الموضوع: العربية بتبطل وأشياء أخرى

مشكلة محيرانى فى عربيتى االـ 128
بابقى ماشى فى أمان الله ، وفجأء العربية تبطل ، أحاول ادور بالمارش ، يلف على الفاضى ، أركن وأحاول ادور تانى مافيش فايدة ، المارش بيدور كويس جدا بس على الفاضى والعربية مش بتلقط.
فين بعد 10 دقائيق العربية تدور وترجع طبيعية.

المشكلة دى اتكررت 3 مرات فى الـ 3 أيام اللى فاتوا ..

الميكانيكى ماساعدنيش بعد ما فحص العربية وقال انها زى الفل ، وقال ماقدرش أحكم غير لما أشوف العيب قدامى ، وللأسف الموضوع بيحصل كل فين وفين.

هل من نصيحة؟

طيب ، فيه تحديث للموقف ..

النهارده وانا معدى جنب الميكانيكى العربية عملتها
فرحت له جرى ، جه معايا وشاف العيب
قال لى فيه مشكلة فى الكاربيراتير ، حاجة فيه اسمها الابرة بايظة
محتاجة تتغير
لأن العيب ده سببه ان الكاربيراتير بيخللى العربية تشرق ، فتبطل وتعاكس فى الدوارة شوية لغاية ما البنزين يتبخر فتدور من تانى.

هاروح له الصبح نشوف الموضوع ده واتابعكم بالنتيجة.