البوتجاز - ايه اللى بيتغير لما يتحول من غاز الى انبوبة

**abokoko** · 04-10-2015 10:00 PM

حاليا البوتجاز مباشر بالغاز الواصل من شركة الغاز
مستقبلا
سوف اعزل الى مكان اخر ليس به غاز طبيعي
و بالتالى سوف استخدم انابيب الغاز

ايه اللى هيتغير
هل الفونيات فقط
ولا حاجه تانية

وهل فى نصائح اخد بالى منها

**ahmed_eng2001** · 04-10-2015 10:55 PM

الفونيات فقط هى الى حتتغير ... ضغط الغاز فى الاسطوانات بيكون اكبر من المواسير .. و بالتالى يجب تغيير الفونيات

بس لازم تتصل بشركة الغاز ... هى الى تفكلك الاجهزة من توصيلات الغاز
و ان شاء الله لا تحتاج حاجة اكتر من كدة

**abokoko** · 04-10-2015 11:54 PM

شكرا لحضرتك

لكن ليه الاتصال بشركة الغاز
؟

ما انا ممكن افصله البوتجاز بنفسي عن طريق غلق المحبس (2 محبس )
وبعدها افك الخرطوم الاسود الواصل ما بين الماسوره و البوتجاز
وبعدها افك الخرطوم الاسود من البوتجاز

**ahmed_eng2001** · 05-10-2015 12:58 AM

يا نهار مش فايت .... انت عاوز تتعدى على اختصاصات شركة الغاز ؟!! و تفك و تركب بنفسك ؟؟!!
يتعملك مخالفة و غرامة و قصة كبيرة .... و فى عقد الغاز .. مكتوب كدة ... اى اعمال فصل او توصيل او مشاكل فى الخطوط لازم تخطر شركة الغاز و هى الى حتقوم بعملية الفك و التركيب و بالطبع .. نظير مقابل مادى

حضرتك تتصل بيهم و هم يحددوا ميعاد و يبعتوا فنى يفصل الخرطوم ... احنا تعبنا جدا معاهم فى مرة من المرات علشان ناخد ميعاد لفصل الغاز عن شقة كنا حنبيعها

**abokoko** · 06-10-2015 11:20 AM

حضرتك بتتكلم جد عن الغرامة وو

ده انا عملتها من فترة وفكيت بوتجاز لاختى
لانها سابت المكان اللى كانت فيه - بس المكان مغلق الى الان
يعنى محدش من شركة الغاز عرف حاجة الى الان

فلو فيها غرامة او محاضر
قول لى احسن تصرف ايه
اخطارهم
ولا ايه
؟

**ahmed_eng2001** · 06-10-2015 08:12 PM

ممكن حضرتك تبلغهم و هما حيقولوا ايه العمل ....

الموضوع ده حصل مع واحد جارنا .... كان معاه مشاكل و ساب البيت و مشى مستعجل و هو الى فك وصلات البوتجاز بنفسه ... لما طلبنا بتوع الغاز علشان يوقفوا الغاز من الشقة دى ... كانوا عاوزين يعملوا لصاحب الشقة مخالفة و غرامة .. و معرفوش بالطبع علشان هو كان عزل و مشى

**lonedoctor** · 06-10-2015 08:25 PM

لما تم تركيب الغاز الطبيعى جاء فنيين شركة الغاز وغيروا كل الفونيات للنوع الذى يتناسب معه ومن وقتها وزوجتى تعانى معاناه شديدة لان اللهب اصبح ضعيف جدا والبوتوجاز ياخذ وقت طويل جدا لطهى الطعام
طلبنا شركة الغاز بالتليفون وبلغناها بالوضع المهبب للبوتوجاز فكان الرد هو كدة تمام ومافيش اى تعديل تانى ولو مش عاجبكم اضربوا دماغكم فى الحيطة
وانا السنة الماضية وانا نازل فى اجازة الصيف روحت لواحد بتاع قطع غيار البوتاجازات اشتريت مفتاح بيبة لفك الفونيات وموسع فونيات شكله زي الابرة كدة بس مصنوعة من الصلب ومضلعة ووسعت كل الفونيات على مزاجى وعلى حجم اللهب اللي انا عايزه يعنى اوسع شوية واجرب تمنهم لا يتعدى 7 جنيه
ومن ساعتها والبوتاجاز بقى تحفة بكل المقاييس

**besso** · 06-10-2015 11:10 PM

طب بالمناسبه احنا عندن البوتجز من ساعت مركب بياخد وقت على ماتشغل كل فونيه ماعدا الصغيره خالص دى بتولع بسرعه الباقى بقى بيفضل نشغل الاشغال وياخد وقت طويل لحد لما تلاقى الفونيه وجت كده مره واحده وتولع
ده عيب ايه نوسع الفونيه بردو

**lonedoctor** · 07-10-2015 01:56 AM

المشاركة الأصلية كتبت بواسطة besso

طب بالمناسبه احنا عندن البوتجز من ساعت مركب بياخد وقت على ماتشغل كل فونيه ماعدا الصغيره خالص دى بتولع بسرعه الباقى بقى بيفضل نشغل الاشغال وياخد وقت طويل لحد لما تلاقى الفونيه وجت كده مره واحده وتولع
ده عيب ايه نوسع الفونيه بردو

اعتقد كدة بس هل النار ضعيفة ؟

**Ramy_2R** · 07-10-2015 09:23 AM

الغرامه في حالة الفك ب نفسك 27 جنيه و بيتعمل محضر اسمه عبث في أجهزه التوصيلات
و لازم تتصل بالطوارئ تيجي تأمن
و تلكمهم من الاول و يفوكوا هما و حبخدوا حدود 20 جنيه تأمين ماسوره بطبه

الموضوع: البوتجاز - ايه اللى بيتغير لما يتحول من غاز الى انبوبة

LinkBack

أدوات الموضوع

عرض

البوتجاز - ايه اللى بيتغير لما يتحول من غاز الى انبوبة - انشر الموضوع فى :

-

-

-

-

-

-

المواضيع المتشابهه

ايه اللى بيتغير فى صيانة 80 للميجان 2 وبكام ؟

ايهما افضل ف البوتجاز

كم سعر صيانة 20000 جين 2 وإيه اللى بيتغير فى العربية

ايه اللى بيتغير فى صيانة العشرين الف كيلو مع الزيت

ماء الريدياتير بيتغير ولا لأ ولو بيتغير بيتغير على كام كيلو؟

الكلمات الدلالية لهذا الموضوع

المفضلات

المفضلات

ضوابط المشاركة