سيارة فى حدود 40 الف

**Ahmed sa** · 08-10-2015 02:43 PM

انا من اسكندرية وهنقل للقاهرة قريب وهبقى محتاج عربية وممكن ادفع لحد 40 الف وناس كتير بتخوفنى من المستعمل بس انا مقدرش اشترى عربية جديدة دلوقتى
المهم انا جديد فى السواقة وكنت اتمنى عربية اتوماتيك وبرده الناس بتخوفنى من الاتوماتيك فى المستعمل
كمان انا عايز عربية سيدان وتكون عملية واعطالها قليلة ومتعملش دقات نقص معايا ومعظعم الناس بتنصحنى بدايو لانوس مع انى مش متقبلها انا ميال اكتر للعربيات الاوربى زى اوبل فيكترا وبرده بتعجبنى كيا شوما وكمان ميتسوبيشى كريستالة بس انا شوفت اسعار العربيات اللى على كونتاكت كارز لقيت الاسعار عالية جدا فى ناس بتطلب فى الكريستالة اكتر من 60 الف بتعجبنى كمان فورد مونديو بس سمتعها وحشة جداً من ناحية الاعطال وقطع الغيار مع انها كعربية ممتازة
محتار جداً ممكن تساعدونى فى ترشيح عربية مناسبة لطلباتى مع العلم ان شغلى وسكنى هيبقى بين التجمع الخامس و6 اكتوبر وابورواش

**fepsceasar** · 08-10-2015 02:53 PM

ستروين اكسارا عن تجربة لمدة ست سنين ..بس اكشف كويس واعمل الصيانة الدورية ..

**elking60309** · 08-10-2015 04:35 PM

كل اللى انته عايزه متوفر فى رينو كليو من 2003الى 2007 اهم حاجه الحالة

**Bassem Youssef** · 08-10-2015 08:10 PM

ممكن تزود شويه و تجيب لانوس حاله نضيفه

**Hossam Rashed** · 08-10-2015 08:33 PM

لو لقيت كيا شومة بحالة مميزة هاتها .. عربية ناعمه وواسعة وثابته وافضل من الانوس مليون مره

**م أحمد** · 08-10-2015 09:28 PM

بيجو 405

أوسع و أعلى و أثبت و أمتن من اللانوس و قطع غيار محترمة و معمرة عن اللانوس بس استهلاك بنزين اكتر و قطع غيار اغلى شوية و ممكن تجيب منها كاربيراتير يشتغل مع البنزين ال 80 و ممكن تجيب منها مكنة 2000 سى سى لو عايز مواتير او تسقط موتور ال m ابو 160 حصان !!! و باسعار من 30 لغاية 50 الف على حسب الحالة و خللى بالك من الايرانى ابو دفع خلفى بعد موديلات 2004 اسعاره رخيصة اوى بس اعطال كتير و قطع غيار نادرة

**Ahmed sa** · 10-10-2015 11:52 AM

يا بشمهندس احمد انا فعلاً مقتنع بالبيجو 405 وبحس انها عربية محترمة بس حضرتك عارف ان اللى بيحكم قرار الشراء هو مدى توافر قطع الغيار وسهولة الصيانة فهل ال405 قطع غيارها متوفرة وصيانتها سهلة ومفيهاش مشاكل كتير زى السخونة كمان ايه افضل موديل فيها وشكرا لمشاركة حضرتك

**م أحمد** · 11-10-2015 02:09 PM

المشاركة الأصلية كتبت بواسطة ahmed sa

يا بشمهندس احمد انا فعلاً مقتنع بالبيجو 405 وبحس انها عربية محترمة بس حضرتك عارف ان اللى بيحكم قرار الشراء هو مدى توافر قطع الغيار وسهولة الصيانة فهل ال405 قطع غيارها متوفرة وصيانتها سهلة ومفيهاش مشاكل كتير زى السخونة كمان ايه افضل موديل فيها وشكرا لمشاركة حضرتك

قطع غيار و سهولة صيانة اكيد متوفرين...بس اكيد مش زى اللانوس

اى عربية قديمة الحالة اللى بتحكمها مش الموديل