الموضوع: الموتور سخن جامد

بعد التحيه و السلام
معايا لانوس وان مكنش فيها اي مشاكل خالص
من يومين سافرت بيها حوالي 150 كيلو و علي نهايه الطريق سمعت صوت زي انفخار و حاجه بتتش كده و دخان
وقف علي طول و فتحت الكبوت لقيت الفبره البلاستيك اللي داخل فيها الخراطيم منفجر بمعني الكلمه مش مشقوقه او مخرومه لا ده جزء منها مش موجود
المهم لاحظت ان المروحه الكبيره مش بتشتغل خالص و مش بتتلف بالايد كمان

كنت في حته مقطوعه شويه اضطريت اني امشي براحه بالعربيه مسافه 3 او 4 كيلو و العربيه طفت مني مرتين و اخر مره بفتح الكبوت لقيت دخان طالع كده و ريحه شياط

طبعا روحت لميكانيكي بقي غيرلي الفبره دي و المروحه و اشتغلت و ظاهريا كده مفيش اي مشاكل
صوت الموتور عادي و مفيش سخرنه او حاجه

النهارده مشيت شويه كده و كان زحمه و الجو حر شويه لقيت نفس الموضوع اتكرر صوت انفجار و دخان فتحت الكبوت لقيت خرطوم السخن انفجر !! غيرته برضه و مفيش مشكله

انا عندي سؤالين مهمين

اعرف ازاي ان الموتور اتاثر و لا لا لما مشيت عليه الشوبه دول من غير مايه مؤشر الحراره كان بين ال 3 اربع و الهاي بس موصلش للاحمر خالص

تاني حاجه ايه سبب الانفجارات المفاجاه دي مع ان العربيه عمرها ما سخنت قبل كده خالص


الف شكر ليكم

الف شكر علي الردود يا جماعه بعد فحص العربيه اطمنت ان الموتور لم يتاثر بالسخونه الحمد لله و عملت غسيل لدوره التبريد و الراجل قاللي ان الطرمبه شغاله كويس و الدنيا سالكه و حطلي مياه خضرا و العربيه مبقتش بتسخن الحمد لله

هو قاللي الانفجار الاول بسبب وقوف المروحه و التاني بسبب ان الخرطوم كان ضعيف اساسا مش عارف بقي الكلام ماشي و لا مش صح

بس عندي كذا سؤال بعد اذنكم

المروحه الجديده اللي ركبتها بدل الي باظت حاسس ان الهوا بتاعها ضعيف هل فيه انواع للمرواح مثلا و لا ده الطبيعي مع العلم اني لما بشيل فيشه الحراره المروحه بتشتغل بسرعه شديده بدون مشاكل بس علي البطئ مفيش هوا جايباه كتير؟


هل فيه طريقه ازود بيها سرعه المروحه ؟

هل تنصحوني اغير خراطيم الرادياتير كلها بقي علشان اكون في امان و مفيش حاجه تنفجر تاني ؟

و شكرا ليكم جدا