كسوة سقف اسبرانزا 516 فك اللزق بتاعها ... الرجاء المساعدة

**mous6fa** · 13-09-2015 04:40 PM

السلامـ عليكمـ ورحمة الله وبركاته

للأسف الشديد "كسوة" سقف العربية فك اللزق بتاعها خالص وساقطة من مكانها وشكلها وحش جداً ... العيب ده لاحظته ف عربيات اسبرانزا كتير اووى ويبدو إنه عيب من عيوب التقفيل والأمر إزداد سوءاً بعد ما سافرت ع الصحراوي وتيار الهوا اللى داخل من الشبابيك خلى الكسوة يادوبك ماسكة من عند الاطراف والكشاف اللى ف نص السقف ... روحت لواحد بتاع فرش وقال إنها هتتكلف حوالى 300 جنيه وهيعمل كسوة جديدة بخامة نضيفة ... هل عند حضراتكم حل تانى أو حد فيكم واجه المشكلة دي ويقولي ع الحل المثالي ليها !!!

**دكتور خالد** · 13-09-2015 08:24 PM

انا عندى الكسوة كويسة جدا و مفيهاش مشكلة بس اعرف ان المفروض الكسوة متتغسلش بميه لان ده اللى بيخليها تفك - وبنضفها بالمكنسة - عموما لو حالتها كويسة ممكن تتلزق بس ومتتكلفش اكتر من 50 جنيه

**hugan** · 13-09-2015 09:05 PM

العربيه قعدت معايا خمس سنوات مفيش حاجه حصلت للسقف
عامه انت مش محتاج تغير الكسوه
محتاجه اعاده لصق
السروجي اللي روحت له عايز يعمل شغل

**raafat_raslan** · 14-09-2015 11:52 AM

هو فعلا العيب ده شائع فى الاسبرانزا و بيكون السبب هو درجة الحرارة العالية الناتجة عن وقوف السيارة فى الشمس و ده حصل عندى و عملتها بنفسى و التكلفة هى 1.60 متر ( متر و 60 سم ) قماش كسوة للسقف من عند محلات مستلزمات السروجية باللون اللى يعجبك و المتر بحوالى 35 جنية يعنى قماش بــ 55 جنية و حوالى كيلو لصق الشعلة او اى ماركة ( جله حمرا ) من نفس المحل و دلوقتى اللاصق ده اصبح لونه مائل للشفاف و سعره الكيلو 50 جنية او اكتر و يتحل السقف عن طريق حل الشماسات و ذراع اليد اللى فوق كل باب و كذلك المصباح الامامى و الاوسط للصالون و 3 كلبسات موجودين فى الخلف لتثبيت السقف و مرايا الصالون و كوتش القوائم عند السقف و بعد تحرير السقف ترجع الكرسى الللى جنب السواق للخلف للاخر و تنزل ظهر الكرسى و بالراحة تخرج كرتونة السقف من الباب و بعد كده تنزع الكسوه القديمة ( لا انصح با عادة تركيبها ) و بعد كده بصنفرة ناعمة تزيل كل اثر ببصق القديم و بعد التنظيف تبتدى تفرد اللصق على الكرتون بتاع السقف فى الجزء الامامى ثم تتركه 5 دقائق و تبدء تلصق القماس على السقف و تشد و متخليش اى هواء او فراغ حتى اكمال السقف كله و بعدين تتركه من 3 الى 4 ساعات علشان يجف و باستخدام قطر تفتح اماكن المصابيح الخاصة بانارة الصالون و اماكن تثبت الشماسات الامامية و ندخل السقف داخل الصالون و نركب الاجراء اللى تم حلها و متنساش تركيب الكلبسات الخلفية ...... هى عمليه مش صعبة بس محتاجة وقت

**mous6fa** · 15-09-2015 04:43 PM

المشاركة الأصلية كتبت بواسطة raafat_raslan

هو فعلا العيب ده شائع فى الاسبرانزا و بيكون السبب هو درجة الحرارة العالية الناتجة عن وقوف السيارة فى الشمس و ده حصل عندى و عملتها بنفسى و التكلفة هى 1.60 متر ( متر و 60 سم ) قماش كسوة للسقف من عند محلات مستلزمات السروجية باللون اللى يعجبك و المتر بحوالى 35 جنية يعنى قماش بــ 55 جنية و حوالى كيلو لصق الشعلة او اى ماركة ( جله حمرا ) من نفس المحل و دلوقتى اللاصق ده اصبح لونه مائل للشفاف و سعره الكيلو 50 جنية او اكتر و يتحل السقف عن طريق حل الشماسات و ذراع اليد اللى فوق كل باب و كذلك المصباح الامامى و الاوسط للصالون و 3 كلبسات موجودين فى الخلف لتثبيت السقف و مرايا الصالون و كوتش القوائم عند السقف و بعد تحرير السقف ترجع الكرسى الللى جنب السواق للخلف للاخر و تنزل ظهر الكرسى و بالراحة تخرج كرتونة السقف من الباب و بعد كده تنزع الكسوه القديمة ( لا انصح با عادة تركيبها ) و بعد كده بصنفرة ناعمة تزيل كل اثر ببصق القديم و بعد التنظيف تبتدى تفرد اللصق على الكرتون بتاع السقف فى الجزء الامامى ثم تتركه 5 دقائق و تبدء تلصق القماس على السقف و تشد و متخليش اى هواء او فراغ حتى اكمال السقف كله و بعدين تتركه من 3 الى 4 ساعات علشان يجف و باستخدام قطر تفتح اماكن المصابيح الخاصة بانارة الصالون و اماكن تثبت الشماسات الامامية و ندخل السقف داخل الصالون و نركب الاجراء اللى تم حلها و متنساش تركيب الكلبسات الخلفية ...... هى عمليه مش صعبة بس محتاجة وقت

أستاذ "رأفت" صدقنى أنا عاجز عن شكرك بجد ... بارك الله فيك