السيراتو الجديده بتتسرق

**bakkarahmed** · 27-09-2015 01:16 PM

ايوه ...... بالظبط كده زي ما قريتو عنوان الموضوع
للاسف في صدفه غريبه اتسرقت عربيتين في اسبوع واحد موديل 2014 من تحت البيت لاتنين زمايلي في الشغل والعربيتين فيهم اموبيلايزر :(((( واضح ان موضوع الاموبيليزر ده فاكس
العربيتين كانوا في الفيوم (محل الاقامه)
الطريف في الموضوع ان عربيه منهم لما اتسرقت صاحبها ماعرفش غير لما الحراميه اتصلوا بيه :) ولما راح يبلغ في القسم ظابط المباحث قالنا ماتدوني رقم الحرامي ادور عليه في الترو كولر
والعربيه التانيه كانت متصوره وهيا بتتسرق عن طريق كاميرا متركبه في الشارع بس للاسف ماوضحتش رقم لوحات السياره الفيرنا بتاعه السارقين والسرقه استغرقت تلت ساعه فقط
العربيتين فيهم انذار ومانع سرقه (اموبيلايزر)
العربيتين رجعوا بعد تفاوض مع السارقين ودفع 30 الف لكل عربيه ورجعوا ناقصين جنط الاستبن والزجاج الجانبي يمين مكسور والكونتاكت متفور وفبره الدريكسيون مكسوره
والعربيتين كانوا دايرين ساعه الاستلام عم طريق مفك متوصل في الكونتاكت (ايوه شغاله بمفك)
حاجه تحزن طبعا
السارقين كانوا من محافظه بني سويف والتسليم كان واحده في طريف اسيوط الغربي في الصحرا والتانيه كانت بالقرب من بني سويف
السارقين بيسرقوا كيا بس بالرغم من انهم يقدروا يسرقوا هيونداي كمان لانهم شركه واحده ونفس المواصافات والطريقه ( زمايلي مرجحين غالبا انهم ليهم علاقه بمركز كيا اللي في بني سويف) والله اعلم
الخلاصه
1- انسي موضوع الاموبيلايزر والكلام الفاضي ده وماتعتمدش عليه
2- عايزين نركب gps tracker وانا عايز اركبه ضروري ليا انا لاني متنكد ومش عارف اروح بالعربيه الشغل
ياريت حد يفيدني اركبه منيني وفين وانواعه لاني قريت كل المواضيع اللي هنا بخصوصه بس عايز حد يديني الخلاصه ويقولي هاتروح تركبه في الحته الفلانيه وهاتركب النوع الفلاني وبسعر كذا
3- بالرغم من ان الكهربائي بيقولي ان كنترول الكيا الجديده مانزلش منه نوع مفتوح وان كله مقفول وان طالما الفن كود اللي علي الزجاج متغطي اذن فان السرقه صعبه ...بس الواضح ان الحقيقه غير كده

**Rsarabia** · 27-09-2015 02:06 PM

حضرتك متأكد ان فيهم ايموبيليزر ؟؟
جرب تنسخ على المفاتيح كدا و جرب تدور

**wael30003** · 27-09-2015 02:14 PM

انا قرأت على الفيس
واحد اتسرقت عربيته راح اشترى خط جديد موبايل
وما حدش يعرف نمرته خالص
وراح عمل محضر واعطاهم رقم الموبايل الجديد
بعد ما خلص المحضر ومشى
اتصلوا بيه الحراميه على الخط الجديد
راح القسم وقلهم انتم اللى سرقتوا العربية لان الخط ده ما حدش يعرف رقمه غيركم ومتفقين مع الحرامية تقسموا بالنص
ولو ما رجعتوش العربية هفضحكم
قالوا العربية فى الشارع الفلانى متغطية
راح لقى عربيته وخدها

**bakkarahmed** · 27-09-2015 02:19 PM

المشاركة الأصلية كتبت بواسطة rsarabia

حضرتك متأكد ان فيهم ايموبيليزر ؟؟
جرب تنسخ على المفاتيح كدا و جرب تدور

الاتنين فيهم اموبيلايزر ولمبه المفتاح الاصفر بتتور في التابلوه ومنهم واحده هاي لاين ماعدا البصمه

**bakkarahmed** · 27-09-2015 02:20 PM

المشاركة الأصلية كتبت بواسطة wael30003

انا قرأت على الفيس
واحد اتسرقت عربيته راح اشترى خط جديد موبايل
وما حدش يعرف نمرته خالص
وراح عمل محضر واعطاهم رقم الموبايل الجديد
بعد ما خلص المحضر ومشى
اتصلوا بيه الحراميه على الخط الجديد
راح القسم وقلهم انتم اللى سرقتوا العربية لان الخط ده ما حدش يعرف رقمه غيركم ومتفقين مع الحرامية تقسموا بالنص
ولو ما رجعتوش العربية هفضحكم
قالوا العربية فى الشارع الفلانى متغطية
راح لقى عربيته وخدها

دي قريتها علي الفيس
انما العربيتين دولةعشت 10 ايام مع اصحابهم في واقع مرير الصراحه...ربنا مايحكم علي حد فينا بيه

**wael30003** · 27-09-2015 02:26 PM

لا حول ولا قوة الا بالله .......الغريبة ان الاتنين زمايلك واتسرقوا فى نفس الوقت .....ممكن السارق يكون له علاقة بمقر شغلهم....لان الحرامى اتصل على طول كأن الرقم معاه من الاول

