سويفت ولا افيو ولا صنى 2016

**blue viel** · 20-10-2015 11:06 AM

السلام عليكم
دلوقتى انا محتارة جدا ومش عارفة اختار عربية،الاول فكرت مابين الافيو واللوجان والصنى...وبعدين استبعدنا اللوجان لان اللى مقارب سعر الافيو الزجاج الخلفى مش كهربا ،غير طبعا قطع غيارها الغالية.....الافيو زجاج خلفى فاميه وشكلها كويس برا وجوه ....بس بقول اكيد الصنى ماركة محترمة اكتر...الغريب ان اللى واقفين فى المعارض نصحونا بالافيو وواحد منهم قال منتشرة اكتر وقطع غيارها متوفرة وسعر شغال يعنى ولو حبينا نبيعها مش هنخسر كتير....دلوقتى دخل معايا فى المقارنة السويفت وسانديرو،بس لسه مشفناهمش فى اى معرض...عايزة اعرف رايكم فى حدود اسعار العربيات دى،
لو حد عنده عربية تانية يقترحها فى حدود ااسعار العربيات دى ياريت يتفضل ويقولى...
انا بالنسبالى اهم حاجات فى العربية تكون اوتوماتيك و التكييف يكون كويس،تكون ارتفاعها كويس لانى ساكنة فى منطقة صعبة جدا مليانة مطبات،قطع غيارها متتعبنيش لان انا وزوجى معندناش وقت نلف....وافضل لو يكون فيها سنتر لوك للشبابيك عشان الاطفال (لاحظت ان فيه عربيات مفيهاش سنتر لوك للشبابيك)...وحابة يكون فيها يو اس بي...اظن هوه موجود تقريبا فى معظم العربيات الجديدة
انا اصلا كنت بفكر فى الشانا بينى اوتوماتيك وقلت اهى هتقضي الغرض وخلاص،بس زوجى قاللى لو حبيتى تبيعى هتتعبى واقترح نشوف حاجة تانية
طبعا انا ام ومعايا اطفال لو دا هيفرق فى ترشيح العربية
مستنية ارائكم

**hanyyacot** · 20-10-2015 12:19 PM

وعليكم السلام ورحمة الله وبركاته :
رأيى الشخصى تستبعدى الافيو لأعطالها الكتير و الكبيرة , واسألى ملاكها لو دخلتى على قسم الشيفورليه , كمان استبعدى الصنى لمشاكل فى الفرامل و اجنوط والتيل وكمان صاجها الضعيف . اعتقد ان السوزوكى كويسة لو مش فارق معاكى الشنطة لان شنطتها يعتبر مش موجودة سواء الهاتش باك او السيدان , والافضل منها فى رأيى هى السانديرو عشان موتور اقوى ف هايفرق فى التكييف . ممكن كمان تشوفى ال بروتون جين 2 او بيرسونا , علوها عن الارض كويس وحجم شنطة معقول وتكييف كويس . ال يو اس بى موجود فى معظم العربيات دلوقتى وكمان سنتر للاطفال . وربنا يوفقكوا

**abokoko** · 20-10-2015 12:32 PM

حضرتك ممكن تزودي المبلغ وقتها هيكون في اختيارات تانيه

عموما فيما ذكرتي سوزوكي وافيو وصني الجديده كلهم في حدود ال 110
لفيت مع اختي
وانتهينا انها حجزت الصني اللي هيا ب110
الافيو بلاش منها

انا سالت علي السوزوكي سويفت اوديزاير بس لم تكون معروصه في اباظا وفي المصريه علما باننا خارج القاهره وطبعا لاننا لم نري السوزوكي في المعارض او حتي في الشوارع عندنا هنا
فوقع الاختيار علي الصني
وباعتبره اختيار نوفق جدا في حاله المبلغ 110

