الموضوع: ممكن مساعدة منكم لوجه الله فى شراء باراتى

الاخوة الافاضل
والله اشهد الله ان احب الجميع هنا فى الله وخاصة من يقدمون النصيحة خالصة لوجه الله لمساعدة الاخرين
اخوكم من سوهاج وكنت بادور على افضل عربيات فى حدود 40 الف
ولاقيت الباراتى والفابيا
بس انا ميال جدا للباراتى لان العيلة بتكبر وانا مش ناوى اغير قريب , بس سمعت عن مشاكل فى قطع الغيار انها مش موجودة
وانا حاليا قدامى باراتى 2006 مش محتاجة حاجة غير فانوس خلفى يمين
صاحب العربية بيقول ان توكتوك خبطه وهو معدى من غير ما يخبط العربية
العربية حالتها كويسة ومفيهاش حاجة عاوزة مصروف وهو طالب فيها 40 الف جنيه
فهل لو حالتها زى ما قولت لك كده يبقى سعرها كويس .. وممكن تخلص على كام ؟
سؤال تانى انا عاوز لو اشتريتها اغير لها الحاجات دى علشان اريح دماغى منها
طقم دبرياج - سير كاتينة بالبلية - سير دينامو - طقم بوجيهات - زيوت - فلاتر ( هواء - بنزين - زيت ) - ممكن كمان اغير موبينة وسلوك علشان ابقى فى المضمون
بالاضافة الى الفانوس الخلفى
الاقيهم فين واسعارهم ايه .... ولا بلاش من الباراتى مع انى باحب العربية دى
انا محتار جدا
مشكورين جميعا مقدما وبارك الله فيكم

المشاركة الأصلية كتبت بواسطة mif

باراتى عربية واقعة ملهاش سوق فى مصر ... شوف كدا التكييف شغال !
لو بتقارنها بالفليشيا يبقى فليشيا احسن .

اخى الكريم ، اشكر حضرتك لردك واهتمامك
انا مش باقارنها مع عربية تانية
انا قصدى رايك فيها كعربية هل اعتمادية حمالة اسية فعلا ومعمرة ولا بتاعة اعطال واطلع عينى
وهل قطع غيارها متوفرة ولا محتاجة تلف عليه وفى الاخر تلاقيها ولا نادرة ومش موجودة اصلا
بالنسبة للتكييف انا اكتشفت النهاردة لما بعت صديق اتفرج عليها انها محتاجة كومبريسور تكييف