لمبة check engine نورت وانا في الغردقه اعمل ايه ؟

**Dr_Smart** · 25-10-2015 01:48 PM

السلام عليكم

امبارح سافرت الغردقه والحمدلله الطريق عدا بخير ووصلنا بالسلامه

بس قرصت كتير معظم الطريق ١٤٠ - ١٦٠ واوقات قليله ١٨٠ - ١٩٠

عشان اتحركت متاخر والدنيا ليلت عليا في الزعفرانه

المهم وصلت الفندق ونزلت تاني بعد ساعتين رحت مشوار قريب لقيت لمبة check engine نورت

والحمدلله مفيش اي حاجه مش طبيعيه

اول امبارح كنت عامل صيانة مغير بوجيهات وفلتر هوا ومية ردياتير وزيت فتيس اوتو

ممكن تكون فين المشكله ؟

و ارجع بيها القاهرة وبعدين اشيك عليها ولا لازم اعملها هنا ؟

ياريت حد من سكان الغردقه يفيدني بمركز صيانة او ميكانيكي عنده كشف كمبيوتر

اول مرة العربيه تعمل فيا مقلب كده وانا مسافر :(

سوزوكي sx4 2009

ربنا يستر

**ahmedbasto** · 26-10-2015 07:32 AM

من المشوار ممكن حساس الشكمان يكون ابيض من السخونية شوية مشى هادى وكل حاجة هتبقى زى الفل وطبعا ترجع بالعربية عادى من غير أى قلق

**Dr_Smart** · 26-10-2015 02:19 PM

انت عارف الطريق طويل وخايف اعطل ومعايا العيال

ولا اللمبة دي ما تقلقش اصلا ؟

**Dr_Smart** · 05-12-2015 05:06 PM

للافادة

رحت التوكيل لقيو الكمبيوتر مسجل حساس الكامة

بعد الفحص الفني قالي المشكله في البوجيهات مش بتاعتها وانه شاف المشكله دي قبل كده وكانت بتسجل حساس كامة برضو

وفعلا انا كنت قبل المشكله بيوم واحد مغير بوجيهات دينسو بتاعت تويوتا ومحل قطع الغيار الله يسامحه قالي هي هي وفعلا كانت شغاله كويس بدون اي مشاكل في الاداء او البنزين

وغيرت البوجيهات تاني في التوكيل والمشكله اتحلت الحمد لله