**blue viel** · 20-10-2015 12:56 PM

المشاركة الأصلية كتبت بواسطة hanyyacot

وعليكم السلام ورحمة الله وبركاته :
رأيى الشخصى تستبعدى الافيو لأعطالها الكتير و الكبيرة , واسألى ملاكها لو دخلتى على قسم الشيفورليه , كمان استبعدى الصنى لمشاكل فى الفرامل و اجنوط والتيل وكمان صاجها الضعيف . اعتقد ان السوزوكى كويسة لو مش فارق معاكى الشنطة لان شنطتها يعتبر مش موجودة سواء الهاتش باك او السيدان , والافضل منها فى رأيى هى السانديرو عشان موتور اقوى ف هايفرق فى التكييف . ممكن كمان تشوفى ال بروتون جين 2 او بيرسونا , علوها عن الارض كويس وحجم شنطة معقول وتكييف كويس . ال يو اس بى موجود فى معظم العربيات دلوقتى وكمان سنتر للاطفال . وربنا يوفقكوا

شكرا جزيلا للرد....السويفت للاسف لسه شايفة على جروب للملاك على الفيس ان التوكيل متاخر عليهم جدااااا فى التسليم....فيه ناس بتستلم بعد 8 شهور!!!!!!!! والفورى غالى اوى فى حدود 120 الف....جشع رهيب....
هحاول اشوف السانديرو والصنى تانى...كنت قريت ان عيوب الصنى تفادوها فى الموديل الجديد،عند حضرتك فكرة؟؟بس قريت برضه ان صاجها خفيف اوى
كمان حضرتك عندك فكرة عن الاتراج؟؟
واسفة لكتر الاسئلة

**blue viel** · 20-10-2015 01:00 PM

المشاركة الأصلية كتبت بواسطة abokoko

حضرتك ممكن تزودي المبلغ وقتها هيكون في اختيارات تانيه

عموما فيما ذكرتي سوزوكي وافيو وصني الجديده كلهم في حدود ال 110
لفيت مع اختي
وانتهينا انها حجزت الصني اللي هيا ب110
الافيو بلاش منها

انا سالت علي السوزوكي سويفت اوديزاير بس لم تكون معروصه في اباظا وفي المصريه علما باننا خارج القاهره وطبعا لاننا لم نري السوزوكي في المعارض او حتي في الشوارع عندنا هنا
فوقع الاختيار علي الصني
وباعتبره اختيار نوفق جدا في حاله المبلغ 110

طيب حضرتك مفكرتش فى الاتراج؟؟ولا ليها عيوب هيا كمان؟؟انا ملاحظة انها مش منتشرة اوى...
الصنى حلوة بس حكاية ان صاجها خفيف لو ريحت عليه ينزل دى غريبة اوى.....بالنسبة للفرامل ومشاكل الموديل اللى اتعمل عليه حكاية دا، اظن تفادوها من السنة اللى فاتت...صح ولا معلوماتى غلط؟؟
كمان فيها 2 ايرباج ولا واحدة؟؟لان التوكيل قاللى 2 لكن قريت ع النت انها واحدة بس،فمش عارفة ايه الصح...
السوق عمال يغلى و حاجة صعبة بجد

**hanyyacot** · 20-10-2015 01:36 PM

المشاركة الأصلية كتبت بواسطة blue viel

شكرا جزيلا للرد....السويفت للاسف لسه شايفة على جروب للملاك على الفيس ان التوكيل متاخر عليهم جدااااا فى التسليم....فيه ناس بتستلم بعد 8 شهور!!!!!!!! والفورى غالى اوى فى حدود 120 الف....جشع رهيب....
هحاول اشوف السانديرو والصنى تانى...كنت قريت ان عيوب الصنى تفادوها فى الموديل الجديد،عند حضرتك فكرة؟؟بس قريت برضه ان صاجها خفيف اوى
كمان حضرتك عندك فكرة عن الاتراج؟؟
واسفة لكتر الاسئلة

