تسعير تويوتا 2009 mmt

hh · 13-11-2015 02:57 PM

عايزة تسعير عربية تويوتا كورولا 2009 mmt هاي لاين ماشية 82,000 كم.

العربية راشة جنب يمين و اكصدام خلفي و جزء من الاكصدام الامامي و الفانوس الامامي يمين متغير مش أصلي.

الفتيس متعدل و عليه ضمان مدى الحياه والعربية استعمالها نضيف جدا و البيع من مالك العربية الأول اللي هو جوزي

**shake** · 13-11-2015 05:10 PM

متابع

**lancer06** · 14-11-2015 07:17 PM

شوفى حضرتك السعر ايه
ولو مناسب انا ممكن اشترى

hh · 15-11-2015 10:41 AM

و الله انا باسأل عشان الأسعار عمالة تتغير و عايزة أعرف اسعرها صح. حضرتك اسأل و قول لي

hh · 16-11-2015 02:00 PM

العربية معروضة على 120,000جم

**Ahmed emad has** · 17-11-2015 02:46 PM

موفقة في البيع بس للعلم سعر العربية عالي جدا

hh · 17-11-2015 03:23 PM

المشاركة الأصلية كتبت بواسطة ahmed emad has

موفقة في البيع بس للعلم سعر العربية عالي جدا

ما هو أنا سألت على السعر المناسب و محدش رد :)

انا سعرتها بناء على متوسط الأسعار و حالة العربية من النت. العربية هاي لاين و عاملة كيلومتر قليل و ده يفرق. يعني لقيت كل العربيات اللي بسعر أقل شوية يا عاملة كيلومتر كبير يا اما مش هاي لاين.

hh · 17-11-2015 03:48 PM

المشاركة الأصلية كتبت بواسطة Ahmed emad has

موفقة في البيع بس للعلم سعر العربية عالي جدا

انا راجعت مشاركات حضرتك في مواضيع تانية لقيتك مسعر عربية كورولا 2009 mmt عاملة 140,000 كم و فيها مشكلة في شيفتات الدريكسيون على 90,000 و ده من شهرين قبل نطة الأسعار اللي فاتت. يا ريت حضرتك تقول لي انت شايف السعر المناسب لعربيتي كام مع العلم العربية حالتها ممتازة و كل صياناتها في التوكيل و عاملة 82,000

hh · 17-11-2015 03:53 PM

مع العلم ان الحمد لله العربية عمر ما حصل فيها أي مشاكل او أعطال من يوم ما اترخصت في يناير 2010

**Ahmed emad has** · 17-11-2015 06:09 PM

الي حد ما كون العريية هاي لاين مش بيفرق اوي في السعر ...... اضافة الي ان الرش بيعيب الغربية طبعا وبينزل سعرها . العربية لو حاﻻتها ممتازة في ظل ارتفاع الاسعار يبقي اخرها 100 او ممكن 105 بالكتير اوي اوي للعلم ان العربية من كام شهر مكنتش هتجبهم . وانخفاض السعر للممديل ده معروف سببه . اللي ماسك سعر عالي النسخة الياباني هيا اللي تتباع بالسعر ده وللعلم الاسعار في النت لا تمت للواقع بصلة واغلبهم تجار ووقت الشراء الفعلي بيتم بسعر مختلف تماما. وفي النهايه دي اراء و بالتوفيق في البيع لحضرتك باعلي سعر ان شاء الله