الموضوع: ارجو الافادة من ملاك اللانسر شارك او اللى ركبها وركب غسرها و يقدر يحكم

توكيلها سيء جداً و بعض قطع الغيار غير متوفرة ... الخليجي كمالياتها بتتركب هنا في مصر و بيبقي فيها لعب كتير و الوكيل متنفضة من الكماليات خالص ف دوّر علي حاجة شرق أوسط لأنها بتبقي جاية من بلدها بكمالياتها و إن كنت أفضل إنك تبعد تماماً عن الشارك و تشوف التوليدو مثلاً أو الرابيد أو فلوانس تاني فئة

متشكر جدا على اهتمامك و ردك العربيات اللى انت رشحتها كويسة جدا و خصوصا التوليدو لاني من عشاق السيات و اول عربية كانت ابيزا و بعشقها بس للاسف العربيات دى ملهاش سوق كويس في مصر و ده للاسف بياثر على سعر اعادة البيع و قطع الغيار اتمني العربيات دى يجي ععليها وقت تتفهم و تثبت و جودها هنا

-العربية معايا موديل 2013 عاملة 85000 كيلو
- العربية حمالة اسيه وعفشة خدمة شاقه فعلا
- مريحة في السفر
- عاليه يعني شيل 5 في السيارة وعدي اعلا مطب ولا يهمك
- ثابته جدا ...
- مش محتاجه اكتر من صيانة دورية زي الزيوت والفلاتر
- قطع غيارها موجوده كلها جديد (غاليه شويه بس معمرة جدا جدا) واستيراد (متوسطة السعر ومعمرة جدا)... ومتركبش غير الاصلي او الاستيراد
- استهلاك البنزين متوسط
- الاكصدامات خامتها سيئة
- الكماليات علي حسب الفئة و اقل فئة فيها باور وسنتر واربعة زجاج كهربا وراديو سي دي Aux ومرايات كهربا يمين وشمال وايرباج السائق واستوب خلفي و خاصية Follow Me التحكم في ارتفاع الكرسي والدركسيون
- الكاوتش قوي جدا ونادر جدا جدا اما تعمل فيه لحام يعني وبيعمل حوالي 40 الي 50 الف كيلو
- الفرامل ممتازه جدا
- الباور كويس جدا بس مش خفيف زي الباور الكهربا
- الاضاءة جيدة بالنسبة للنور الواطي وممتازه بالنسبة للنور العالي
- التكييف ممتاز
- عزل صوت الكاوتش سئ وبيقل جدا مع الكاوتش الالماني مش فاكر اسمه
- عزل صوت الضوضاء الخارجي ممتاز
- التوكيل سئ
- اعتمادية جدا جدا جدا للصبح
- الحرارة مابتتحركش عن النص
- المرايات كويسة وبتوضح كويس
- الكراسي جيده جدا لكن الالماني افضل وافخم
- مصفحة من الاسفل
- الشنطة مش كبيرة