ما شاء الله....معلومات مفيدة جداً
شكراً م/سبعاوي
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
خلال مقابلة عمل مع المهندس/جهاد ، مدير مصنع كالتكس لخلط الزيوت بمدينة 6 اكتوبر استطعت ان احصل منه على حديث عن صناعة زيوت السيارات فى مصر وهذه صياغة للحوار الذى دار بيننا:
- الشركات التى لديها مصانع لخلط الزيوت فى مصر هى إكسون موبيل، وشل ،وشيفرون(مالكة علامة كالتكس) ، ومصر للبترول والجمعية التعاونية للبترول، اما باقى الشركات التى تبيع زيوت مسماه باسمها تقولم بخلطها لدى الجمعية التعاونية للبترول او مصر للبترول ، كما ان توتال تقوم بانشاء مصنع لها حاليا لكنها حتى هذة اللحظة تقوم بخلط زيوتها لدى الجمعية التعاونية للبترول
- كما نعرف فان الزيوت المستخدمة لمحركات السيارات هى نوعين ، نوع معدنى ونوع تخليقى
- الزيوت التخليقية والتى تصنع بالكامل فى المعمل عن طريق سلسلة من التفاعلات الكيميائية لا تصنع فى مصر وانما تستورد من الخارج، واقصى ما تقوم به بعض الشركات فى بصدد الزيوت التخليقية هو التعبئة فى جراكن وهو ما تفعله موبيل بالنسبة لزيت موبيل وان، اما باقى الشركات فانها تستورد الزيوت التخليقية
- الزيوت المعدنية -والتى يتم تصنيعها محليا- تتكون من نوعين من المكونات الأساسية يتم خلطهما معا، المكون الاول الاول هو ما يسمى الزيت الأساسى، وهو ما يتم الحصول عليه كأحد منتجات تقطير البترول من شركات تكرير البترول اما المكون الثانى فهو الاضافات الكيميائية التى تتحكم فى اداء الزيت من حيث اللزوجة الأساسية وتغيرها مع درجة الحرارة وتماسك الزيت كيميائيا وعدم قابليته للتحلل او البلمرة ...الخ
- بالنسبة للزيت الأساسى فهو يتكون من نوعين من الزيوت، زيت ثقيل يمثل معظم الخلطة وزيت خفيف يتم اضافته للزيت الثقيل لضبط درجة اللزوجة الأساسية، وانتاج شركات تكرير البترول فى مصر من الزيت الثقيل لا يكفى سوى نسبة محدودة من متطلبات تصنيع الزيوت فى مصر،(شركات تكرير البترول المصرية هى:السويس لتصنيع البترول Sopcبالسويس،النصر لتصنيع البترولnpc بالسويس،القاهرة لتكرير البترولcorc بمسطرد بالقاهرة،العامرية لتكريرِ البترولaprco بمرغم بالاسكندرية،الاسكندرية لتكرير البترولapc بالمكس بالاسكندرية، الشرق الأوسط للبترولmedor بأول طريق برج العرب بالأسكندرية، واخير اسيوط لتكرير البترول بأسيوط وكلها شركات قطاع عام ما عدا ميدور) ولذلك تقوم الهيئة العامة للبترول باستيراد احتياجات مصانع خلط الزيوت المصرية من الزيت الأساسى من الخارج بالسعر العالمى والذى يرتبط بسعر برميل البترول، وذلك من خلال تعاقدات سنوية، واكبر شركة فى العالم تصدر الزيت الأساسى هى شركة موبيل، ولذلك فأن كل مصانع خلط الزيوت فى مصر تحصل على احتياجاتها من الزيت الأساسى من موبيل، يعنى من الآخر أى زيت انت بتحطه فى عربيتك غير الزيوت التخليقية المكون الاساسى بتاعه من انتاج شركة موبيل العالمية (وليس موبيل مصر)
