هل في شكاوى من اوتوماتك الليجانزا وﻻ ﻻءه؟؟ برجاء الرد من مﻻك الليجانزا اﻻوتو

**Nfs Rivals** · 21-09-2015 05:02 AM

السﻻم عليكم
هل في شكاوى من اوتوماتك الليجانزا زى النوبيرا وﻻ ﻻءه؟؟
برجاء الرد من مﻻك الليجانزا اﻻوتوماتك فقط

منتظر الرد .. متابع باهتمام

**tarek zedan** · 22-09-2015 08:29 AM

متابع للاهميه

**Nfs Rivals** · 24-09-2015 02:33 AM

ماتردو علينا يا جماعة
هو فيه ايه
كل عام وانتو بخير

**Nfs Rivals** · 05-10-2015 03:00 AM

مفيش حد من مﻻك الليجانزا اﻻوتو يوضحلنا الفكرة دى

**do0om** · 06-10-2015 07:11 PM

كان نفسي افيدك بس للاسف انا عندي فتيس عادي

**tarek zedan** · 15-11-2015 04:28 AM

هام صحيح يا جماعه رودوا علينا بس تبقى ادخل على جروب الفيس احسن

رابطه ملاك دايو ليجانزا

**mohnsar** · 25-11-2015 12:34 AM

ابعد عن التوتر هو هو فتيس النوبيرا انا امتلاكها من7 سنين غيرت فيهم 5 فتيس

**AHMED REFAT** · 29-11-2015 02:12 AM

باشا.. الفتيس عايز اهتمام زيادة شوية عن اي عربية تانية في تغير الزيت في مواعيده وتغير المصفاه الداخليه. هايعيش معاك وانسي اي مشاكل ان شاء الله.. غير كده بقي.. اقدار ونصيب.. لكن فعلا اهتم بصيانته وانساه

**ayman_77eg** · 05-12-2015 07:15 PM

ان شاء الله مفيش اى مشاكل
العربية معايا بقالها 3 سنين معايا
زى الفل

**cayman69300** · 17-12-2015 01:46 AM

السلام عليكم و رحمه الله و بركاته
الفتيس الاتوماتيك عبارة عن جزئين
أ - الجزء الاول الميكانيكى و دة تروس و بادى فالف و بريك باند و شوية حاجات ميكانيكية اللى بتشتغل بضغط الزيت
ب - الجزء الثانى و هو الكهرباء و المعروف بعقل الفتيس او الكنترول
الليجانزا نزل فيها نوعين من الفتيس الاتوماتيك
1 - النوع الاول و هو ابو واير " زى سلك فرامل العجلة او البسكلتة " و السلك دة موجود على بكرة البنزين - يعنى لما بتدوس بنزين البكرة بتلف و بتسحب معاها الواير بتاع الفتيس و بينقل بالطريقة دى - كل ما يتشد ينقل النقلة اللى بعد كدة و هكذا - اهم مميزاته انه كله ميكانيكى و مفيهوش كنترول و لا حساسات - و لكن عيبه انه مش حساس زى الفتيس الكهرباء فى النقلات بتاعته - يعنى ممكن تحس بالنقلات سواء فى الزيادة او فى تهدئه السرعة و نقصان الغيارات
2 - النوع التانى . الفتيس الكهربى و دة فية كنترول - اهم مميزاته انه ذكى و بينقل نقلات سلسلة لانه شغال على حساسات لضغط الزيت الهيدروليكى - و لكن اهم عيوبة حساسيته - يعنى زى الدوائر الكهربية اى شوية مية او شوية تراب علية ممكن الفتيس يعلق و يخترف - و طبعا معدل اعطالة اعلى من الواير لان معدل الاعطال ممكن يكون فى الفتيس او فى الكنترول
الصيانة
روح التفيس الاتوماتيك فى الزيت - لكنا عارفين ان الزيت علشان يقلل معدل الاحتكاك بين الاجزاء الميكانيكة - يعنى بيقللها و ليس بيخليها صفر - فبالتالى كل ما يكون الزيت بلزوجته كويسة - كل ما يكون معدل الاحتكاك قليل - و لعكس بالعكس .
طب و بعدين . فى حالة استخدام الفتيس فى فترات طويلة - اجزاء ضغيرة جدا بتنزل من مكونات الاجزاء الميكانيكية فى زيت الفتيس " الرايش " و بتلف فى الزيت و بتروح لحد المصفاية بتاعة الزيت - و بالتالى بتعمل ضغط عكسى و مقاومة على الزيت - و بالتالى عزم الفتيس بيقل و ممكن يبوظ - و بالتالى كل فترة المفروض تغيير المصفاية او فلتر الفتيس
تغيير زيت الفتيس كل 40.000 كم و الانواع المستحبة موبيل 220 او شل الاسود - و شل احلى من موبيل كمان
المصفاية او الفلتر تتغير كل 80.000 كم - يعنى كل غياريين زيت فتيس
هذا ما اعرفة جيدا من الخبراء
و ارجوا انى اكون افدتكم