الموضوع: مساعده ضروري صني قديم ولا لوجان

محتار ما بين صني الشكل القديم هي عربيه شكلها تقيل و محمله و كويسه بس فقيره جدا. و سعرها مبالغ فيه 121 في المعارض

و ما بين اللوجان الجديده. عربيه كويسه و منتشره و ال 120 دول يجيبوا الهاي لاين بالنافيجيتور كمان

متخوف شويه من قطع الغيار

مش ناوي علي البيع قريب انا هاجيبها تعيش ان شاء الله

و انا اخري هيبقي ال 120 عشان قسط فمش هعرف اعلي و العربيات غاليه جدا الصراحه
متشكرين مقدما يا رجاله

الصني يعيبها حاجتين
-واطيه اوي
-الكنبه الي ورا ضيقه
غير كدا عربيه محترمه ويعتمد عليها
لو دول مش فارقين مع حضرتك هاتها
مع الاخذ في الاعتبار ان التكنولوجيا بتاعتها قديمه وكمالياتها مش كتير
انما اللوجان عكسها في كل حاجه
لو شكل اللوجان عاجبك يبقي توكل علي الله وهاتها وهتديك اكتر من الي هتحتاجه بس هات الاوتو