أيهما أفضل لوجان أوتو 2016 أم صنى أوتو 2016

**Ahmed Hammoud** · 10-09-2015 04:15 AM

محتار بين لوجان 2016 اوتماتيك - صنى 2016 اوتوماتيك والاتنين بنفس السعر حالياً 110 الف جنيه مصرى

و الاختيار التالت السويفت الهاتش باك برده تعمل حوالى 110 لكن 1200 سى سى

دخلت جروبات العربيات و زهقت من كتر التشتت ناس تقول حلوه وناس تقول وحشه و من الملاك و لكل العربيات ... قلت ممكن هنا حد يفيدنى يا رب

**4fun14** · 10-09-2015 08:57 AM

اظن في اتفاق ان فرامل الصني وحشة ده غير انها بتصفر.. ده عيب يهد العربيه من فوقها لتحتها
السويفت معرفش عنها حاجه..
اللوجان عجبتني جدا بس رايي لازم تجيب حاجه اوتوماتيك عشان متندمش

**salam100100** · 10-09-2015 09:11 AM

المشاركة الأصلية كتبت بواسطة 4fun14

اظن في اتفاق ان فرامل الصني وحشة ده غير انها بتصفر.. ده عيب يهد العربيه من فوقها لتحتها
السويفت معرفش عنها حاجه..
اللوجان عجبتني جدا بس رايي لازم تجيب حاجه اوتوماتيك عشان متندمش

فعلا كان فى مشاكل فى تيل الفرامل بتاع الصنى, لكن اتحلت المشكله

انا معايا صنى 2015 عامل 16000 كم والفرامل قويه جدا
مبشتكيش من حاجه

الى صاحب الموضوع, نصيحه, متكتفيش بالنت والمعلومات اللى فيه
اسال ملاك العربيات دى على الطبيعه وخد المعلومه من بقهم ومتكتفيش بالنت

**4fun14** · 10-09-2015 10:13 AM

المشاركة الأصلية كتبت بواسطة salam100100

فعلا كان فى مشاكل فى تيل الفرامل بتاع الصنى, لكن اتحلت المشكله

انا معايا صنى 2015 عامل 16000 كم والفرامل قويه جدا
مبشتكيش من حاجه

الى صاحب الموضوع, نصيحه, متكتفيش بالنت والمعلومات اللى فيه
اسال ملاك العربيات دى على الطبيعه وخد المعلومه من بقهم ومتكتفيش بالنت

برضه سمعت ان مشكله الفرامل اتحلت وناس تانيه من ملاكها اصروا انها برضه وحشة..بصراحه الانترنت حير الواحد زياده..والمشكله ان الفرامل دى مفهاش كبر دماغك :(

**salam100100** · 10-09-2015 02:16 PM

المشاركة الأصلية كتبت بواسطة 4fun14

برضه سمعت ان مشكله الفرامل اتحلت وناس تانيه من ملاكها اصروا انها برضه وحشة..بصراحه الانترنت حير الواحد زياده..والمشكله ان الفرامل دى مفهاش كبر دماغك :(

فعلا النت حير الناس كتير
مشكله الفرامل ان التيل بيتاكل بصرعه وبيصفر وباكل فالطنابير
فى عضو هنا جرب يجيب تيل وطنابير من بره التوكيل وانتهت المشكله معاه

فالنهايه مشكله الفرامل فالصنى هى مش بتظهر فاجاءه يعنى تيجي تفرمل متلايش فرامل
وحتى لو بتسمع صوت صفاره دا مش معناها ان الفرامل مس بتمسك بالعكس فرامل الصنى قويه جدا
احسن من النوبيرا واللانوس عن تجربه
ولو ظهرت ....ليها حل

عشان كدا انا بنصح اى حد مقبل على شراء اى سياره ياخد رائ وانطباعات ملاكها من بقهم وميكتفيش بالنت
وياريت لو يقدر يجرب يسقها, طبعا تجربه السواقه مش هتديك انطباع كامل عن اداء العربيه
لكن نص العمى ولا العمى كله

