سؤال ضرورى فى عمرة لانوس 2

**احمد الصباغ** · 19-10-2015 02:26 AM

بسم الله الرحمن الرحيم
الاخوة الكرام
عندى لانوس 2005 وفيه مشكله فى الزيت وقررت افتح فى العمرة وزى ما الاقى فيها
المشكله دلوقتى
1) اعرف اذاى ان الفارغة واسعة على البستم؟
2) ياترى لو فيه مشكله فى الشميز هل المخرطة بتعملها كويس ولا اجيب نص ماتور تحت يكون افضل من اللعب فى موضوع الشميز ده؟
3) ايه اللى المفروض اخد بالى منه اثناء الشغل ده؟
وشكرا للجميع

**asas630** · 19-10-2015 04:23 AM

حضرتك الي المفروض يحصل كالاتي

بالنسبة لمعرفة الفارغة واسعة علي البستم ولا لا
يتم قياس قطر الشميز وقياس قطر البستم بالميكروميتر وطرح القطرين من بعض حيديك قيمة الخلوص ويتم مطابقتم بالمسموح في المانيوال و عليه نقرر طبعا الكلام ده مش حتلاقي ميكانيكي بيعمله هوا اخره يهز البستن بايده ويقرر وفي معظم الحالات بيقولك طقم شنبر

الشمايز المريجة بتتخرط عادي بس بتجيب طقم شنبر اكبر وبساتم اكبر
جودة الخراطة تعتمد علي الورشة الي حضرتك رايحها

عشان نتفادي كل ده هات مكنة استيراد ووفر حرقة دمك مع الصنايعية

**احمد الصباغ** · 19-10-2015 02:04 PM

اولا شكرا جدا على الكلام ده
ثانيا هل ممكن تساعدنى بالخلوص المسموح بيه لانى مش عارف اوصله
ثالثا دلوقتى كنت مركب وش سلندر من مده ياترى اجيب نص مكنه تحتانى ولا ايه رأيك

**m_k_elhosiny** · 19-10-2015 02:39 PM

أخي الكريم
الفرق ما بين مقاسات العمرة بيكون بتوسيع قطر الشمايز بمقدار 0.2 مم و البستم الجديد بالشنابر الجديدة بيكونوا نفس مقاس الخراطة أو بمعنى أدق بتكون الخراطة على مقاس البساتم الجديدة الأكبر بمقدار 0.2 مم في القطر .... أحيانا بيكون التاّكل في الشمايز بنسبة أكبر من ال 0.2 مم فبيكون الحل شراء بساتم جديدة على المقاس التالي ( 0.2 مم + 0.2 مم = 0.4 مم ) و الخراطة عليه و طبعا اللي بيحدد مقاس البساتم قياس المخرطة ( مش الميكانيكي ) ... كذلك بيتم تجليخ الكرنك على مقاس طقم السبيكة التالي لمقاس طقم السبيكة السابق ( و كذلك هلايل الكرنك ). طبعا بيأتي ذلك مع قشط وش السلندر و مراجعة حالة الصبابات و قواعدها و حالة عمود الكامة و الكستباناتو طلمبة الزيت و تغيير طلمبة المياه.
في رأيي الشخصي العمرة ليها 3 أركان :
1 - ميكانيكي نضيف و شاطر.
2 - بضاعة كويسة مش مضروبة ( بساتم + شنابر + سبيكة +جوانات + صبابات ).
3 - تليين سليم.
لو توافرت ليك الأركان دي توكل على الله و عمّر .... لو لأ .. خلليك في الاستيراد.
و عذرا للإطالة.

**mo7eb elrasol** · 19-10-2015 03:15 PM

باشا بدون تردد هات ماكينة استيراد او النص ال تحت لو وش السلندر عاند كويس
العمرة تضييع للوقت والفلوس

**احمد الصباغ** · 19-10-2015 03:18 PM

الله عليك
انت قلت اللى ماحدش قاله الف شكر

**احمد الصباغ** · 02-11-2015 09:51 PM

رحت للميكانيكى قالى هانجيب شورت بلوك والماكينه اللى هاتطلع هانبيعها ونبيع فيها وش السلندر
ايه رأيكم وياترى الشورت بلوك دا بكام

**Mecha** · 03-11-2015 03:06 AM

المشاركة الأصلية كتبت بواسطة m_k_elhosiny

أخي الكريم
الفرق ما بين مقاسات العمرة بيكون بتوسيع قطر الشمايز بمقدار 0.2 مم و البستم الجديد بالشنابر الجديدة بيكونوا نفس مقاس الخراطة أو بمعنى أدق بتكون الخراطة على مقاس البساتم الجديدة الأكبر بمقدار 0.2 مم في القطر .... أحيانا بيكون التاّكل في الشمايز بنسبة أكبر من ال 0.2 مم فبيكون الحل شراء بساتم جديدة على المقاس التالي ( 0.2 مم + 0.2 مم = 0.4 مم ) و الخراطة عليه و طبعا اللي بيحدد مقاس البساتم قياس المخرطة ( مش الميكانيكي ) ... كذلك بيتم تجليخ الكرنك على مقاس طقم السبيكة التالي لمقاس طقم السبيكة السابق ( و كذلك هلايل الكرنك ). طبعا بيأتي ذلك مع قشط وش السلندر .

توسيع الشمايز بيكون 020. من البوصه وكل شغل العمرات بالبوصه

تحياتي

**احمد الصباغ** · 08-11-2015 02:24 AM

دلوقتى روحت للميكانيكى وشغلت العربيه قدامه قالى دى بتخبط وكدا لزما مكنه استيراد وقالى هات شورت بلوك يعنى مكنه بس من غير المانفوا والباور والرشاشات وكدا
السؤال بقى ايه رأيكم فى الكلام ده
ثانيا المكنه اللى هاتطلع ممكن ابيعها بكام مع العلم ان فيها وش سلندر استيراد راكب من ثلاث اشهر تقريبا وطرمبة مياه جديده
ثالثا ايه اللى اخد بالى منه او اطلب انه يعمله اثناء التركيب
وشكرا للجميع
سلام

**Mecha** · 08-11-2015 02:45 AM

المشاركة الأصلية كتبت بواسطة احمد الصباغ

دلوقتى روحت للميكانيكى وشغلت العربيه قدامه قالى دى بتخبط وكدا لزما مكنه استيراد وقالى هات شورت بلوك يعنى مكنه بس من غير المانفوا والباور والرشاشات وكدا
السؤال بقى ايه رأيكم فى الكلام ده
ثانيا المكنه اللى هاتطلع ممكن ابيعها بكام مع العلم ان فيها وش سلندر استيراد راكب من ثلاث اشهر تقريبا وطرمبة مياه جديده
ثالثا ايه اللى اخد بالى منه او اطلب انه يعمله اثناء التركيب
وشكرا للجميع
سلام

المكنه اللي هتطلع هتتياع ازاي ,اذا كانت بتخبط وتالفه
تحياتي