الموضوع: سير المجموعة بقى يصفر في المطبات بعد ما غيرته

السلام عليكم يا أهل الدايهاتسو

معايا سيريون 2008 من شهرين كده غيرتلها سير المجموعة عند ميكانيكي, الحمد لله السير الجديد ماشي كويس بس في مشكلة مش عارفلها حل:

السير بيعمل صوت تصفير صغير كده زي نتشه كل ما ابقي ماشي بالعربية و اجي نازل من مطب او في حفرة ناحية العجلة الامامية يمين. لو هديت اوي عند الحفرة مش بسمع الصوت, لو المطب حاد شويه عند النزلة بسمع الصوت ده لما العجلتين الادامانيين ينزلو علي الارض, الصوت عامل زي تصفيرة السير القديم بالظبط بس قصير جدا زي نتشه.

عديت علي الميكانيكي قلتلو يبص علي السير و يعيد علي الصواميل يمكن في حاجة مش مربوطه كويس, الراجل بص و قرط عليهم و مشيت من عندو و خمس دقايق مع اول مطب سمعت الصوت تاني.

انصحوني عشان انا احترت.