**MOMOOOOO9** · 10-09-2015 11:03 PM

شوف ياكبير نصيحة بلاش الصنى لانها ناس كتير اشتكت منها و بصراحة سمعتها فى السوق دلوقتى مش زى الاول خالص وكميت الشكاوى وصلت حماية المستهلك منها بعدد الشكاوى الى راحت ديوان الرئاسة فا انت على اية يعنى هية مش مليانة امكانيات يعنى و على فكرة اعادة البيع مش الى هية برضة نيجى بقى للسوفت عربية محترمة بس زى ما انت قولت 1200 يعنى تشغل التكيف على 3 ولا 4 و تبقى كأنك راكب ماروتى ........... انا شايف ان اللوجن افضلهم فعلا عربية اعتمادية جدا و سمعتها فى السوق محترمة جدا و كل الى اشتراها بيشكر فيها و الوكيل بتاعها محترم كفاية مثبت السرعة و فى رأى الشخصى هية افضلهم شكلا و ربنا معاك

**Ahmed Hammoud** · 11-09-2015 01:37 AM

المشاركة الأصلية كتبت بواسطة salam100100

فعلا النت حير الناس كتير
مشكله الفرامل ان التيل بيتاكل بصرعه وبيصفر وباكل فالطنابير
فى عضو هنا جرب يجيب تيل وطنابير من بره التوكيل وانتهت المشكله معاه

فالنهايه مشكله الفرامل فالصنى هى مش بتظهر فاجاءه يعنى تيجي تفرمل متلايش فرامل
وحتى لو بتسمع صوت صفاره دا مش معناها ان الفرامل مس بتمسك بالعكس فرامل الصنى قويه جدا
احسن من النوبيرا واللانوس عن تجربه
ولو ظهرت ....ليها حل

عشان كدا انا بنصح اى حد مقبل على شراء اى سياره ياخد رائ وانطباعات ملاكها من بقهم وميكتفيش بالنت
وياريت لو يقدر يجرب يسقها, طبعا تجربه السواقه مش هتديك انطباع كامل عن اداء العربيه
لكن نص العمى ولا العمى كله

انا بالفعل دخلت جروبات الصنى واللوجان والناس فيها مختلفه بشكل فظيع يحير الواحد و يخوفه من الاتنين ... الملاك نفسهم مختلفين ... بقيت حاسس ان شراء عربيه زى البطيخه و حسب كل واحد و حظه

**Ahmed Hammoud** · 11-09-2015 01:41 AM

المشاركة الأصلية كتبت بواسطة momooooo9

شوف ياكبير نصيحة بلاش الصنى لانها ناس كتير اشتكت منها و بصراحة سمعتها فى السوق دلوقتى مش زى الاول خالص وكميت الشكاوى وصلت حماية المستهلك منها بعدد الشكاوى الى راحت ديوان الرئاسة فا انت على اية يعنى هية مش مليانة امكانيات يعنى و على فكرة اعادة البيع مش الى هية برضة نيجى بقى للسوفت عربية محترمة بس زى ما انت قولت 1200 يعنى تشغل التكيف على 3 ولا 4 و تبقى كأنك راكب ماروتى ........... انا شايف ان اللوجن افضلهم فعلا عربية اعتمادية جدا و سمعتها فى السوق محترمة جدا و كل الى اشتراها بيشكر فيها و الوكيل بتاعها محترم كفاية مثبت السرعة و فى رأى الشخصى هية افضلهم شكلا و ربنا معاك

الله يجازيك خير على تحليلك فى كل عربييه

بس الللوجان نفسها برده دخلت جروب ملاك لوجان على الفيس بوك و ما ادراك اكتر جروب يكره اللى عايز يشترى فى العربية .. انا اصلاً بقترح يسموه جروب كارهى لوجان مش ملاك لوجان .. معظم الناس اصلاً كاتبه مشاكل و مفيش حلول من شبوره ويقوللك مفيش حل و واحد يقوللك تقفيل زفت لدرجة انها بتخل نمل فارسى كبير !!!!! و تانى يقوللك قطع غيار مش متوفره و توكيل زفت ... و مشاكل تانيه .. انا كنت قررت لوجان بالفعل و احترت تانى بعد ما دخلت الجروب بتاعهم