اسبورتاج 2016

**The doctor** · 20-09-2015 01:13 PM

أنا - إن شاء الله - ناوى أشترى الاسبورتاج أعلى فئه
كنت عايز أعرف الموديل الموجود دلوقتى 2015 و لا 2016
و سعره وصل كام؟
هل فيه اختلافات بين الموديل الحالى فى الفئه دى و السنين اللى فاتت؟
و لو فى عيوب شائعه للعربيه ايه هى ؟

**Hosam_Optrawy** · 20-09-2015 01:22 PM

الموديل 2016

السعر 257

مفيش اختلافات بينها وبين 2015

**borio1704** · 20-09-2015 11:04 PM

الشكل الجديد لسه نازل في أوروبا من كام يوم. .. والمتوقع ينزل في مصر على أول السنة الجديدة..

شوف شكلها في الموضوع ده..

http://www.nilemotors.net/Nile/475630-2015.html

...

**ENG.MaRk** · 21-09-2015 03:27 AM

لو عندك استعداد تدفع 285 يبقي تجيب فورد كوجا تاني فئة طبعاً ... عفشتها أنعم و ثباتها أعلي و موتورها أقوي و متميزة في كل حاجة عن الSportage و توكيلها كويس (معقول نسبياً) و لو قدرت توصل المبلغ ل 300 و تجيب كوجا تالت فئة فيها فتحة سقف و Keyless entry و خاصية فتح الtrunk لو عديت رجلك من تحت الsensor الموجود أسفله ... من الآخر حتي الآن هي أحسن SUV في مصر في الفئة السعرية 250-300

**Hosam_Optrawy** · 21-09-2015 03:32 AM

المشاركة الأصلية كتبت بواسطة محمد مجدي 22

حضرتك ممكن فين ال257 جنية لاني عايز اشتريها
لقيتها ب 285 الف جنية

السعر دا في التوكيل بالحجز بس معنديش فكره الاستلام امتى

**The doctor** · 21-09-2015 03:44 AM

المشاركة الأصلية كتبت بواسطة eng.mark

لو عندك استعداد تدفع 285 يبقي تجيب فورد كوجا تاني فئة طبعاً ... عفشتها أنعم و ثباتها أعلي و موتورها أقوي و متميزة في كل حاجة عن الsportage و توكيلها كويس (معقول نسبياً) و لو قدرت توصل المبلغ ل 300 و تجيب كوجا تالت فئة فيها فتحة سقف و keyless entry و خاصية فتح الtrunk لو عديت رجلك من تحت الsensor الموجود أسفله ... من الآخر حتي الآن هي أحسن suv في مصر في الفئة السعرية 250-300

شكرا على مشاركتك
بس أنا خلاص أخدت قرارى بشراء السبورتاج 2016
و كل اللى عايز أعرفه اذا كان ليها عيوب شائعه و لا لأ ؟

**ENG.MaRk** · 21-09-2015 09:06 AM

المشاركة الأصلية كتبت بواسطة The doctor

شكرا على مشاركتك
بس أنا خلاص أخدت قرارى بشراء السبورتاج 2016
و كل اللى عايز أعرفه اذا كان ليها عيوب شائعه و لا لأ ؟

الكنبة الخلفية ضيقة جداً و بالكاد يقعد فيها أطفال لو السائق و الراكب الأمامي طوال ... ثباتها زي الزفت و سحبها متواضع و ماتستهلش مليم يتدفع فيها :) !!!
أنا معايا Porsche Cayenne s في ألمانيا و كان معايا قبلها Audi Q5 و المدام كان معاها Q7 و هو ده مفهوم ال SUV علشان كدة حكمي ممكن يكون صعب شوية بالنسبة للSportage و لكن علي العموم رجاء شخصي مني لو تقدر تنتظر لحد الشكل الجديد ما ينزل يبقي أفضل بكتير لأن موتوره أقوي و شكلها بقي أفخم و ساعتها ممكن تشتري الشكل الحالي أرخص من سعرها بكتير
لو مكان حضرتك هفكر تاني ... بص بصة سريعة علي القاشقاي و ال3008 و الكوجا و لو فضلت مقتنع بالSportage يبقي ربنا يبارك لحضرتك فيها إن شاء الله :)