فعلا السويفت بيستهبلوا فى التسليم و عليها اوفر برايس , الصنى فعلا صاجها خفيف بطريقة سخيفة ومتعبة , جربى تضغطى بصباعك بس عليه هتلاقيه بيدخل معاكى , طبعا فى شوارعنا الجميلة الموضوع ده هايتعبك اوى . نصيحة بلاش الاتراج عشان موتور ضعيف 1200 سى سى وكمان 3 سلندر وكمان فقيرة جدا فى الكماليات ونفس مشكلة الصاج الضعيف . اعتقد السانديرو هاتبقى اختيار كويس اوى ومناسب

**salam100100** · 20-10-2015 02:41 PM

انا من ملاك الصنى
موديل 2015
معايا بقالها سنه وشهر
عامل بيها 18000 كم
مبشتكيش من حاجه
الفرامل رائعه
العربيه انا مقتنع بيها جدا
بعمل الصيانات بتاعتها الروتينيه فالتوكيل الى ان تخرج من الضمان

انصح حضرتك لو تقدرى اسئلى ملاك العربيات اللى بتقارنى مابينها على الطبيعه ومتكتفيش بالمكتوب على النت
بردوا يوجد صفحات لكل العربيات ديه على الفيس بوك
ملاك العربيات بيعرضوا المشاكل اللى بيواجهوها يمكن تكون مفيده

**abokoko** · 20-10-2015 03:07 PM

الصني منتشره في الشوارع
واسم بيتقال ياباني رغم انها في الواقع خليط ما بين الهند والصين واليابان وفرنسا
مفيش مشاكل من الموتور او الفتيس حسب متابعتي لقسم نيسان هنا
مشاكل الطنابير والفرامل التوكيل بيقول انها اتحلت وحضرتك حتي لو لسه موجوده عندك ضمان 3 سنوات
بعدها ابقي غيري الطنابير خارج التوكيل بنوع جيد وركبي تيل فرامل ممتاز هتلاقي مفيش مشكله
العربيه انا شفت علامه الاير باج للراكب لكن لم اسال عن وجودها الفعلي
العربيه الاوبشن فيها كتير جدا وحضرتك هتلاقي في المنتدي شرح

الانتشار في الشارع ممكن يبقي مؤشر يساعد علي الاختيار

**blue viel** · 20-10-2015 05:02 PM

المشاركة الأصلية كتبت بواسطة salam100100

انا من ملاك الصنى
موديل 2015
معايا بقالها سنه وشهر
عامل بيها 18000 كم
مبشتكيش من حاجه
الفرامل رائعه
العربيه انا مقتنع بيها جدا
بعمل الصيانات بتاعتها الروتينيه فالتوكيل الى ان تخرج من الضمان

انصح حضرتك لو تقدرى اسئلى ملاك العربيات اللى بتقارنى مابينها على الطبيعه ومتكتفيش بالمكتوب على النت
بردوا يوجد صفحات لكل العربيات ديه على الفيس بوك
ملاك العربيات بيعرضوا المشاكل اللى بيواجهوها يمكن تكون مفيده

شكرا على تصيحة حضرتك،هبص فعلا فى الفيس على صفحات الملاك

**blue viel** · 20-10-2015 05:04 PM

المشاركة الأصلية كتبت بواسطة abokoko

الصني منتشره في الشوارع
واسم بيتقال ياباني رغم انها في الواقع خليط ما بين الهند والصين واليابان وفرنسا
مفيش مشاكل من الموتور او الفتيس حسب متابعتي لقسم نيسان هنا
مشاكل الطنابير والفرامل التوكيل بيقول انها اتحلت وحضرتك حتي لو لسه موجوده عندك ضمان 3 سنوات
بعدها ابقي غيري الطنابير خارج التوكيل بنوع جيد وركبي تيل فرامل ممتاز هتلاقي مفيش مشكله
العربيه انا شفت علامه الاير باج للراكب لكن لم اسال عن وجودها الفعلي
العربيه الاوبشن فيها كتير جدا وحضرتك هتلاقي في المنتدي شرح

الانتشار في الشارع ممكن يبقي مؤشر يساعد علي الاختيار

هنزل اشوفها تانى ،واستخير بينها وبين السانديرو لان كدا خلاص الباقي بلاش منه