**bakkarahmed** · 27-09-2015 02:30 PM

المشاركة الأصلية كتبت بواسطة wael30003

لا حول ولا قوة الا بالله .......الغريبة ان الاتنين زمايلك واتسرقوا فى نفس الوقت .....ممكن السارق يكون له علاقة بمقر شغلهم

احنا كنا شاكين في المغسله اللي بنغسل فيها عربياتنا بس الحراميهطلعوا من بني سويف ونمر العربه الفيرنا كانت بني سويف انما الارقم ماكانتش واضحه
العربيتين تم كسر الزجاج فيهم وتفوير وكسر الكونتاكت بالكامل وادارتهم بمفك
ماعتقدش ان ده ليه علاقه بطرف تالت مشترك الا لو تمت السرقه بدون تلفيات
الحرامي اتصل بصاحب العربيه الاخيره اللي اتسرقت الاول وبعد استعادتها سالناه علي العربيه الاولي وقال انها عنده وطلب رقم صاحبها

**Rsarabia** · 27-09-2015 03:16 PM

ما ممكن يكون فى مشكلة فى العربيات دى و اللمبة بتنور بس مفيش شفرة فى المفاتيح مثلا ؟؟
يعنى اقصد لو ممكن يروحو يجربو يعملو نسخة من المفاتيح هل هتدور العربية ؟؟؟

لما بتروح تنسخ المفتاح بتاع المفاتيح اول حاجة بيقرا المفتاح يعنى بيحطه فى جهاز كدا لو ظهر كود
هيقولك مينفعش يتنسخ دا مشفر لازم التوكيل
لو مفيهوش شفرة هيعملك نسخ عادى
لو كدا يروحو لحماية المستهلك باعتبار ان العربيات دى فيها غش و انها سهلة السرقة

**bakkarahmed** · 27-09-2015 03:26 PM

ج0

المشاركة الأصلية كتبت بواسطة rsarabia

ما ممكن يكون فى مشكلة فى العربيات دى و اللمبة بتنور بس مفيش شفرة فى المفاتيح مثلا ؟؟
يعنى اقصد لو ممكن يروحو يجربو يعملو نسخة من المفاتيح هل هتدور العربية ؟؟؟

لما بتروح تنسخ المفتاح بتاع المفاتيح اول حاجة بيقرا المفتاح يعنى بيحطه فى جهاز كدا لو ظهر كود
هيقولك مينفعش يتنسخ دا مشفر لازم التوكيل
لو مفيهوش شفرة هيعملك نسخ عادى
لو كدا يروحو لحماية المستهلك باعتبار ان العربيات دى فيها غش و انها سهلة السرقة

زي ما كل واحد ليه شغلته وتخصصه...الناس دي ليها شغلتها بتفرق معاه بس في عامل الوقت...يعني هيا اخدت منه تلت او نص ساعه ظهروا في توقيت كاميره المراقبه وده معناه انها مادارتش بسهوله بس دارت في الاخر
البلد اللي مافيهاش شرطه كان ابسط حاجه تعملها انها تتبع مكامات وتحدد مواقع ماتنتظرش من جهاز حمايه مستهلك يعمل حاجه...لانه ببساطه الاموبيلايزر قدرت الحراميه تسرق العربيه بيه والشركات مش بتدي ضمان ضد السرقه

ولما كانت فيه ناس وسيطه وحراميه في النص (ايوه حرامي وسيط)

الحرامي قال نصا....والله لو مرسيدس لاهاخدها لاتقولي مشفر ولا كمبيوتر دي لعبتنا ياباشا
تاني حاجه بالنسبه للمفتاح المشفر ...بيتعمل عليه نسخه عادي جدا جدا وبياخد رقم الفن كود ويطلعلك عليه نسخه ويكود ويشفر علي القديم او يلغي القديم ويكودلك واحد جديد.......دي مجرد وسائل حمايه انما مش حمايه مطلقه

انا عايز جهاز جبي اس ضروري ياريت حد يدلني علي مكان كويس

**bakkarahmed** · 27-09-2015 03:47 PM

جهاز الاموبيلايزر مش سحر وزيه زي جهاز الانذار بياخد وقته في الاول لغايه ما السارق يقدر يعرف خباياه وياسلام لو كان شغال في توكيل او ليه علاقه بحد شغال جوا التوكيل وبيعرف يتعامل ويوصل جهاز ويفك شفره

ماحدش يحط في بطنه بطيخه صيفي ماهي الكروز اللي فيها اموبيلايزر اتسرقت برضو

الفكره في جهاز ال جي بي اس انه حتي لو مامنعش سرقه اقدر اوصل لمكان عربيتي علي الاقل وانا شايف انه لازم يبقي اساسي في اي عربيه

الموضوع: السيراتو الجديده بتتسرق

LinkBack

أدوات الموضوع

عرض

السيراتو الجديده بتتسرق - انشر الموضوع فى :

-

-

-

-

-

-

-

المواضيع المتشابهه

الي كل مالكي السيراتو الجديده

هى الصنى بتتسرق زى السيراتو و الالنترا ؟؟

عاجل جدا اشتري السيراتو ولا بتتسرق

الوان السيراتو الجديده بالفيديو 2014 الجديده

السيراتو بتتسرق .. حل مؤقت .. مهم

الكلمات الدلالية لهذا الموضوع

المفضلات

المفضلات

ضوابط المشاركة