السلام عليكم جميعا

انا عندى كورولا 2012 فى السعودية فيها حدفة يمين بقالها اكتر من 3 شهور

رحت اظبط زوايا قالى عايزه سحب

عملت السحب و رجعت تانى عملت ترصيص و ظبط زوايا و روحت العربية كانت مظبوطه اول يوم تانى يوم رحعت تحدف تانى رجعت للمحل نفسه قالى العربية مظبوطه مفيش فيها اى حاجة

رحت حوالى 3 محلات تانى قالى نفس الكلام و نزلت اجازة مصر بالعربية و قالولى نفس الكلام قلتله تعالى اركب وجرب العربية شاف الحدفة رجع كشف عليها تانى قالى العربية تمام ممكن من الكاوتش او الجنوط مع العلم الكاوتش جديد والجنوط بتوع العربية الاصليين و من يوم ما جبتها محصلش للجنوط اى حاجة

رحت اشوف الكاوتش فى اكتر من محل كلهم نفس الكلام الكاوتش كويس و مفيش اى حاجة فيه وغيرت مكان الجنوط اكتر من مرة و الكاوتش برضو و لسه المشكله موجودة

رحت لبتاع العفشة يشوفها ممكن مشاكل فى المقصات او المساعدين او الكبالن نفس الكلام العربية تمام طيب يا برنس اركب وجرب يقولى ده ظبط زوايا

انا زهقت وبقيت شاكك انى انا فيا حاجة غلط

اسف على الاطالة و يا ريت حد يساعدنى مع العلم انا الان فى جدة - السعودية