تويوتا كورولا - ساعدوني

**Hani Hegazi** · 22-10-2015 07:24 PM

انا الوقتي لو نويت علي تويوتا كورولا ان شاء الله
ومعايا لحد ١٠٥ الف
اقدر اجيب موديل كام بس تكون اتوماتيك وحالتها جيدة جدا وصيانات توكيل
لاني بحس ان اسعار النت مبالغ فيها
ف حبيت اسأل اللي راكبين تويوتا هنا وعارفين السوق

**shake** · 22-10-2015 09:15 PM

الكورولا المستعملة مش ثابتة على سعر

**Ahmed emad has** · 23-10-2015 01:50 AM

ممكن تجيب التويوتا من 2000 ال 2007 ال1300 بالسعر ده وممكن برصوا ال1600 . او ممكن تجيب ال2008 وال2009 وده هيبقي ارخض من كده كتير بس فيه مشاكل مممن لو حظك حلو تلاقي ال2010 بس غالبا بتبقي اغلي شوية . دي الخلاصة

**Hani Hegazi** · 24-10-2015 02:54 PM

المشاركة الأصلية كتبت بواسطة ahmed emad has

ممكن تجيب التويوتا من 2000 ال 2007 ال1300 بالسعر ده وممكن برصوا ال1600 . او ممكن تجيب ال2008 وال2009 وده هيبقي ارخض من كده كتير بس فيه مشاكل مممن لو حظك حلو تلاقي ال2010 بس غالبا بتبقي اغلي شوية . دي الخلاصة

حضرتك انا مينفعنيش ال 1300 لان 80% من سواقتي سفر علي طريق بورسعيد السويس والسويس الغردقة والاسماعيلية راس سدر واسماعيلية ابو صوير
سؤال معلش هو ال 2008 و 2009 مشاكلهم في ايه بالظبط، قصدك موضوع الفتيس ، وهل لو كشفت في التوكيل فعلا يقدر يطلع لو فيه عيب
والكورولا ال 2010 تعمل كام بس بجد في السوق لان عالنت لاقي تفاوت عجيب، الرينج في 2010 واخد من 110 لحد 135 !

**Ahmed emad has** · 25-10-2015 02:13 PM

المشاركة الأصلية كتبت بواسطة hani hegazi

حضرتك انا مينفعنيش ال 1300 لان 80% من سواقتي سفر علي طريق بورسعيد السويس والسويس الغردقة والاسماعيلية راس سدر واسماعيلية ابو صوير
سؤال معلش هو ال 2008 و 2009 مشاكلهم في ايه بالظبط، قصدك موضوع الفتيس ، وهل لو كشفت في التوكيل فعلا يقدر يطلع لو فيه عيب
والكورولا ال 2010 تعمل كام بس بجد في السوق لان عالنت لاقي تفاوت عجيب، الرينج في 2010 واخد من 110 لحد 135 !

علي فكرة ال1300 اقوي من اللنسر واقوي من الهيونداي كله . ال1300 بتقفل العداد مستريح . ال2008 مشاكلها الفتيس بس و غالبا التوكيل تقريره بيكون غير دقيق واصلا 2008 اداءها العام ضعيف . ال2010 سعرها في حدود 110 تقريبا ولو حالتها ممتازة ممكن تزيد شويتين

**Eslam.Elrefaey** · 25-10-2015 04:40 PM

انت بالرينج ده وعايزها 1600 واوتو يبقى طلبك مستحيل تقريبا الا لو هتجيب ال mmt وعلى الرغم من اختلاف الاراء عليه الا انه سوقيا مش محبوب خالص ومعظم الى اعرفهم غيروه باوتو عادى

**Fancy_man22** · 26-10-2015 05:25 PM

انا عندى حل حلو ليك
بالفلوس الى معاك هات واحده ٢٠٠٨ الفتيس بتاعها mmt هتلاقيها من ٨٥٠٠٠ الى ٩٥٠٠٠ على حسب الحاله والكماليات
لو قولنا انك جبتها فى المتوسط ب ٩٠٠٠٠ جنيه هيفضل معاك ١٥٠٠٠ جنيه
تاخد العربيه وتنزل الحرفيين وتسبها ٣ ايام فقط وتدفع ٩٠٠٠ جميه ويتغيرلك الفتيس منmmt لل اوتو العادى بتاع ٢٠١٠ وكدا تبقى وفرت ٦٠٠٠ جنيه تظبط بيهم العربيه وتروشها
وهتبقى غيرت زيت مكنه وزيت فتيس و كبالن وتاره جديده وعداد جديد و تعتبر عربيه جديده ك عفشه وفتيس
الاقتراح التانى لو انتا جايبها علشان السفر ومعظم سواقتك ايها هتكون سفر ف الفتيس الmmtمش هيفرق كتير عن الاوتو العادى لانها
بتفرق فى الزحمه بس مش اكتر بتحس بالنقلات
على فكره انا معايا كورولا ٢٠٠٨ جنوب افريقى الفتيس mmt وعلشان شغلى كله سفر فعلا مش حاسس بالفرق خالص بين الفتيسين مع انى عندى كرولا ٢٠١٣ وسافرت بيها كتير مفيش اختلاف فى السفر الاختلاف بس جوه البلد
بو عاوز اى مساعده ابعتلى على الخاص واديك رقمى وقولك تروح لمين فى الحرفيين او لو احتجت اى حاجه

**volociximab** · 26-10-2015 06:17 PM

اول مرة اعرف ان فتيس الكورولا فيه مشكلة

**mario_9111** · 26-10-2015 07:50 PM

بص يا باشا لو بتسافر كتير خليكخليك في ألماني علشان ثبات العربيه والراحه تفرق كتير عن الكورولا ممكن تشتيري a5اوكتافيا أو a4 وتكون حالتها ممتازه وأحسن كبيييير من الكورولا وقطع الغيار واحده وربنا يوفقك

**mario_9111** · 26-10-2015 07:53 PM

معلش نسيت اقولك مفيش 2010 كورولا بالسعر إلى الأستاذ في الموضوع السابق بيقول عليه سعرها من 125 وانت طالع ولا تقل عن كده ودي لو خليجي أما الجنوب بتقل عن كده بس مفيش 110 دا خالص دا لو العربيه حلوه