برجاء المساعده ... اغير كاوتش الصباب و لا لأ ؟!!

**medo_love** · 22-09-2015 08:18 PM

أولا : كل سنه و انتم طيبين
ثانيا : عايز رايكم و راي الخبراء بتوع المنتدى .. انا دلوقتي العربية عندي لانوس وان و بتاكل زيت تقريبا 0.5 كيلو كل 1500 كم قولت يمكن من المكنه و بعدين لاحظت ان في دخنه بيضه بتظهر اول لما ادور العربيه و سالت اكتر من مره على المنتدى هنا لغاية ما الناس الصراحه فادوني ان المشكله من كاوتش الصباب و ده اللي الميكانيكي قالهولي النهارده و طبعا قالي تعالى بعد العيد ...انا بقى دلوقتي سالت ناس نصحوني بلاش اغير الكاوتش الصباب ده لان كده هيفك تقريبا وش المكنه كله من فوق و وش السلندر و مفيش حاجه بترجع زي ماكانت و هتصرف ع الفاضي و كده كده مش ماثره معايا في المشي و كل شويه ابص ع الزيت و خلاص فلو حد غيرو ياريت يقولي عمل ايه و التكلفه كام و ايه رايكوا اغيرو و لا بلاش مش مستاهلة ده كله برجاااا المساعده ؟!؟!؟!؟!؟؟

**مصطفى-حسن** · 22-09-2015 08:59 PM

جلد الصبابات او كاوتش الصباب بيتغير عادى جدا وممكن زيادة فى النضافة يعمل رودية للوش

واللون الابيض اللى بيطلع فى اول الدوارة غالبا بيكون فية سنة ازرق

وعن نفسى عاملة قبل كدة عادى جدا ومفيش حاجة بتبوظ ولا حاجة بس النصيحة الوحيدة انك تجيب الطقم (جلد الصباب) اصلى وهتلاقى لونة اسود مدى على اخضر

**مصطفى-حسن** · 23-09-2015 02:54 PM

اللى انا مستغرب لة انت قلقان كدة لية

الموضوع ابسط من البساطة

انت مش هتخرط المكنة انت يا دوب هتغير جلد الصبابات

ولو هتعمل رودية للوش التكلفة هتبقى اقل من 300ج

ولو هتغير جلد صباب بس التكلفة هتبقى اقل من 200ج