استفسار بشأن بطارية byd f3

**حسام كرم** · 20-09-2015 11:11 AM

لو سمحتم يا جماعة انا ليا استفسار انا معايا byd f3 عاملة حوالى 400 كيلو فقط المهم بعد مشوار طويل سبتها مركونة لمدة اسبوع وجيت ادورها البطارية كانت فاضية خالص لدرجة ان حتى السنتر مفتحش وفتحتها بالمفتاح وخت واصلة من بطارية تانية ودارت العربية ورحت مشوار وشحنت ومفيش مشكلة وتانى يوم دارت معايا عالطول ورحت توكيل كلوريد كشفوا على البطارية وقالولى تمام واحتمال يكون فية ماس وقالولى روح التوكيل المهم طلعت على توكيل الشرابية عشان الساعة كانت حوالى 12 وقلت القطامية مستحيل المهم فى الشرابية 3 بصوا على كهرباء العربية بالكامل انوار صالون وشنطة وفيوزات ودينامو وقالولى كلوا تمتم ومفيش اى مشكلة قلتلهم على موضوع الماس وجهاز قياس البطارية كان قايس 12 فولت والمفروض يكون 7 او 8 زى ماقلى بتاع البطاريات قالولى اى عربية فيها انذار لازم تكون كدة عشان فية سحب المهم لما لقونى قلقان حطوها على جهاز كشف الاعطال بالكمبيوتر الى بيتوصل من تحت الدركسيون وشغلوا كل حاجة فى العربية وقالولى برضة كلوا تمام ومع قلقى قالولى لو عايز مهندس الضفاير يبصلك عليها نخلية يبص بس مكنش موجود اليوم دة عشان هو بيبدل بين القطامية والشرابية المهم انتوا رايكم اية ممكن اكون فعلا نسيت حاجة منورة بس كل حاجة بتقفل مع الكونتاكت وهل من الطبيعى ان البطارية تفضى فى اسبوع ولااخلى بتاع الضفاير يبص عليها ولا اثناء الكشف ممكن يبوظ الدنيا والسوال للى معاهم العربية فية حد ساب العربية اسبوع ومادرتش بعد كدة عشان فية ناس قالولى نظام الانذار بتاعها بيسحب جامد

**حسام كرم** · 21-09-2015 03:11 PM

هو يا جماعة القسم مات موت عميق لية كدة حوالى 100 مشاهدة فى يومين بدون رد واحد الناس كلها بتخش تبص على المشاركة والسلام عليكم بعدها بدون ابداء اى اراء حتى حجم المشاركات فى باقى المواضيع بالقسم ضعيف جدا ويكاد يكون معدوم بعكس الفترات السابقة

**pepo2011** · 21-09-2015 03:41 PM

ياباشا حضرتك مفيش معطيات نستند عليها كل اللي حضرتك بتقوله وارد وكل الاحتمالات ممكنة البطارية لو مشيت بيها مشوار طبعا بتشحن فطبعا هيقيس الشحن يلاقيه 100%
وطبعا جهاز الانذار بيسحب بس مش لدرجة انه ينيم البطارية وحتي الساعة بتاعة التبلوة بتسحب بس عمرها ماتنيم البطارية فحضرتك مفيش قدامك غير انك تجرب تاني بس مش اسبوع خليها يومين وبعدين 3 بالترتيب كده وجرب لانه وارد جدا يكون فيه ماس ومحدش يعرفة هما بيجربو الحاجات شغالة ولا لا ماهي ممكن تكون شغالة بس في ماس في حتة فيها وممكن تكون البطارية بتفضي شحنها بسرعة ودا عيب بطارية تاني
وبالتوفيق

**ehabpopo** · 28-09-2015 12:03 PM

++++

**mohhassan** · 01-10-2015 08:39 AM

طبعا لازم تدور على العيب انا ركنت حوالى ٤ ايام والحمد لله عادى ،،ثانيا الكونتاكت مش بيقفل النور الصغير مثلا او نور الصالون الامامى

**حسام كرم** · 07-10-2015 03:30 PM

الحمد للة يا جماعة طلع مفيش مشكلة وسبتها 10 ايام عشان اتاكد ان مفيش تهريب كهرباء فى السيارة ودورتها دارت تمام وغالبا انا كنت ناسى باب مفتوح ففضل نور الصالون منور او الشنطة مكنتش مقفولة كويس ففضل نورها منور .