- بالنسبة للاضافات التى تضاف للزيت لضبط الأداء فانتاجها يحتوى على اسرار صناعية تختص شركات البترول الكبرى بها نفسها وبالتالى فلا مجال سوى استيرادها من الخارج، واكبر شركة فى العالم تختص بهذا المجال هى شيفرون (مالكة علامة كالتكس) ، وبالتالى فايا كان نوع الزيت اللى انت بتشتريه فانا اضافات ضبط الاداء فيه جاية من شيفرون(ده برضه باستثناء الزيوت التخليقية)
- طيب طالما اننا اتفقنا ان كل الزيوت المتاحة فى مصر عبارة عن زيت اساسى من موبيل واضافات من شيفرون سواء كان الزيت ده زيت شل او زيت التعاون، ايه اللى يخلينى اجيب زيت كالتكس او موبيل ومجيبش زيت تانى.الفرق فى الواقع هو العملية الصناعية نفسها ، لأن عمليه الخلط بتتم فى المصانع الحديثة زى شيفرون واكسون موبيل وشل باستخدام وصفة دقيقة يتم تنفيذها بالكامل بكل دقة من خلال منظومة تحكم الكترونى باهظة التكاليف(بالمناسبة منظومة التحكم الالكترونى دى هى مجال عملى وسبب زيارتى لشيفرون كالتكس) وخزانات خلط واوعية تسخين محكمة وبعيده عن الاتربة ،دون تنازل من المصنع عن ضبط الوصفة بكل دقه سواء بالنسبة للمقادير او درجات الحرارة او ازمنة الخلط، كما ان المعمل الكيميائى يقوم بمراجعة مواصفات الخامات بدقة حتى يمكن ضبط العملية الصناعية وقفا للتغيرات فى مواصفة الخامة ، اما فى المصانع القديمة التى عفا عليها الزمن فالخلط يتم بالبركة ، بيارة ضخمة مفتوحة للهواء والاتربة واقف عليها صنايعى ماسك عصاية غلية ضخمة وادلق واعجن، وطبعا لا مجال للكلام عن معمل او مواصفات الخامة...الخ، وبالتالى خلطة الزيت اللى طالعة من مصنع دقيق محكومة بكواليتى كونترول عالى يصعب الحيود عن المواصفة، لكن الخلطة اللى طالعة من مصنع قديم بتبقى هى وحظها
- بقى ان نعرف ان مصنع شيفرون كالتكس مصر يقوم بتصدير الزيوت المصنعة الى مجموعة كبيرة من الدول المحيطة حيث ان منطقة الشرق الاوسط وافريقيا كلها يتم خدمتها بزيوت كالتكس من خلال ثلاثة مصانع فى دبى ومصر وجنوب افريقيا
سبعاوى
_______________________________________________
رقم العضوية : 4782
تاريخ التسجيل : 23Jan2008
المشاركات : 1,853
النوع : ذكر
الاقامة : القاهرة
السيارة: سيريون 2008 1.3 16v
السيارة[2]: كليو 2003 1.2 16v
دراجة بخارية: لا
الحالة :
ما شاء الله....معلومات مفيدة جداً
شكراً م/سبعاوي
قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "
رقم العضوية : 2192
تاريخ التسجيل : 16Sep2007
المشاركات : 1,032
النوع : ذكر
الاقامة : المحروسة
السيارة: No car
السيارة[2]: verna 1600/2007
دراجة بخارية: no
الحالة :
ألف ألف شكر على الموضوع المهم جدا دا يا أستاذ سبعاوي. أخيرا حد دخل الدهاليز وجابلنا الوصفة :d
طيب بحكم خبرتك في المجال دا، أيه أحسن زيت يتحط لمصرنا الحبيبة؟ وطالما إن دلوقت المادة الخام بتيجي من موبيل..يعني المصادر واحدة، طيب أيه أحدث المصانع اللي بتخلط ؟ هل هي مصانع موبيل او شيل ؟ يعني رأيك الشخصي حتى.
رقم العضوية : 9495
تاريخ التسجيل : 24Apr2008
المشاركات : 805
النوع : ذكر
الاقامة : Cairo
السيارة: daewoo lanos 2008
السيارة[2]: Daewoo lanos 2008
دراجة بخارية: لايوجد
الحالة :
شكرا على المجهود و هذه المعلومات.
