الموضوع: عايز اشترى عربية نوبيرا موديلها مش اقل من 2005

ابعد عن الاتوماتيك فى النوبيرا بالذات

انا بعيد تمام البعد عن النوبيرا الاوتوماتيك ، ومبفكرش غير فى المانيوال منها

صعب شوية في الرينج ده ممكن هتوصل ل 60 بالمواصفات دي

ياباشا انا محدد لحد 57000 وممكن تزيد بسيط وتكون 60 بس الاقى الحالة اللى تستاهل لكن تبقى عربية حالة ، انا شوفت واحدة فابريكة بره وجوه 2005 فى الزقازيق وخلصت 55 وعداد 102000 لون فستقى ، وعربية حالة ولولا حظى النحس انى وانا بدور اتشغلت يومين فببص على الجديد لقيتها ، اتصلت بصاحبها قالى فيه واحد جاى يتفرج عليها ، وانت ممكن تتفرج ، ورسيت على اللى سبق ربنا يباركله فيها ، قدامى خلصت ب 55000 ، وده لسة من ايام بسيطة

انما باجى ابص الاقى واحدة 2006 وماشية 185000 يعنى برضه اتهرت مشي والاقى صاحبها يقولك مش اقل من 60 ، والكلام ده بيفضلوا شهور بيعرضوا فى عربياتهم ، الزبون مبقاش زى زمان ، الزبون دلوقتى عايز يشترى حاجة تمشيه على الاقل 4 سنين يدور ويركب ، انما مش ياخدها سنة وبعدين يعمرها ، و بعدين سنتين ترجع تخف وتقفش وتدور على تغيير ماكينة ، يبقى حرام المبلغ ده يتدفع فيها

يا ريت تبص على حاله العربيه لانها هى اللى بتحكم عليها مش العداد لان عداد النوبيرا من اسهل العدادات اللى بيتلعب فيها وممكن يرجع اويتقدم فى منتهى السهوله فتاكد من حاله العربيه اهم شى

ياباشا تأكد انى هحكم على حالة العربية وانه يتلعب فيها ولا لا ، الحمدلله مش هقولك انا لكن معايا ناس بفضل الله اصحابى افضل منى بكتير فى المجال ده ، وهمه اللى بيشوفوا معايا وانا عندى معرفة كويسة برضه وصدقنى مشوفتش عربية عدادها عالى وصوتها كويس الا برضه القصة كلها فى كبس الماكينة ، عمره بعد الكيلوات اللى مشيها هيكون بحالته يعنى يادوبك تمشيك سنتين وبعدين تعمرها ، رؤيتك فى الحاجات دى مهمة متنساش انك لما بتطلب نوبيرا بتشتريها ليك وللسوق ، ولازم لما تبيعها بعد استخدام 3 او 4 سنين يكون عدادها معقول عشان فرصها فى البيع تكون احسن وتكون برضه عربية حالة زى ما بتحب تشترى لنفسك تحب برضه تبيع لغيرك وده الاهم الامانة

العربية اللي في الزقازيق دي كان لونها ايه ؟؟؟ و فين في الزقازيق بالظبط ؟؟؟ عشان انا شفت كذا عربية هناك قبل ماشتري