بظبط عفشه البنتو ومحتاج مساعدة

**sherif309** · 09-09-2015 12:25 AM

معايا بنتو 2002 وعفشتها بحس انها ضايعه لما بمشى فى خشن. طبعا دربكه السنين من تحت وخاصة من ادام وكمان لما ياخد مطب طيعا العربيه بدب من ورا. وقواعد الموتور شكلها مفيهاش جلب. يا ريت حد يساعدنى فى اسعار قطع غيار العفشه ويقولى اعمل حسابى على كام وان بهد العفشه عشان انا ان شاء الله ناوى ارجعها زيرووو.
المساعدين ورا وقدام والبطاحات والكبالن داخلى وخارجى لان العربيه بترعش وانا ماشى من 20 ل 40 كدة بتترجرج. وجلب المقصات او المقصات وبارات الدركسيون خارجى وداخلى وقواعد الموتور ولو فى مسامير ميزان وتيل الفرامل خلفى وامامى.
انا ناوى انزل الحرفيين يوم الجمعه ان شاء الله. بس عايز اعرف اعمل حسابى على كااااام وربنا يسترها يا رب

**moha sasa** · 09-09-2015 09:33 AM

- وأنا رايح للعفشجى بيكون فى جيبى فلوس كتير و غاسل العربيه من تحت عشان العفشجى يبص عى العربيه صح من تحت.

- بالتوفيق.

**sherif309** · 09-09-2015 08:33 PM

شكرا يا باشا. بس تقريبا كدة كام او الاسعار ايه نظامها

**abou-yahia** · 10-09-2015 10:40 AM

حضرتك مش حتنزل الحرفيين

لان علي حد علمي تقريبا مفيش حد بيبيع قطع غيار فيات مضمون هناك

حضرتك حتروح عند الكيلاني في وسط البلد

وجتبيه ميكانيكي

حيبص ويفك اللي عايز يتغير تشتريه من عند الكيلاني

الموضوع بسيط

وميزه الكيلاني انه عنده استيراد لبعض القطع

طبعا منصحكش تشتري في العفشه استيراد

تحياتي