قطع غيار العربية من الانترنت

**zakariaa** · 08-10-2015 02:05 PM

هل في حد بيجيب قطع غيار العربية من الانترنت؟
لو في حد عمل الموضوع ده ياريت يعرفنا الخطوات ، وكيفية تحديد ال part number للقطعة.

وشكرا

**michohat** · 08-10-2015 02:12 PM

جربت جبت حساس شكمان لعربيتي النيو اكسنت من موقع امازون وكان تكلفته لحد ما وصل لي 450 جنيه وهو سعره في التوكيل 1200 وصيني 170 و كوري 300:400

**zakariaa** · 08-10-2015 02:32 PM

يا ريت لو تعرفنا كيف تم تحديد رقم القطعة بحيث انها تطلع هي هي نفس القطعة ومفيش فيها اي اختلاف، وشكرا

**م أحمد** · 08-10-2015 02:44 PM

انت عايز تعرف خطوات الشرا من النت و لا ال part no.

الشرا من النت بتعمل فيزا انترنت من بنك مصر فرع التوفيقية ب 30 جنيه و تستلمها بعد اسبوعين تقريبا و بتحط فيها المبلغ اللى انت عايزه للنت فقط....

و ممكن تشترى مباشرة من مواقع موثوقة زى ebay او amazon و بتتسلم الحاجة فى مكتب البريد اللى انت تبعه و تدفع جماركه فى المكتب

او تشترى عن طريق وسيط زى موقع إدفعلى و بياخد عمولة خصوصا فى المبالغ الكبيرة و البضاعة الغالية

بخصوص البارت نمبر ...اعمل بحث باسم القطعة لماركة العربية و الموديل و سنة الصنع و سعة الموتور و ان شاء الله هتلاقى قطعتك

**zakariaa** · 08-10-2015 03:02 PM

م أحمد ، شكرا علي رد حضرتك

هي الفكرة الاساسية كيف احدد القطعة بالضبط بحيث تطلع هي هي مفيش فيها اي اختلاف ، حقول لحضرتك مثال:

انا مرة اشتريت جوز مساعدين بالطريقة التقليدية العادية من اي محل قطع غيار ،ورحت للعفشجي وبعد ما حل الماعدين وجه يركب، مش راضي يدخل في البطاحة عشان المساعد مشطوف من ناحية واحدة والمفروض يكون مشطوف من الجنبين، فاخدت القديم والجديد واخدت تاكسي ونزلت غيرته ، بالنسبة للانترنت مافيش الكلام ده لازم كله يكون تمامز

في ناس بقول ان من خلال رقم الشسية بتعرف قطعة الغيار ، بس انا مش عارف ازاي يتم الكلام ده

وشكرااااا

**م أحمد** · 08-10-2015 03:16 PM

المشاركة الأصلية كتبت بواسطة zakariaa

م أحمد ، شكرا علي رد حضرتك

هي الفكرة الاساسية كيف احدد القطعة بالضبط بحيث تطلع هي هي مفيش فيها اي اختلاف ، حقول لحضرتك مثال:

انا مرة اشتريت جوز مساعدين بالطريقة التقليدية العادية من اي محل قطع غيار ،ورحت للعفشجي وبعد ما حل الماعدين وجه يركب، مش راضي يدخل في البطاحة عشان المساعد مشطوف من ناحية واحدة والمفروض يكون مشطوف من الجنبين، فاخدت القديم والجديد واخدت تاكسي ونزلت غيرته ، بالنسبة للانترنت مافيش الكلام ده لازم كله يكون تمامز

في ناس بقول ان من خلال رقم الشسية بتعرف قطعة الغيار ، بس انا مش عارف ازاي يتم الكلام ده

وشكرااااا

الكلام دا فعلا فيه مواقع بتطلب رقم الشاسيه علشان يطلع بيانات العربية صح ...شركة العربية و الموديل و سنة الصنع.....من غير ما نات تدخل البيانات

و فى خدمات بتقدمها الشركة الام زى موقع بيجو سيرفس بوكس بتاع بيجو بتسجل فيه و تقريبا بى ام .. بجيبلك مسمار مسمار فى العربية بالبارت نمبر بتاعه...من رقم الشاسيه فقط

لان كل حرف و عدد فى رقم الشاسيه له دلالة على المعلومات بتاعة العربية و دا رقم موحد عالمى للشركات فى اتفاق عليه

انت بس اتاكد ان القطعة دى للعربية دى فى السنة دى للموتور دا :)