الموضوع: تقرير فورد فوكس 2015 موتور ايكوبوست مع صيانة1000

السلام عليكم

مقدمة

انا محمد السيد اعمل فى مجال النظم والمعلومات . كنت امتلك قبل الفورد فوكس هيونداى فيرنا.
طبعا مافيش مقارنة فا من الممكن يكون التقرير فيه مبالغة خصوصا ان دى اول مرة اسوق سيارة غير ما املك وكمان اوتوماتيك مش مانويل.

السيارة اول فئه فى الاوتوماتك الى هيا تريد

اولا : الشكل الخارجى
طبعا دى اذواق بس من اكثر انجذابى للشكل الامامى هوا القوة

ثانيا: الشكل الداخلى

الشكل من الداخل مرضى جدا او ممتاز سهوله فى الوصول لكل شئ والخامات الداخلية جيدة جدا وعزل الصوت ممتاز والكراسى مريحه جدا فى كل الاوضاع والمسافات الداخلية مريحه مع العلم انا طولى 183 و شهادة كل من ركب السيارة فيوجد جمله واحده اجمع عليها الكل ( تحس ان الكرسى حضنك )

ثالثا : المواصفات

_ السلامه والامان

* وسائد هوائية للسائق والراكب الامامى
* esp الثبات الاليكترونى
* hil نظام المساعدة على صعود المرتفعات
* abs مانع الانغلاق
* ebd التوزيع الاليكترونى للفرامل
* tpms مراقبة ضغط الاطارات
* epast نظام امان ضد السرقة
* my key نظام فور ( مع هذا النظام من فورد يتيح لك برمجه المفتاح الاحطياتى ومنه تستطيع تحديد السرعة ومعرفة الوقت والمسافة التى قطعتهم السيارة ويمكنك ايضا التحكم فى تشغيل او تعطيل الكثير من استخدامات السيارة ) ده طبعا ممكن تستخدمه فى حاله انك هاتدى السيارة لشخص ما

* اوتو ستوب: زرار بجوار ناقل الحركة يمكن من خلاله غلق هذة الامكانية ( تقوم السيارة فى الاشارت المرورية او الوقوف وعدم الحركة بغلق الموتور اوتوماتك لتوفير الطاقة ولاكنه لا يعمل فى الحالات الاتية ( توصيل جهاز للشحن مثل الموبيل - ناقل الحركة على r - عدم ربط حزام الامان - فتح باب السيارة - تشغيل اشارة يمين او شمال ) دى الحالات الى تعرضت لها لا اعلم المزيد

* حساس حزام للراكب الامامى

- تكيف هواء يدوى - كاسيت سى دى +6 سماعات + usb 2 + aux +sync + زجاج خلفى وجانبى ملون و مسبت فى الترخيص + جنوط 16 صلب + 4 طاسات + حساسات ركن خلفى ( بالصوت وبتظهر على شاشة الكاسيت ) + غلق المرايات اوتوماتيك + ضبط الكترونى للمرايات الجانبية مع خاصية التدفئة وانوار اشارات مدمجه + كمبيوتر رحلات + تحكم يدوى لوضعية مقعد السائق فى 4 اتجاهات + ناقل الحركة مكسوة جلد + طى المقاعد الخلفية + تحكم من الطارة ( كاسيت - موبيل -اوامر صوتية - اعدادات ) + تحكم فى مستوى الطارة فى اربع اتجاهات + اماكن تخزين فى 4 ابواب .

ثالثا : الموتور
الموتور 1500 ايكوبوست تربو .
طبعا الى الان لا استطيع التجربه الكامله للموتور لاكن تجربتى فى فترة ال 1000 كيلو
يوجد قوة للموتور شديدة جدا تجميع سريع من صفر الى 100 وعند السرعة دى ال rpm بيكون 1.9 او 2
ولا يوجد اى فرق مع العمل بالتكييف .

رابعا : ناقل الحركة (فتيس)
ناقل حركة اوتوماتيك عادى جدا 6 سرعات ( اسف جدا عن قلة الكلام عن ناقل الحركة لان دى اول مرة اتعامل مع ناقل حركة اوتوماتك )

خامسا : التوكيل وصيانة ال 1000

اولا احب اتكلم عن تجربتى مع معرض اوتو جميل
المعاملة فى المعرض ممتازة اخلاقيا و فنيا تم الشرح لجميع امكانيات السيارة من الداخل والخارج بشكل يليق بالعلامه التجارية رفض تام لاعطاء اكراميات استلام السيارة فى موعدها مع الشرح الكامل مرة اخرى لكل امكانيات السيارة

ثانيا الصيانة
مركز خدمه بمواصفات جيدة فى المقابلة و استلام السيارة والاستماع الجيد لجميع الاسئلة المطروحة من العميل وتم عمل صيانة الالف فى ساعة ونصف فى الموعد المتفق عليه وهيا مجانية وصيانة ال خمس الاف ايضا مجانية

تجربتى فى القيادة قلق شديد عند استلامها طبعا انتا مش شايف اى حاجة من مقدمة السيارة بعكس الفرنا كنت باشوف الفوانيس بس الموضوع فى الابعاد مش اخد وقت طويل راحة طبعا مش واخد عليها لا يوجد صوت للموتور اطلاقا جربتها فى الملفات ثبات غير عادى نزول و صعود المقطم من طريق الاوتو استراد ماشى على 100 طبعا فى ملف عند النزول تقريبا الاخير ده مش ينفع يتاخد غير على سرعة 5 تقريبا
تقيمى حاليا انا راكب سيارة المانى بتكنولوجيا امريكى

اسف لو طولت عليكم فى شئ او قصرت فى شرح شئ اخر
لكن اكيد انا نسيت حاجات كتير لو فى حد عنده سؤال او استفسار انا تحت امركم فى ما اعلم
دى صور من الخارج والداخل اتمنى ان اكون اعطيتكم ما افادكم