هوندا سيفيك 2016/2017 تظهر للمره الأولى (صور)

**Hosam_Optrawy** · 11-09-2015 10:17 PM

**hesham fawzy h** · 12-09-2015 05:26 AM

شكلها من الخلف تحفة

**devil_storm** · 12-09-2015 07:38 AM

جميله و في انتظار الكشف عن interior & technical spec خاصتا الماتور اللي حتنزل بيه مصر، اتمني تنزل بالماتور التربو مع ضمان هوندا ال ٥ سنبن الناس حتركب عربيه ممتازه بماتور تربو و هي مطمنه

**JapRuleZ** · 12-09-2015 03:55 PM

المشاركة الأصلية كتبت بواسطة devil_storm

اتمني تنزل بالماتور التربو مع ضمان هوندا ال ٥ سنبن الناس حتركب عربيه ممتازه بماتور تربو و هي مطمنه

تمام
بس مع تطبيق اتفاقيه الجات مثلا بشكل كامل مع اوروبا و بقاء السيارات الاسيوية بالجمارك و ارتفاع مستوى السيفيك ك ركوبه و كمان انحفاض الجنيه

تركب 316 دفع خلفى
ولا سيفيك امامى حتى و ان كان موتور السيفيك حيكون اقوى
حيكون اختيار صعب

**Hosam_Optrawy** · 12-09-2015 05:05 PM

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

**JapRuleZ** · 12-09-2015 06:12 PM

المشاركة الأصلية كتبت بواسطة Hosam_Optrawy

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

البيجو 508 مش مقارنه بعيده بالعكس اضعف بكتير ....

و موتور الهوندا هيعدى اى المانى او اوروبى او امريكانى فى فئته و الفئه الاعلى منه ..... و ده العادى بتاع هوندا و معظم الاوروبى بيغطى على ضعف مواتيره امام الهوندا بالتربو ..... اديها نازله بالتربو صدقنى و خدها منى كلمه ... مفيش حاجه هتقف قدامها

التصميم الخارجى مش محاتجين نتكلم عليه
الداخلى ... الله اعلم
الفتيس خلاص CVT
العقشه لسه مش واضح بس احب اقولك ان ال type R نازله بال magnetic suspension
يوم 16 سبتمبر كله حيبان

ساعتها ممكن اختار البيجو لو بحب الكماليلات فقط لا غير لأنها عربية صينى و كمالتها كتير
انما اى حاجه تانيه تخلينى اجيب هوندا طبعا

معاليك متخيل ان ال 1.5 ال earthdreams العادى بيطلع 130 ps و البى ام 316 التربو 136
الVTEC TURBO حيفرق 50 حصان عن ال 318 bmw

ال 316 بردو حتكون دفع خلقى و ده حديك اساس تانى فى القياده بالذات لو الفئة السعرية بينها و بين الهوندا اقل من 20-30 الف هتحط الهوندا فى وضع صعب لأن كفه الموتور هتكون ازيد من ال bm حاجه بسيطه و الباقى حيكون ف كفه الbmw

السيفيك دلوقتى mid sized sedan مش compact

**devil_storm** · 12-09-2015 11:24 PM

المشاركة الأصلية كتبت بواسطة hosam_optrawy

رأيى ان المشكله الأساسيه مش هاتنزل بالموتور العادى ولا التربو ولا الضمان والصيانه

المشكله الأساسيه هاتنزل بكام ؟

الجيل الحالي بيبدأ من 208 الف تقريبا

لو وصلت 250 الف مش 300 مستحيل تبيع ، ملهاش فرصه

مهما بقى اتطورت طلعت نزلت كومباكت كار

مش هاقول بى ام لأن المقارنه بعيده ، يكفى عربيه زى البيجو 508

فماينفعش عربيه في الفئه دى توصل للأسعار دى ، زى برضه الأوكتافيا والجيتا والفوكس ماينفعش يوصلوا لل 250

لا يا حسام مختلف معاك، لو نزلت بسعر اكتر من٢٥٠ الف كمان حتبيع و حتكسر الدنيا بشرط الخامات الداخليه تبقي عاليه مش بلاستيك ذي الجيل الحالي ... بعد خروج الجيتا و الاوكتافيا من السوق بسبب العفشه التورشن بيم و عدم اعتماديتهم و كتر مشاكلهم شريحه الناس اللي عايزه تركب عربيه نظيفه بسعر ٢٥٠ - ٢٧٠ الف مش لاقيه عربيه باعتماديه و خامات كويسه حاليا ،... شريح الناس دي محتاجه ايه اكتر من عربيه ياباني علها كلمه هوندا بماتور تربو يعني اداء و تسارع ممتاز باعتماديه هوندا العاليه و عفشه هوندا الممتازه واوبشن كويسه تحسسك بالرفاهيه و شكل شيك و خامات داخليه كويسه و كل ده معاه ضمان ٥ سنين او ١٢٠ الف كم ضمان ممتاز بسمعه هوندا، تشتري عربيه بالمواصفات دي و لا تشتري انسجنيا او باسات بمشاكلهم و قله اعتماديتهم اللي بيجيبو ماتور و فتيس و كمان ببنزين ٩٥

الهوندا كده كده سعرها عالي فلو نزلت بالخامات السيئه اللي نزل بيه الجيل الحالي علشان سعرها يقل ١٠ او ٢٠ الف جنيه مش حتبيع و مش حتعجب شريح الناس دي و حتفشل ذي ما حصل مع الجيل الحالي لان كده كده سعر الهوندا غالي فمحدش حيدفع ٢٤٠ الف في خامات بلاستيك رديئه لكن حتلاقي ناس تدفع ٢٥٠-٢٧٠ الف في خامات ممتازه و اوبشن عاليه و دي شريح الناس اللي كانت بتجيب الجيتا و الاوكتافيا و الاوبل و حاليا محتاره و مش عارفه تجيب ايه

الموديل الحالي فشل علشان شكله و خاماته الرديئه قبل سعره و الهوندا بالذات ليها ناس بتقدرها و حتدفع لما تلاقيها بخامات ممتازه

**FryCry** · 13-09-2015 06:09 AM

كلام رائع وموزون عايز بس اضيف ان اللى بيحط رجله فى الهوندا حساباته كلها بتتغير عن مفهوم متعة القياده و الله انا معايا السيفيك احسااااس تانى غير التويوتا و الكلام الفاضى ده فعلا اوتومبيل فيه كل حاجة

الموضوع: هوندا سيفيك 2016/2017 تظهر للمره الأولى (صور)

LinkBack

أدوات الموضوع

عرض

هوندا سيفيك 2016/2017 تظهر للمره الأولى (صور) - انشر الموضوع فى :

-

-

-

-

المواضيع المتشابهه

هوندا سيفيك 2016

كيا سبورتاج 2017 تظهر متخفية للمرة الأولى في العالم

أول صور تجسسيه للجيل الجديد من أكسنت 2016/2017

هوندا سيفيك 2012 تظهر بكل وضوح للمره الاولى

مبيعات هيونداى تتخطى 500 الف سياره فى امريكا للمره الأولى

الكلمات الدلالية لهذا الموضوع

المفضلات

المفضلات

ضوابط المشاركة