اجزاء العفشه المفروض في الضمان ولا لا ؟

**Dr_Smart** · 21-10-2015 04:21 PM

السلام عليكم

اخويا عربيته ريو ٢٠١١ عامله حوالي ٨٠ الف كم

بالصدفه وهو بيربط عفشه الصنايعي قاله العربيه محتاجه بارات وبيض مقصات وصوابع ميزان

هو لسه في الضمان

هل الضمان بيغطي القطع دي ولا لا ؟

مع العلم ان ده اكتشفه صدفه مع الاستخدام العادي في شوارعنا الجميله مش نتيجة انه خد مطب ولا حاجه

ممكن يتقاله ده سوء استخدام او ان الاجزاء دي استهلاكية ؟؟؟؟

**AHMEDJUDDY** · 21-10-2015 05:27 PM

لا طبعااااااااااااااااااا . العفشه خاااااارج الضمان . والتوكيل هيقولك سوء استخدام او مطبات المحروووووسه .

**Dr_Smart** · 21-10-2015 08:50 PM

يعني رسميا العفشه خارج الضمان ؟

ولا هو شغل استهبال ويتهموك بسوء الاستخدام وانك لبست مطب مثلا ؟

ياريت ياجماعه اللي عنده المعلومة الاكيدة يقوللي عشان نعرف حقوقنا

ماهو كده الضمان هيغطي ايه بقى .. ده لو الموتور حصله حاجه ممكن يقولك سوء استخدام ولا بتحط جاز بدل البنزين

**AHMEDJUDDY** · 21-10-2015 11:43 PM

المشاركة الأصلية كتبت بواسطة dr_smart

يعني رسميا العفشه خارج الضمان ؟

ولا هو شغل استهبال ويتهموك بسوء الاستخدام وانك لبست مطب مثلا ؟

ياريت ياجماعه اللي عنده المعلومة الاكيدة يقوللي عشان نعرف حقوقنا

ماهو كده الضمان هيغطي ايه بقى .. ده لو الموتور حصله حاجه ممكن يقولك سوء استخدام ولا بتحط جاز بدل البنزين

يا باشا انت في مصر ... الضمان في كل حاجه و في اي حاجه زباله الزباله ... ده الموبايل لما تجيبه و يبوظ بعد يومين بينشفوا ريق ابونا و يقولك سوء استخدام ... عاااايز بعد 80000كم يغيروا اي حاجه في العربيه ايا كانت في الضمان ... و بعدين انت بتتكلم عن عفشه .. فالرد الاول اللي كتبته ليك ده هيكون رد منطقي في اي توكيل في مصر .

**AHMEDJUDDY** · 21-10-2015 11:44 PM

وبعدين يا سيدي ريح نفسك و اتصل بالتوكيل و اسألهم و لو كانت العفشه داخل الضمان و غيرولك مسمار واحد في العربيه ببلاش ... يبقي انا مبفهمش اي حاجه ...

**esamahmed** · 26-10-2015 06:26 AM

استاذى الفاضل مفيش حاجة اسمها مش فى الضمان وانت لو رحت قولت لهم ايه رأيكم العفشة فى الضمان ولا لأ ؟؟ طبعا هيقولوا لأ ده انت كده ادتهم الفرصة تمام
الخلاصة : العفشة فى الضمان وانا مغير مساعدين ورا وكمان الطنابير الامامية على حساب الضمان بس القصة عاوزة انك تتمسك بحقك جامد
(على فكرة انا مغير الحاجات دى على 75000 كيلو علشان فى اخ فاضل بيقول ممش ممكن عاااايز بعد 80000كم يغيروا اي حاجه في العربيه )
وشكرا

**Dr_Smart** · 26-10-2015 01:02 PM

شكرا لكل الردود

بالفعل العفشه مش في الضمان عدا علبة الدركسيون .. والكشف فقط ب ١٥٠ جنيه .. رحت لواحد بره كشف تاني قاللي محتاجه صوابع ميزان بس والبارات والمقصات كويسين

**miam0502788391** · 26-10-2015 05:37 PM

مش معقول مفيش ضمان على العفشة
اكيد فى ضمان ولو حتى عدد معين من الكيلومتر
مرة واحد الطنابير الامامية باظت وكان عامل بالعربية 25000 كيلو راح التوكيل قالو الضمان خلص
لأن ضمان الطنابير 5000 كيلو فقط