الموضوع: زلموكة 94 من مانيوال لاوتوماتيك

بسم الله الرحمن الرحيم

العربية 200 موديل 1994

الموضوع بدأ فجأه كده و نزلت اشتريت الفتيس من غير ما اجمع اي معلومات و للاسف عرفت بعد كده ان الفتيسات مختلفة و طبعا الفتيس الي اشتريته هو فتيس زلموكة 94 220 مش 200

بعد تجميع بعض المعلومات عرفت ان ال 200 136 حصان فيها موتور m111.940
أما العربية الي اخدت منها الفتيس الاوتو 220 150 حصان فيها موتور m111.960

كده انا اخدت فتيس عربية 220 حطيته في عربية 200 و غيرت برده الكرونة لأني على ما قريت عنهم لقيت الآتي :

ال 200 و ال 220 المانيوال بيركبلهم فتيس واحد و كرونة واحده
فتيس مانيوال 5 سرعات رقمه 722.412 او 722.413 و انا فتيسي المانيوال كان 722.412
و كرونة بحساس بتخفيض رقم 3.67

اما في الاوتوماتيك فالعربية ال 200 فتيسها رقمة 722.431 مع كرونة 3.27
اما في الاوتوماتيك فالعربية ال 220 فتيسها رقمه 722.428 مع كرونة 3.07

طبعا انا بجهل تام رحت اشتريت فتيس ال 220 الي هو 428 و ركبته و جبت كرونة 3.07 الي هي بتاعة ال 220 برده

الفتيس اداؤه كفتيس كويس لكن في عدم توافق و في حاجه غلط .. العربية سحبها كويس جدا و ناعمة لكن الار بي ام عالي .. يعني ابقى ماشي 100 و الار بي ام 3 ابقى ماشي 140 الاقي الار بي ام 4 و صوت المكنة عالي طبعا على سرعة ال 140 المفروض تبقى اهدى من كده طبعا على ما اجيب ال 180 بيبقى الار بي ام 5.5 يعني يادوب تجيب ال 200 ابقى دخلت الرد زون و طبعا الكلام ده مكنش موجود عالمانيوال خالص انا كنت بمشي بيها ال 200 و الار بي ام 5.3 كده

طبعا قلت اغير الكرونة فرحت غيرت الكرونة و جبت كرونة ال 200 الاوتو الي هي 3.27 اصبح العربية مكنة و كرونة 200 و الفتيس هو الي 220 و طبعا محصلش اي تغيير يذكر

سمعت من فني محترم جدا اني ممكن اغير قربة الفتيس و احط قربة فتيس 200 و ممكن نغير مخ الفتيس برده و ده لأني مش لاقي فتيس 200 اوتو في السوق الي هو رقمه 431

هل الفتيس هو سبب المشكلة و لا اغير و احط كرونة المانيوال و لو الفتيس هو الي عامل الازمة دي ازاي علميا ده حاصل يعني
مش المفروض بالبلدي كده الفتيس الكبير يريح المكنة d: ولا هو الموضوع بيتقاس ازاي ؟

المشاركة الأصلية كتبت بواسطة mbx4e

الكلام دا عملي ممكن يتطبق ونظريا سليم
ادخل على منتديات اجنبيه ممكن تلاقيهم عاملين حوارات زي كدا على الاقل هايبقى عندك فكره عن التفاصيل بس ربنا يعينك على الالماني
وبعدين ازاي مافيش في مصر مكنه بفتيس 200
استحاله؟؟؟؟؟؟؟؟؟
لازم تلاقي
انت دورت فين؟؟؟؟؟؟؟؟؟

بصراحه انا مش نافعني غير المنتديات الاجنبية
انا رحت بورسعيد لفيت في كل اماكن قطع غيار المرسيدس في بنك الاسكان و منطقة تانية كده برده
و لفيت الحرفيين كلها طبعا مفيهاش غير واحد بايظ مبينقلش
هل في اماكن تانيه مشهورة بقطع غيار الموديل ده ؟