الموضوع: حد جرب زيت كاسترول في الفيرنا؟

اغلب الكاسترول اللى فى مصر مضروب
وبيتضرب جوه بنزينات طاقه وادازة كاسترول عارفين ده ومش عارفين يعمبوا حاجه

المشاركة الأصلية كتبت بواسطة mecha

ازاي مضروب ؟؟, قصدك بيجيبوا جركن زيت عادي ويلزقوا ستكر كاسترول.وهل كاسترول مبتنزلش جركنهم المطبوع. ياريت ايضاح وشكرا

بياخدوا جراكن كاسترول مش فاكر كان اسمه ايه تقريبا ايدج اللى ب 230 جنيه وبيعبوه زيت من ابو 50 جنيه
كان ليه تجربه زى الزفت مع محطة طاقه اللى المريوطيه - وكانت الصدمه من كلام ادارة كاسترول فى مصر ان الغلط من عندى انى اخدت عبوه مفتوحه وانى لازم ميبقاش عندى ثقه فى حد وان كل مصر كده وديه ظروف بلد وأى كلام فى البتنجان وفى النهايه كان ردهم واضح وصريح - حتى لو بيعملوا كده - هانعمل ايه يعنى

المشاركة الأصلية كتبت بواسطة mecha

طب الناس بتوع طاقه بيجيبوا الجراكن الفارغه منين ، مش مفروض ان العبوه ٥ لتر مثلا
مش بتخرج من كاسترول فقط لا غير ؟؟ ، العبوات الفارغه القديمه بيكون واضح عليها القدم
والتوسخ ؟؟ دا غير الغطا البلاستيك المسوجر اللي لو اتفك بيتعرف ، زاءد الورقه الملزوقه ع الفوهه
لمعرفة الفتح وشكرا

شوف يا سيدى
أولا بيعيدوا استخدام العبوات الفارغه اللى بتفضى عندهم
ثانيا دايما بيسألك اذا كان معاك جركن تانى علشان يفضى لك الباقى جواه وهو ياخد الفاضى
ثالثا لو قلت له عايز جركن مغلف الرد الطبيعى ان الهواء بشيل التغليف البلاستيك وده برضو كلام الاداره
رابعا البرشام بتاع الجيركن كله مفكوك ولما تسألهم ردهم ان البرشام بعد فتره بيفك لواحده

طيب انا عرفت ازاى ان الزيت مضروب
انا غيرت كاسترول 3 مرات
المره الاول كانت راااااااااااائعه
المره التانيه فجأه العربيه بقى صوتها عالى خصوصا الصبح بالاضافه ان السرعه القصوى للعربيه بقت 160 -180 بالعافيه
المره التالته وديه كانت القاضيه
اول لما غيرت الزيت العربيه صوتها عالى زى ما هو وسحبها زى الزفت - من باب الفضول ببص على الجركن لاقيته مليان طينه من عند الفوهه - رجعت بتخانق معاهم وقلت ابص على الجراكن اللى عندهم لاقيتها كلها مفتحه ولما بقولهم فضلوا يزعقوا لى ويقول لى انى انا اللى فتحت كل الجراكن اللى فى العرض

ادارة كاسترول قالوا لى باللفظ - انت اللى غلطان وكان لازم ترجع لنا مش تروح البنزينه

الكلام من ادارة كاسترول ان فيه ناس كتيييييييييير بتشتكى من الحركه ديه وان جت لهم شكاوى كتير جدا من محطات طاقه وعلى رأسها محطة المريوطيه وانهم مش عارفين يعملوا حاجه

بعد 2000 كيلو نزلت الزيت وقلبت الدنيا على شل لغاية لما لاقيته وغيرت فلتر مع الشل والحمد لله العربيه رجعت زى الفل تانى واهم حاجه حكاية البرجله المهوله اللى كانت الصبح وانى لازم اسخن العربيه اختفت بلا رجعه والحمد لله

المشاركة الأصلية كتبت بواسطة mecha

ههههههه ، يعني بتوع طاقه بيعملوا غش غشيم
واضح مفهوش اي فن، الغريب ادارة كاسترول العاجزه
مش هقول يشتكوهم في قضية غش تجاري او صناعي
والشهود كتير. ورغم خسايرهم الماديه والمعنويه
لكن ليه خايفين يقطعوا عنهم توريد الزيت وخصوصا الجراكن
الجديده اللي لازم طاقه تحتاجها من حين لاخر.!!!!!!
تحياتي

والله العظيم انت لو سمعت ردود الاداره بجد هاتتشل
انا قعدت معاهم اكتر من 10 أيام وفى الاخر فعلا اتصدمت من طريقة تفكيرهم اللى فعلا بكل ما تعنيه الكلمه من معنى مصريه
بالمناسبه والله اعلم - اعتقد ان زيت كاسترول من احسن الزيوت فى العالم