديدة ما اعرفش عنها حاجة غير أن شكلها كويس.

**ahmedsrs** · 07-09-2015 05:31 AM

البيكانتو افضل الموتور 1250 هو نفس موتور الجراند الموتور على كاتينة جنزير واربعة سلندر 16 صباب شكل البيكانتو احسن من الجراند

**mariachi** · 07-09-2015 06:59 AM

I10

**moha sasa** · 07-09-2015 08:00 AM

- بيكانتو

**ENG.MaRk** · 07-09-2015 10:35 AM

بيكانتو أفضل بكثير من الi10

**MohssenRashed** · 07-09-2015 10:52 AM

جراند i10 اوسع من جوه من البيكانتو و شكل جديد و امكانيات احسن من اليكانتو .... انا جبتها من 7 شهور و معايا تيريوس 2007 و بطلت اركبها عشان ال جراند اريح و تكيف احسن و باور كهربا.

**a7medalaa** · 07-09-2015 02:42 PM

البيكانتو و الجراند i10 الاتنين نفس الموتور 1250 cc و نفس الفتيس و نفس العفشة نيجي للفروق الجراند ال wheel base بتاعتها اعرض فبالتالي أوسع و ثباتهانظريا هيبقي افضل البيكانتو تقفيل كوري الجراند تقفيل هندي البيكانتو تزيد في الهايلاين الوكيل (تمنها 116 الف) فتحة سقف و جنوط سبور و كراسي جلد
الجراند الهايلاين تمنها 111 الف تزيد بلوتوث و كاسيت بتاعها شكله نضيف متناسق مع التابلوه غير كاسيت البيكانتو اللي تحته فراغ ده و تزيد multifunction في الدركسيون و زجاج فيميه و fog lights و مرايات ضم (بتتقفل و تتفتح بالكهرباء)

رأيي لو هتجيبي هايلاين بيكانتو 116 الف يبقي هاتيها احسن من الجراند عشان فتحة سقف ممتعة جدا و الفرش الجلد و الجنوط

اما لو هنقارن بين الفئة اللي ب 112 الف في البيكانتو و بين ال 111 الف في الجراند يبقي الجراند تكسب بلا شك (مالتي - بلوتوث - فيميه - فوج - مرايات ضم ) و ارخص الف جنيه

انزلي توكيل كيا اتفرجي و توكيل هيونداي سيبيك من المعارض عشان بيبقي عايز يبيع اللي عنده

**tata2011** · 07-09-2015 04:18 PM

انا لسه شارى بيكانتو وكنت محتار بينها وبين ال i10 لكن الحمد لله جبت البيكانتو والحقيقة لقتها ممتازة وعلى فكرة انا كنت جايبها للاستخدام جوه المدينة لكن لقتها ماشاء الله تروح اى حتة