محتاج رأيكم في فيات بونتو كلاسيك 2011 بالله عليكم بسرعة

**mhsm87** · 20-09-2015 03:13 AM

السلام عليكم و رحمة الله و بركاته
قدامي عربية فيات بونتو كلاسيك 2011
الغربية فابريكة ما عدا السقف و اجزاء بسيطة في الباب الخلفي

ماشية 78400
1300 سي سي
صاحبها طالب 55 الف

هل دة السعر دة عالي و العربية سعرها كام في السوق
و اخبار قطع غيارها ايه
و هل في ناس بتفهم في البونتو كويس في اسكندرية
و عشان اكشف عليها كويس اروح فين
انا شبة جديد في السواقة هل العربية مناسبة
ايه عيوبها ؟؟؟

يا ريت تفيدوني يا جماعة من فضلكم .. جزاكم الله خير

**speranz** · 20-09-2015 03:53 AM

50 الف كويس

بس راشة سقف بس ازاي وليه ترش سقف

لازم سمكري في خبطات بسيطة بيقلك اتكلم معاه في السعر وفي حوادث بيقلك اصرف نظر

ممكن تشوفلك فيرنا بالسعر ده عربية جميلة

**mhsm87** · 20-09-2015 11:34 AM

فين باقي الرجالة ؟؟؟؟

**Amr_650** · 20-09-2015 02:21 PM

العربية معانا من الزيرو , ماشية بتاع 45000 . عربية محترمة جدا لجوة المدينة - سحبها حلو حتى مع التكييف - مش بتموت يعنى - تكييف تلاجة .. قطع غيار من سيور و فلاتر معقوله جدا - لو بادى غالية من وجه نظرى بالنسبالها - الى الان ماشوفتش منها اى حاجة و حشة ..

على السفر اخرها 160 كم بالعافية ! و مش بتعديهم . مع السفر مدة طويلة مش مريحة اوى ( طبيعى لانها عربية Low budget . افتكر كنا جايبنها فى 2011 ب 68000 جنية من توكيلها . ..فيها 2 ايرباجز مع امكانية غلق اير باج الراكب .

اوفر اول - عربية جيدة جدا بالنسبة لسعرها و اللى مطلوب منها

**mhsm87** · 20-09-2015 03:04 PM

المشاركة الأصلية كتبت بواسطة amr_650

العربية معانا من الزيرو , ماشية بتاع 45000 . عربية محترمة جدا لجوة المدينة - سحبها حلو حتى مع التكييف - مش بتموت يعنى - تكييف تلاجة .. قطع غيار من سيور و فلاتر معقوله جدا - لو بادى غالية من وجه نظرى بالنسبالها - الى الان ماشوفتش منها اى حاجة و حشة ..

على السفر اخرها 160 كم بالعافية ! و مش بتعديهم . مع السفر مدة طويلة مش مريحة اوى ( طبيعى لانها عربية low budget . افتكر كنا جايبنها فى 2011 ب 68000 جنية من توكيلها . ..فيها 2 ايرباجز مع امكانية غلق اير باج الراكب .

اوفر اول - عربية جيدة جدا بالنسبة لسعرها و اللى مطلوب منها

جزاك الله خير
يعني العربية سوقها كام مستعمل 2011
اكشف عليها فين كويس
دلوني يا جماعة العربية كويسة اتوكل على الله ؟؟؟
سعرها اخره كام ؟؟

**Amr_650** · 20-09-2015 03:35 PM

و الله مش عارف .. قارن ما بين احتياجاتك ( سيدان و لا هاتش ) و الفئه السعرية اللى بتتكلم فيها . يعنى اعتقد ال55000 يجيبو فيرنا لو عايز سيدان ( بس البنتو انظف ) . و لو مش فارق عندك الموديل - ممكن تاخد فيكترا بى برقبتهم الاتنين .

