عربيه في حدود 80 الف مانيوال

**Dr. Ahmed** · 08-10-2015 12:02 AM

السلام عليكم انا دكتور عايش في المانيا و بنزل مصر اسبوعين اجازة كل 6 شهور. عاوز عربيه في حدود 80 الف جنيه مانيوال. يا ريت عاوز اقتراحات و يا ريت بلاش حد ينصح بصيني و كوري الله يكرمكم اهم حاجه عندي الامان و الثبات. الف شكر مقدما

**محمد مجدي 22** · 08-10-2015 12:12 AM

بص انا انصحك بلاش مستعمل و خليك في الجديد لكن لو مصمم علي مستعمل يبقي اشتري اوبل استرا هاتش باك 2008 او اشتري او اشتري لانسر بومة
و لو جديد اشتري رينو لوجان فيها الي انت عايزة بس حكاية الثبات ممكن تركبلها جنوط

**Dr. Ahmed** · 08-10-2015 12:22 AM

انا مقتنع بكلام حضرتك الى حد كبير بس انا عاوز اجيب عربيه محترمه و الجديد في حدود السعر ده هيبقى ورق. انا كان معايا في مصر فولفو و في المانيا معايا فورد. لما بسوق في مصر هيونداي و كيا و الحاجات بحس ان العربيه فوق ال 100 كيلو بترقص.

**moha sasa** · 08-10-2015 02:38 AM

لانسر

**م أحمد** · 08-10-2015 11:40 AM

بلاش مانوال

أنت فى مصر

و المانوال فى الاوروبى حاجة محترمة جدا

**Dr. Ahmed** · 08-10-2015 03:31 PM

المشاركة الأصلية كتبت بواسطة م أحمد

بلاش مانوال

أنت فى مصر

و المانوال فى الاوروبى حاجة محترمة جدا

انا مش فاهم اخر جمله؟؟؟؟ قصدك اني اجيب اوربي مانيوال و لا ان اوربا ينفع فيها المانيوال؟؟ و دي حقيقه لان اغلب العربيات هنا مانيوال
انا كنت بفكر اشتري رينو ميجان او اوبل فيكترا او سيتروين سي 4 و بفكر في مانيوال عشان مش عاوز مشاكل الاتوماتيك

**scientist9508** · 08-10-2015 03:48 PM

بسم الله الرحمن الرحيم

أخى الفاضل

80,000 جنيه لا تكفى لشراء سياره جديده و تتوفر فيها طلباتك و لكن من الممكن أن تشترى بها مستعمل تتوفر بها طلباتك.

نصيحه من أخ لك . . . إبتعد عن المستعمل فى مصر . . . أغلب المصريين ليسوا ميسورين الحال و غالبآ لا يبيعون السياره إلا عندما يكون نفذ خيرها.

أنصحك بالإنتظار مزيد من الوقت لتجميع مبلغ أكبر.

السلام عليكم ورحمة الله و بركاته

**iso_loma** · 09-10-2015 12:22 AM

لو عايز عربيه قليله المشاكل يبقى لانسر 2008 اما لو حضرتك عايز عربيه محترمه ومش متفرق معاك اوى قطع الغيار يبقى خليك فى الالمانى زى اسكودا a4 وابعد بس عن الاوبل