رقم العضوية : 69
تاريخ التسجيل : 20Apr2007
المشاركات : 512
النوع : ذكر
الاقامة : العاشر من رمضان
السيارة: na
السيارة[2]: Daewoo Nubira Manual 2007
دراجة بخارية: na
الحالة :
شكرا جزيلا على المعلومات القيمة دي يا باشمهندس
م / محمد حماد
=========
بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)
رقم العضوية : 2665
تاريخ التسجيل : 17Oct2007
المشاركات : 2,326
النوع : ذكر
الاقامة : cairo
السيارة: لا يوجد
السيارة[2]: 128 حمرا
دراجة بخارية: لا يوجد
الحالة :
شكرا يا بشمهندس علي المعلومه بس ايه احسن نوع زيت معدني للاجواء المصريه
سبحان الله وبحمده سبحان الله العظيم
اخوكم : محمد عماد الدين
الوظيفه : محاسب
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رقم العضوية : 2401
تاريخ التسجيل : 30Sep2007
المشاركات : 2,873
النوع : ذكر
الاقامة : الكوكب الازرق
السيارة: لايوجد
السيارة[2]: كيا بيكانتو 2011
دراجة بخارية: لا
الحالة :
شكرا للمعلومات
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
هو الموضوع مافيهوش احسن واوحش بقدر ما فيه زيوت تثق فى ضبط جودتها وزيوت اخرى مش مضمون انها فى كل مرة تكون كويسة، ده بالنسبة للماركة
اما بالنسبة للدرجة فدى بتختلف من سيارة لسيارة ومن ظروف تشغيل لظروف تشغيل اخرى
انا شخصيا اثق فى زيوت شل وتجربتى الشخصية معاها ممتازة ،
بالنسبة للسيارات الجديدة كورى ويابانى واوروبى موديلات ما بعد 1995 ومحركات لم تتجاوز ال200 ألف كيلومتر اقترح الشل اكسترا التخليقى (الجركن الرمادى)، او الشل بلس النص تخليقى(الجركن الاسود)
بالنسبة للسيارات الفيات القديم والبيجو القديم والسيارات الحديثة ذات المحركات ذات التصميمات القديمة نسيبا مثل الشاهين واللادا وبعض الموديلات الصينية اقترح شل هيليكس 20w-50 (ألجركن الأصفر) بشرط ان المحرك يكون بحالة جيدة الى ممتازة
بالنسبة للسيارات ذات المحركات اللى فى النص التانى من عمرها (يعنى بدأت تاكل زيت على خفيف) اقترح شل العادة(الجركن الاحمر)
اما بالنسبة للمحركات المفوته اقترح زيت شل X100 (ألجركن الأبيض)
وسبب ان اقتراحاتى كلها محصورة فى شل هى انى مجربه لفترة طويلة واثق به، لكن ده لا يمنع ان موبيل واسو وكالتكس وامارات مصر تقدم مجموعة ممتازة من الزيوت
سبعاوى
_______________________________________________
رقم العضوية : 25
تاريخ التسجيل : 17Apr2007
المشاركات : 3,360
النوع : ذكر
الاقامة : cairo
السيارة: na
السيارة[2]: lanos
دراجة بخارية: no
الحالة :
موضوع ممتاز
شكرا يا باشا
رقم العضوية : 1651
تاريخ التسجيل : 01Aug2007
المشاركات : 1,419
النوع : ذكر
الاقامة : الإسكندرية
السيارة: لا يوجد
السيارة[2]: Renault Fluence - 2011
دراجة بخارية: لا يوجد
الحالة :
الف شكر على المعلومات القيمة
انا آخر مرة حطيت زيت توتال و الجركن مكتوب عليه "صنع فى فرنسا و التعبئة فى مصر"
فهل معنى كده ان الزيت بيتم صناعته و خلطه فى فرنسا و مجرد التعبئة بتتم فى مصر؟
عمرو مختار
المفضلات