من ناحية الكشف اتاكد من الاير باجز انها متكونش طالعه بتبقى باينة + السنسورز فى الطابلوة متكونش منوره - و شوف كبس الماتور و حوض العربية مرشوش و لا لا - و هل الرفارف مفكوكه قبل كدة و لا لا . و ارفع العربية شوف تسريب زيوت و الععفشه و الشاسية و بما انك بتقول السقف مرشوش لو عاملة حادثة فى السقف مش هتبان غير لما تفك السقف - بس لو السقف مفكوك ممكن يبان انو مش متركب كويس .

حاول تركن عربيتك عندو و تاخدو مشوار انت و هو فى العربية و شوف التكيف و مشى العربية و الفرامل و الاصوات و اية ظروفها فى المشى ..
اتاكد ان مكن الزجاج سليم و الباور شغال ---- و السيتى باور ---شغال بردو لما تدوس على الزرار ينور فى الطابلوة و يشتغل .

**tata2011** · 20-09-2015 03:46 PM

2011 بالسعر ده ؟ لازم اشك فيها احنا جايبين 2007 حالتها فابريكة ب 55 وطالما رشة السقف منصحكش بيها

**mhsm87** · 20-09-2015 06:03 PM

المشاركة الأصلية كتبت بواسطة amr_650

و الله مش عارف .. قارن ما بين احتياجاتك ( سيدان و لا هاتش ) و الفئه السعرية اللى بتتكلم فيها . يعنى اعتقد ال55000 يجيبو فيرنا لو عايز سيدان ( بس البنتو انظف ) . و لو مش فارق عندك الموديل - ممكن تاخد فيكترا بى برقبتهم الاتنين .

من ناحية الكشف اتاكد من الاير باجز انها متكونش طالعه بتبقى باينة + السنسورز فى الطابلوة متكونش منوره - و شوف كبس الماتور و حوض العربية مرشوش و لا لا - و هل الرفارف مفكوكه قبل كدة و لا لا . و ارفع العربية شوف تسريب زيوت و الععفشه و الشاسية و بما انك بتقول السقف مرشوش لو عاملة حادثة فى السقف مش هتبان غير لما تفك السقف - بس لو السقف مفكوك ممكن يبان انو مش متركب كويس .

حاول تركن عربيتك عندو و تاخدو مشوار انت و هو فى العربية و شوف التكيف و مشى العربية و الفرامل و الاصوات و اية ظروفها فى المشى ..
اتاكد ان مكن الزجاج سليم و الباور شغال ---- و السيتى باور ---شغال بردو لما تدوس على الزرار ينور فى الطابلوة و يشتغل .

ربنا يباركلك
انا هكلمه واشوف العربية و ربنا يسهل
انا محتاج عربية هاتش و الفيرنا مش حاببها
اللي قدامي البونتو 2011 و صاحبها طالب 55 الف
و بولو 2004 تقريبا نفس السعر 54 الف فابريكا
محتار مش عارف اجيب ايه محتاج عربية .. ربنا يسهل

دعواتك

**mhsm87** · 20-09-2015 06:07 PM

المشاركة الأصلية كتبت بواسطة tata2011

2011 بالسعر ده ؟ لازم اشك فيها احنا جايبين 2007 حالتها فابريكة ب 55 وطالما رشة السقف منصحكش بيها

انا معرفش سعرها كام في السوق و هو بيقول انها

ان العربية فابريكا بالكامل ما عدا اجزاء بسيطة في الباب الخلفي الايمن و السقف و العتبة اليمنى

دة معناه ايه ؟؟ انا مبفهمش اوي في العربيات ؟؟

**tata2011** · 23-09-2015 02:44 AM

[QUOTE=mhsm87;3876011518]انا معرفش سعرها كام في السوق و هو بيقول انها

ان العربية فابريكا بالكامل ما عدا اجزاء بسيطة في الباب الخلفي الايمن و السقف و العتبة اليمنى

دة معناه ايه ؟؟ انا مبفهمش اوي في العربيات ؟؟[/Q

(معناه انها مخبوطة)