الموضوع: سوزوكي ماروتي زيرو ام تويوتا كورولا الملكة اوتوماتك

انا عارف انهم بعاد عن بعض بس انا عايز عربية بديل للتاكسي ومش ناوي اسافر بيها وتكون تكاليف تشغيلها قليلة

السلام عليكم ورحمه الله وبركاته
مرحبا اخى الكريم
لو حسبناها من ناحيه التوفير هنلاقى الاتى
الماروتىً موفره فى البنزين لكن عزم ضعيف
التويوتا موفره مع عزم اعلى
قطع غيار التويوتا اطول عمر من الماروتى
تويوتا من ناحيه الامان افضل لجوده خامات تصنيعها
الماروتى تحس انهم بيضحو باللى سايق
التويوتا بتديك ثبات علىً الطرق
الماروتى ثباتها ضعيف مع السرعات جرب تخلى مقطوره تعدى على سرعه وانت ماشى جمبها هتحس انً العربيه بتحدف منك
اتساع صالون التويوتا مرضى جدا انما الماروتى ضيقه جدا
الماروتى تفتقر للكماليات رغم ان العربيه مش رخيصه
الماروتى ومشكله التكييف هتعمل ايه فى الصيف
التويوتا تكيفها من افضل ما يكون
لم تيجى تشترى متفكرش فى البنزين وبس فكر كمجمل والتويوتا معروفه بإنها اقتصاديه فى استهلاك البنزين وفى قطع الغيار
لكن أتأكد من حاله العربيه
وفى النهايه اخى الكريم اتمنى من الله ان يوفقك فيما فيه خير لك