إستفسار عن السيارة f3

**Ashraf Ahmed** · 28-09-2015 07:05 AM

السلام عليكم ورحمة الله وبركاته

أنا عضو جديد و أنوي شراء سيارة f3 زيرو.
أرجو الإفاده من مستخدمي هذه السيارة من حيث الأعطال والمشاكل التي تظهر بعد الإستلام و السير بالسيارة وأسعار قطع الغيار إلى آخره.

أتمنى الحصول على أراءكم بكل صراحه هل هي سيارة جيده في المجمل أم لا خاصة اني أعمل في مجال المبيعات وهذا يتطلب الكثير من التحرك والسفر الدائم

ولكم جزيل الشكر

**shaky** · 28-09-2015 07:54 AM

العربية جميلة جدا مقارنة بنفس الفئات اللى فى سعرها وانت اكيد شايفها تاكسى فبالطبع تبقى سيارة للخدمة الشاقة

**ehabpopo** · 28-09-2015 11:58 AM

اتوكل على الله واشتريها ... طالما انت بتدور في هذه الفئة

**محمد مجدي 22** · 28-09-2015 01:31 PM

حضرتك لو هتقعد بالعربية 5 -6 و هتبيعها اشتريها
لكن اكثر من كدة يبقي ابعد عن الصيني
لان بعد كدة بيظهر فية مشاكل
بس في خلال ال5سنين هتحس انك راكب طيارة
يعني ممتازة جدا

**ehabpopo** · 28-09-2015 05:27 PM

بس انا بغير اى قطعة في العربية لتويوتا ... وبختلف مع حضرتك فى موضوع 5 او 6 سنين ممكن مايبقاش بردو صحيح ....
انا بتكلم عن ال byd f3 بالتحديد .... ودى ميزة فيها عجبانى جدا ... قطع غيار التويوتا او المتسوبيشى بتركب فيها بدون اى تعديل , فممكن تقعد اكتر من 5 او 6 سنين

**Brightone** · 28-09-2015 07:40 PM

عربيه ممتازه بعد التجربه معقوله فى فئتها وبالنسبه للسعر

**mohamed_prog** · 29-09-2015 06:30 AM

عربية كويسة وموفرة حتي في قطع الغيار الاصلية يعني عندك مثلا المساعدين الامامي فالتوكيل ب٣٥٠ جنية مراية ب٨٠ جنيه.
عيبها الوحيد..........التوكيل اللي زي الزفت العربية بعد ما استلامها زوج اختي كانت عايزة ظبط زوايا وكانت بتحدف وطارة الدركسيون كانت مش مظبوطة والباور كان تقيل جدا وفي صيانة الالف ولا هببوا اي حاجة وكمان يقولك ان مافيش ظبط زوايا...راح بنزينة معروفة فاسكندرية مدخل سموحة ظبط الدنيا كلها والعربية بقت زي الفل والدركسيون خف خالص وبقي فوريرة.
الخلاصة العربية كويسة بس استحمل توكيلها المقرف

**pepo2011** · 29-09-2015 09:34 AM

اتوكل علي الله
بس اوعي تهمل فيها يعني اهتم بيها وبلاش تسترخص قطع الغيار واي قطعه هاتغيرها هاتها التويوتا او الميتسوبيشي
يعني بعد فترة هاتلاقي معاك عربية ياباني غالبيتها

**khaled shen33** · 15-12-2015 02:23 PM

الكلام كله تمام والعربيه حلوه جدا واكيد عربيه فى نفس الفئه دى هتلاقى عيوب زى مفيش مساعدين خلفى اصلا مش خفيفه والتوكيل اعترفلى انها هيا كدا خفيفه وللاسف دا بيعومها فوق 150 غير كدا ممتازه جدا

**Amir122** · 16-12-2015 12:20 AM

طيب بخصوص الفتيس الاوتو اخباره ايه؟

الموضوع: إستفسار عن السيارة f3

LinkBack

أدوات الموضوع

عرض

-

-

-

-

-

المواضيع المتشابهه

هل خطاف قطر السيارة من الامام بيجى مع السيارة بالنسبه للالنترا md 2012

إستفسار بخصوص كسوة فرش السيارة

إستفسار في السيارة e39

إستفسار عن سحب السيارة

إستفسار من الخبراء بخصوص قرض السيارة

الكلمات الدلالية لهذا الموضوع

المفضلات

المفضلات

ضوابط المشاركة