الموضوع: مفتاح كلاكس الطاره لريجاتا

السلام عليكم احبائي الكرام

مشكلتي اني عاوز الحاجة تكون زي الكتاب ما بيقول
مشكلتي باختصار ان مفتاح الكلاكس اللي موجود طبعا جوه الطاره بيعلق وروحت لكهربائيه كتير وحاولو يلحمو الصاجه المسئولة عن تلامس طرفين الكهربا بس منفعشي وممكن الكلاكس يشتغل على وضع ولما الف التاره يمين ولا شمال يفصل تاني ....
لما غلبت عملت مفتاح خارجي ولصقته على جمب !! بس مش عاجبني

ممكن الاقي حل محترم من خبراء المنتدى المحترمين

اخوكم محمد البلاسي

المشاركة الأصلية كتبت بواسطة omarcom

بس يا استاذ محمد ..انا معايا ريجاتا من اكتر من 3 سنين .. حصلت معايا المشكلة اول ما اشتريت العربية بعدها بحوالي شهر الريشة النحاس اتفكت .. روحت للكهربائي لحمها مره وفكت وفضلت يمكن 3 او 4 مرات الحم فيها وتفك برضو .. لحد ما حصل عندي ان الكتنتاكت باظ واضطررت اني اشتري قطمة كاملة استيراد .. وطبعا كانت الريش سليمة وتمام .. التلكس فضل شغال معايا يمكن سنة او نص او سنتين تمام قوي .. لحد ما من حوالي شهر فؤجئت ان فيه ريشة من الريش وهيا نفس الريشة اللي في القطمة الاولى .. اتكسرت .. المهم لحمها صنايعي عند الكهربائي اللي بتعامل معاه .. ما كملتشي يوم واللحام فك رجعت تاني للكهربائي بس قولتله لازم يعملها هو .. فعلا عملهالي وظبطت معايا تمام بس مشكلتها في حتت بسيطة لما تلف التارة ما بتشتغلشي .. طبعا الحركة دي مضيقاني قوي .. فقولت خلاص انا هخليها زي ما هيا واطلع فردتين لوحده واعملهم مفتاح خارجي .. لان الواضح ان موضوع الريشة اللي بتتكسر دي ده عيب في الريجاتا عمومي واي حد هتحصل معاه .. المهم بقى اني عاوز اعمل المفتاح ده في حته كويسة وما يكونشي واضح .. ويكون سهل اني اوصله ..
على فكرة هما عبارة عن ريشتين .. الريشتين متبرشمين مع السلك اللي طالع من الضفيرة .. وتحس انهم متسبتين وحش قوي .. هو عيب ابن كلب قاتل بصراحه
فيه حاجة كمان قالهالي الكهربائي اني ممكن اغير الحته بتاعت الريش دي ودي عامله تقريبا 200 جنيه غير مصنعية التركيب .. ولكن ما انصحكشي لأن صدقني هتقعد معاك فترة وبعدين اكيد هتتكسر

شكرا ليك يا استاذ/ عمر على اهتمامك ومشاركتك

يلا نصبنا كده هنعمل ايه؟

بس كان عندي امل ان يكون في حل