نصيحه خالصه لوجه الله تعالي

**بليغ عمرو** · 22-09-2015 06:20 PM

اخوكم في الله عاوز يشتري عربيه واسكن الريف والامكانات الماديه مش مرتفعه واحبو في قيادة السيارات فارجو من اعضاء المنتدي الكريم اسداء النصيحه اي انواع السيارات اشتري (النوع الموديل الثمن )واكن لكم شاكرا

**bluemail** · 22-09-2015 07:07 PM

اهلا بيك ونورت المنتدي
اولا لازم تقول الرينج اللي انت محدده كام
بس مبدايا علشان ما تتعبش في قطع غيار ولا صيانات مكلفة خليك في الفيرنا او اللانوس
ولو عاوز سعر اقل, وجهة نظري سبرانزا 516 موديل 2012 عداد قليل
طبعا كل شيئ يتوقف علي المبلغ اللي انت محدده

**بليغ عمرو** · 22-09-2015 08:37 PM

صحيح انا عضو جديد علي هذا امنتدي الكريم ولكن اسعدني جدا ان كل المناقشات جاده وهادفه والنصيحه من الاعضاء نصيحه خالصه لوجه الله تعالي
هل 50الف يمكن تشتري سياره اسبيرانزا 516aموديل 2012

**windofchange** · 23-09-2015 02:39 AM

عايز عربية مانيوال ولا اوتو....

**bluemail** · 23-09-2015 02:42 AM

المشاركة الأصلية كتبت بواسطة بليغ عمرو

هل 50الف يمكن تشتري سياره اسبيرانزا 516aموديل 2012

يس, بالفعل ممكن تشتري موديل 2012 وعداد قليل جدا وحالة رائعة كمان

**بليغ عمرو** · 23-09-2015 06:03 PM

اود ان اسال الاخ الكريم لم اخترت السياره اسبيزانو 516موديل 2012 ولم تختر لادا او شاهين علما بانني من سكان الريف وتقبل تحياتي وكل عام وانت بخير

**bluemail** · 25-09-2015 05:22 AM

اولا كل سنة وانت طيب وعيد سعيد عليك وعلي الاسرة الكريمة كلها ان شاء الله
ثانيا خد بالك انا اول حاجه قلتلك لازم تحدد الرينج, المبلغ اللي معاك هو اللي هيحدد
وهنا الرينج مختلف , اللادا والشاهين ولا اسبرانزا 516 و فيرنا و لانوس
ثانيا اللادا والشاهين هتبقي موديلات قديمة وخلاص خلصت شغل يعني هتبقي زبون دائم عند الميكانيكي والكهربائي والعفشجي وبتاع الريداتير وبتاع الفرامل
انا بقول سبرانزا موديل 2012 مثلا وعداد قليل يعني عربية هتبقي محتاجة الصيانات الدورية فقط كل 5000 كم
ولو معاك مبلغ اكبر هات فيرنا او لانوس موديل عالي برضة وعداد قليل لكن هيكون بمبلغ اكبر طبعا
حدد الاول المبلغ اللي انت عاوز تجيب بيه العربية , انت ساكن في الريف او في المدينة ده لا يؤثر علي الاختيار انك تجيب لادا او شاهين ولا سبرانزا او لانوس او فيرنا

**abokoko** · 25-09-2015 11:48 AM

حضرتك ساكن فى الريف
يعنى طلاق مكسرة ولازم عفشة قويه وعربيه مرتفعه عن الارض
+
انت بعيد عن التوكيلات فمحتاج هلابيه سهله الاصلاح عند الميكانيكى العادى
+
الامكانيات الماديه مش مرتفعه
يبقي تبعد عن الجديد اللى هيكون وقتها 4*4 مثلا

بالتالى ومن وجهة نظرى
المناسب لحضرتك
البيجو
وامامك شريحتان
504 عربية الشعب - يعاب عليها تقامد الزمن وارتفاع اسعار قطع الغيار - ويمكن البحث عن سيارة متحافظ عليها
الميزة عربيه تتحمل كافة الطرق سهله الاصلاح وقليله الاعطال وحمل داخلها كما تحب شنط وناس

الشريحة الاعلى
505
وقى منها الاسيشن عليها اقبال وسعرها عالى وموديلاتها حتى منتصف الثمانينات تقريبا وافضل مودديلاتها التى يطلق عليها صالون طياره وبتكون مكيفه - وهتلاقى منها عربيات اصحابها محافظين عليها جدا

تقبل تحياتى

**أحمد عيسى** · 26-09-2015 01:38 AM

فيرنا أو لانوس

**بليغ عمرو** · 26-09-2015 08:34 PM

شكر من القلب لكل من حاول ان يمد يد المساعده والنصيحه سائلا المولي ان يديم بيننا نعمة الاخوه واود ان اخبركم بامر وهو ان احد الاصحاب ويعمل ميكانيكي سيارات (صاحب خلق ودين )عرض علي سياره سكودا موديل 2002 بمبلغ 60 الف الحاله فابريكه والعهدة عليه لو كان فيها حاجه غلط فهل اعقلها واتوكل ام لكم راي اخر وتقبلو تحياتي