الموضوع: استكمال تحويل اللانوس الهاف من مانويل لأوتوماتيك

صباح الخير لكل الناس, أنا حابب أشكر كل اللي ساعدوني لتحويل العربية وأوضح التجربة والسؤال عن بعض المشاكل.
أولا : خطوات التحويل:-
1- اتوكلت على الله واشتريت قلبة أوتوماتيك كاملة حلتها من نص وكانت عبارة عن الآتي:
أ- فتيس اتوماتيك
ب- ضفيرة الكهرباء للموتور والفتيس مع استبدالها بضفيرة المانويل.
ج- كنترول بالضفيرة بتاعة الفتيس الاوتوماتيك.
د- البدالات + عصاية الفتيس بالوير وتيلة التثبيت.
ن- 2 قاعدة الفتيس الاتوماتيك.
ع- المسامير ودي مهمة جدا
غ- قاعدة الدينمو لأن الفتيس لية مكان ربط فيها وهي مختلفة عن القاعدة المانويل.
ف - طقم عددات فيه r b m

ما سبق كان سعره 2500 جنية

2- تم تفصيل علبة ساسية بعد أخذ طابعة بورق كارتون لفردة الشاسية الشمال في النص الاوتوماتيك . وذلك لاختلاف مقاسات فردة المانويل عن الاتوماتيك بتكلفة 300 جنية من صاج 2 مللي بالإضافة لرشها وتقفيلها بسليكون علشان الفراغات عند الغسيل مشلش مياه وتعمل بارومة.

3- تم تسقيط الماكينة وتركيب الفتيس بعد تثبيت العلبة الصاج بعدد 11 مسمار منهم 2 لقاعدة البطارية و2 لقاعدة الفتيس. ثم تم سحب العربية من الميكانيكي إلى الكهربائي. ملحوظة مصنعية الميكانيكي 600 جنية

من هنا ظهرت مشكلة وهي إن الكهربائي عايز ضفيرة التابلوة كمان علشان يشغل rbm ولمبة المفاجئ على حسب كلامة. واللي أنا فاهمة إن العربية موديل 2008 فيش الضفيرة بتاعتها مع الكنترول الجديد بتاع النص الاوتوماتيك اللي كان فيه عدادات rbm المفروض تشغل العدادات كده
ارجوا النصيحة حول هذا الموضوع اشتري فعلا الضفيرة ولا الكنترول اللي كان بتاع النص الكامل مع الضفيرة اللي في العربية المانويل حتشغل عداد rbm>
وشكرا جزيلا

والله يا جماعه انا احساسى ان حوار التحويل ده مش هيدى كفاءه المانيوال
اللى عايز اتوماتيك يشترى اتوماتيك
حاسس التعديل مش هيدى نتائج ايجابيه وكل يوم مشكله
والا اييييييييييه؟؟؟؟؟؟؟؟؟؟؟