ما هي اسباب عطل و تغير البوجيهات كثيرا و مشاكل اخرى

**papadasa** · 14-11-2015 06:29 PM

يا اهل الخبره ارجو الافاده عشان مش عايز حد يمد ايده في الموتوسيكل و يفتكس

الموضوع من الاول

انا عندي موتوسيكل Hond Hornet 600cc 2004 عامل 60xxxKM الموتوسيكل بحالته عشان ايدي فيه طول عمري صيانه و غيره بس بقالي سنه تقريبا في مشكله و مش عارف اه السبب

1- البوجيهات بتضرب مره وحده لدرجه اني غيرتها ثلاث مرات السنه دى و نفسي اعرف السبب ( مع العلم اني عملت طقم اصلاح للكربراتير اخيرا) وكمان صوت الماتور مش عجبني سعات بيعلي و يوطي و يدبدب اول لما بيدور بس لما بيسخن صوتو بيظبط و ريحت العادم فيه بنزين عاليه شويه

2- المشكله الثانيه اني وانا ماشي براحه (سلانسيه) علي النقله اولي او ثانيه بحس بنطره و نتشه اول لما بريح بنزين

3- المشكله الثالثه و انا بسخنه امبارح لاحظت ان نور الموتوسيكل امامي و خلفي بيلعب و يثبت لما ازود بنزين

4- اخيرا هل من دلائل تلف الجنزير اني اسمع صوت احتكاك علي السرعات اعلي من 60 كيلو/ساعه ولا دي حاجه تانيه خصوصا لما بكون ماشي بيه فتره طويله زي السفر

ارجو الافاده بالتفصيل عن المشاكل دي من اخوتي في المنتدي

**Mecha** · 15-11-2015 03:17 AM

فيه بنزين كتير في الغرفه

**papadasa** · 18-11-2015 09:16 PM

المشاركة الأصلية كتبت بواسطة mecha

فيه بنزين كتير في الغرفه

بمعني اه يا باشا
طبعا في بنزين في الموتوسيكل. ارجوا المساعده للاهميه يا باشا

**ِِAbdelfattah** · 18-12-2015 06:47 AM

1 - مشكلة البوجيهات بتكون بسبب (غالبن) فيه بنزين كتير في الغرفه , بمعني في كربون بيخلي البوجي يقطع , و ممكن لما تدوس بنزين تشوف دخنة سودة علي حسب النسبة , و دا بيكون لسببين , الأول فيلتر الهوا عاوز يتنضف و التاني (لو محدش لعبلك في مسمار الهوا اللي في الكربراتيرات) يبقي عندك أبرة بتصب بنزين زيادة و عوزة تتغير .
في سبب تاني و دا تعرفو من ريحت العادم , لو المكنة بدقت تفوت علي خفيف أو جلب الصوبابات بترمي زيت أو حاطط للمكنة زيت مش بتعها , كل دا ممكن يدخل شويت زيت في غرفة الإحتراق يعملك زيت علي البوجيه يخليه يفصل , عموما لو مفيش دخنة بيضة , يبقي شم ريحت العادم لو لقيت رحتو زيت محروق يبقي يبقي سبب من دول ,لو لقيت ريحة عادية أو فيه ريحت وقود يبقي غالبان زي مقولتلك فوق كاربون زيادة .
أما الدبدبات اللي بتحصل دي فا بتكون من البوجيهات عشان مكربنة و بتوصل مرة و تفصل مرة و كأن المكنة متلتة

2- لو في نتشة و كأن المتور بيدي دفعة زيادة يبقي الترمسة اللي بتعشق في الترس عاوزة تتغير (في ناس بيسموها الصليبة) أو أن التروس زات نفسها تكون أتكلت في المكان اللي بيبات فيه الصليبة
و عمومان دا بيكون بسبب سوء في إعطاء النقلة (و غالباً حتلاقي سعات النقلة التنية تجبها تنزل تاني مور)

3 - دا عادي لو الشحنة اللي في البطرية ضعيفة أو البطرية عمرها أرب يخلص أو المتور عدد لفاتو أقل من اللازم فبقي بيلف بشكل غير منتظم و سعات بيكون الريكتفير .

4 - غالبا الكتينة بتكون مرخية عاوزة تتشد شوية دا لو كان فعلا صوت كتينة , أما لو مشدودة حلو (جرب تشحمو بأسبراي بتاع الكتينة) , و مأدرش أقولك المشكلة منها ولا نتيت غير لما أشوفها و ممكن تكون المشكلة إن الترس اللي قدام و اللي في العجلة بالكتينة (آلات الجر) عاوزين يتغيرو .

بالتوفيق