الموضوع: مشكله فى تكييف نيسان

ممكن زيادة فى شحنة التكييف تخليه يفصل على حمايات الضغط العالى

اول مره يعمل كده

العربيه موديل 2010 و مش بستخدم التكييف خالص بس لما والدى اخد العربيه اشتغل معاه التكييف كويس فتره و بعدين حصل الموضوع ده

اكيد راح عند حد افتى ليه انها محتاجة تتزود شحنة و لما زودها حصل كدا و الله اعلم

انا عربيتى حصل فيها نفس المشكلة و كانت شحنة زيادة

بلف كونترول الكومبروسر او شحنه زياده

مع احترامي لاراء الزملاء
بس المعروف ان لو فيه شحن زيادة الكومبريسور يفصل مع ال rpm العالي يعني مع المشي او تزويد ع الواقف .. انما لما يكون شغال سلانسيه ممكن يبقي فيه تبريد

وده عكس اللي زميلنا بيشتكي منه ..

بص حضرتك .. انت عندك احتمال من اتنين .. الاول وهو ذو تكلفة اقل .. انك عندك نقص في الشحنة .. يخليك ع السلانسيه تحس مفيش تبريد لان ال rpm ساعتها بيكون قليل .. ولما تمشي او تزود ع الواقف يتحسن فرق الضغط ويبقي التبريد افضل.

الاحتمال التاني .. هو ان الكومبريسسور ضعيف .. بفرض الشحنة مظبوطة .. ع السلانسيه مابيعملش فرق الضغط اللي يعمل تبريد .. ولما تزود ال rpm تحس بتبريد..

فحضرتك ابدا بالارخص...

المشاركة الأصلية كتبت بواسطة engmesk3

مع احترامي لاراء الزملاء
بس المعروف ان لو فيه شحن زيادة الكومبريسور يفصل مع ال rpm العالي يعني مع المشي او تزويد ع الواقف .. انما لما يكون شغال سلانسيه ممكن يبقي فيه تبريد

وده عكس اللي زميلنا بيشتكي منه ..

بص حضرتك .. انت عندك احتمال من اتنين .. الاول وهو ذو تكلفة اقل .. انك عندك نقص في الشحنة .. يخليك ع السلانسيه تحس مفيش تبريد لان ال rpm ساعتها بيكون قليل .. ولما تمشي او تزود ع الواقف يتحسن فرق الضغط ويبقي التبريد افضل.

الاحتمال التاني .. هو ان الكومبريسسور ضعيف .. بفرض الشحنة مظبوطة .. ع السلانسيه مابيعملش فرق الضغط اللي يعمل تبريد .. ولما تزود ال rpm تحس بتبريد..

فحضرتك ابدا بالارخص...

يافندم التكييف صيانته مكلفه وكل عربيه وظروف تشغيلها وكل حاله ليها تشخيص مختلف على حسب ظروفها واهم شيء التشخيص الصح لعلاج العيب بشكل سليم
يافندم فصل الكباس ممكن يبقى شحنه زياده او ناقصه او عيب كهربا او عيب بلف كونترول
الاستاذ وصفه للحاله مش كامل من غير تفاصيل
بس عموما ودا اللي انا برجحه طالما انه بيشتغل معاه في بداية اليوم وبعد كدا بيفصل في الزحمه يعني على السلانسيه
هو عيب الكباس وطالما الكباس بيسقع بشكل كويس بس بيفصل في بعض الاوقات هايبقى عيب في بلف كونترول الكباس او عيب في الشحنه زياده او ناقصه ( الاحتمالين واردين ) في كل الحالات هايحتاج يشحن
هايحتاج ان يقرا الضغوط على عدادات الشحن قبل اي حاجه عشان يعرف الشحنه ناقصه ولا زياده دا غير كدا محتاج يكشف على ساعة الضغط وبلف الكونترول
لو عايز يبدأ بالارخص يزود فريون من غير عمل اي شيء اضافي ( في حدود ربع او نص كيلو )
ودا هايكشف لو في عيب تاني بعد كدا بس لو ظهر شيء تاني هايحتاج يطير الشحنه ويشحن تاني
تيجي نحسبها
الاحتمال الاول هايزود فريون من (50 : 100) جنيه (هايخسرهم لو طلع عيب تاني )
الاحتمال التاني يغير بلف الكونترول ( 150:250) + شحن ( 150: 200) اجمالي (300:450)
الاحتمال التالت ( الاحتمال الاول + التاني ) هايكلف (350:550)
انت ايه رايك ايهم ارخص ؟؟؟؟؟؟؟؟؟؟؟؟؟؟؟؟؟؟؟؟؟؟؟ ( اكيد التشخيص السليم والعلاج الصح )
العيب ممكن يطلع في حاجه تافه ( سير مثلا) وممكن يطلع حاجه تستاهل
العلاج بالوصف صعب بس على الطبيعه بتفرق كتير ........
معلومة صغيره حابب اضيفها بس ( فلتر الفريون او الرسيفر دراير المفروض انه يتغير بواحد جديد في الحاله دي ويضاف زيت على حسب فريون 134 ولا 12 ) الحوار دا ممكن يكلف على الاقل 120 :150 ممكن اكتر ممكن اقل