الموضوع: مشكلة فى الياريس

المشاركة الأصلية كتبت بواسطة pepo2011

شوف البوجيهات او الرشاشات او الايدول
وفي الاخر طرمبة البنزين

مغير البوجيهات من اسبوعين ولمبة التشيك مش بتنور ..بتنور بس فى بداية التشغيل وبتطفى عادى

هقولك علي اختبار بسيط ممكن يحدد سبب المشكلة.
بعد ما العربية تدور بدقيقه او اتنين شيل فيوز طلمبة البنزين (او الكتاوت) :
لو مفيش مشكله في دورة الوقود يبقي العربية لازم تفضل دايرة بعد فصل الطرمبة دقيقة علي الأقل.
لو العربية بطلت علي طول يبقي عندك مشكلة في منظم الضغط او الرشاشات و دي هتأخر الدوارة.

المشاركة الأصلية كتبت بواسطة lancer06

البطارية عاملة معاك ايه
وصوت المارش ناعم ولا الصوت مش طبيعى

صوت المارش عادى وهيا بتدور مارش بس بتتأخر فى تشغيل المحرك

المشاركة الأصلية كتبت بواسطة mohamed sedaa

هقولك علي اختبار بسيط ممكن يحدد سبب المشكلة.
بعد ما العربية تدور بدقيقه او اتنين شيل فيوز طلمبة البنزين (او الكتاوت) :
لو مفيش مشكله في دورة الوقود يبقي العربية لازم تفضل دايرة بعد فصل الطرمبة دقيقة علي الأقل.
لو العربية بطلت علي طول يبقي عندك مشكلة في منظم الضغط او الرشاشات و دي هتأخر الدوارة.

طيب لو استخدمت منظف الرشاشات ودايرة الوقود مع التفويلة ممكن ده يحل المشكلة ولا صعب ؟؟

غيرت فلتر الهواء و البوجيهات تانى (بوجيهات تويوتا ) و نضفت البوابة و عملت تشيك على البطارية وقالولى سليمة وعملت تشيك كمان على الكونترول والحساسات بالكمبيوتر وقاللى الجهاز مش قارى أى اعطال على الحساسات......ولسه المشكلة مستمرة.....ايه السبب انا احترت.....هل هيا رشاشات ولا بوبينة ولا ايه بالظبط.....انا تعبت

المشاركة الأصلية كتبت بواسطة lancer06

اعمل دورة تنظيف للرشاشات ودورة البنزين
اما عن طريق منظف تضعة فى التانك لما تكون العربية فيها كمية بنزين قليلة فى التانك وبعدين تفول
او تفك الرشاشات وتنضفها
المشكلة حصلت معايا قبل كدة كان سببها البطارية واوقات اختبار البطارية مبيبقاش دقيق لانهم بيشوفو الشرارة اللى خارجة منها كبيرة ولا صغيرة وطبعا بتوديها وهيا مشحونة لانك مشيت بالعربية
والمشكلة بتظهر لما تدور الصبح وبتكون العربية استهلكت جزء من شحنها
متستبعدش اى حاجة مهما كانت صغيرة اوقات العطل الكبير بيبقى سببة حاجة لا تذكر

طيب ازاى اختبر البطارية بشكل صحيح عشان اتأكد اذا كان العيب منها ولالا ؟؟؟؟