معروض عليا كارينز ومحتاج افاده ضروري

**meero_boy2000** · 19-11-2015 03:44 PM

رجاله قدامي كارينز 2010 معروضه عليا ومحتاج تقدير سعر من الخبراء بسرعه من فضلكم ودي بياناتها بعد الكشف:

اللون / ابيض
رخصه/ حتي 2018
اول يد
رشه بالخارج معدا سقف نظافه فقط بدون معجون خربيش بس فبريقه جوه بالكامل ورشها عشان نهايه التأمين يستفيد به
شاسيه سليم
موتور 75 %
هاي لاين ستبترونيك خليجي 2010 (ABS/ طاره Multi)
4 كاوتش جداد من 10 الاف كيلو وبطاريه جديده
عداد 73000
اخر صيانه اتعملت 70 الف بتغير زيت وتيل فرامل
تساوي كام علي الحاله المذكوره علما بأن الحاله دي من تقرير الفحص اللي تم عليها محتاج استشارتكوا ضروري لاني مش متابع الاسعار

**meero_boy2000** · 19-11-2015 04:58 PM

20 مشاهده بدون رد يلهوووووي امال لو بسأل في مشكله اجدعان

**mif** · 19-11-2015 06:48 PM

المكنة 75% على 70 الف كم

يبقى حاجة من الاثنين
يا اما العداد ملعوب فيه و عامل كم اكبر بكتير
او
اللى كان بيستخدم العربية كان شغال حرق رايح جاي

اعتقد تساوى من 95 لحد 105 تقريبا ... و الله اعلم يمكن اقل او اكتر..... و دى ما تعتبرش كسر زيرو

**melouk1** · 19-11-2015 08:32 PM

باشا العربية دي إتباعت قدامي لتاجر ب ١١٠ الحالة مقاربة
اكيد التاجر هيكسب كمان

**meero_boy2000** · 20-11-2015 03:53 AM

بص هو بخصوص العداد ملعوب فيه دي استحاله لاني كلمت التوكيل. اعرف اخر صيانه اتعملت امتي كانت صيانه ال 70 الف من شهرين ده توكيل السبع موضووع الحرق ده برضه مستبعد لاني العربيه بتاعت سيده ثالثا المهندس اللي فحص قالي اي عربيه مستعمله بتكون من 70 الي 75 % لان مفيش عربيه زيرو اصلا بتكون 100%

**meero_boy2000** · 20-11-2015 03:55 AM

الاسعار دي ياجدعان بتجيبوها منين لو حد قدامه بالسعر ده يقولي طيب ده كونتكت كله من 125 الف ل 150 انا حتب كنت عامل موضوع بسبب الاسعار العاليه دي بس عمري مشوفت 95 الف دي نهائي ده انا بشوف المانيول بيتكلم من 110 واحيانا بشوف الفئه الاولي بيتكلم من 125 و 130 الف!!!!!

**mif** · 20-11-2015 02:33 PM

المشاركة الأصلية كتبت بواسطة meero_boy2000

بص هو بخصوص العداد ملعوب فيه دي استحاله لاني كلمت التوكيل. اعرف اخر صيانه اتعملت امتي كانت صيانه ال 70 الف من شهرين ده توكيل السبع
عادي جدا ... انا ممكن اعمل صيانة ال 60 الف فى التوكيل و اسيبه و امشي براحتي و العب فى العداد و قبل ما ابيع اروح اعمل صيانة ال 70 فى التوكيل .... النصب فى بلدنا فن للاسف .
طالما ماشية مع التوكيل شوف تاريخ الصيانات لو تمام يبقى موضوع الحرق اكيد .
لما اترشت اترشت فى التوكيل ولا برا ؟
موضووع الحرق ده برضه مستبعد لاني العربيه بتاعت سيده
انا مش بقولك هى كانت بتجري .... انا بقول كدا المكنة شغالة حرق باستمرار
بما انها سيدة يبقى شكوك انها كانت بتحرق على الغيار بتزيد
اسألها كدا هل دى اول عربية تسوقها و هل كانت بتنزل بيها كل يوم و هل حد تانى كان بيسوقها ؟
ثالثا المهندس اللي فحص قالي اي عربيه مستعمله بتكون من 70 الي 75 % لان مفيش عربيه زيرو اصلا بتكون 100%
فعلا مفيش عربية بتكون 100 %
لكن اى عربية مستعملة تبقى من 70-75% دا كلام مش تمام ابدا
لو مكنة 70 % متشتريش طبعا
و 75 % دى كدا على كف عفريت و حتجيب اخرها قريب
و المستعمل فيه اعلى من 75 % اكيد

و سيبك من اسعار كونتاكت و النت كله لانها اسعار تجار و كلها مبالغات خرافية

**mif** · 20-11-2015 02:34 PM

المشاركة الأصلية كتبت بواسطة meero_boy2000

الاسعار دي ياجدعان بتجيبوها منين لو حد قدامه بالسعر ده يقولي طيب ده كونتكت كله من 125 الف ل 150 انا حتب كنت عامل موضوع بسبب الاسعار العاليه دي بس عمري مشوفت 95 الف دي نهائي ده انا بشوف المانيول بيتكلم من 110 واحيانا بشوف الفئه الاولي بيتكلم من 125 و 130 الف!!!!!

تجار و عايزين يكسبوا فى العربية مش اقل من 10 الاف جنيه .... حاجة افترى بجد

**mif** · 20-11-2015 02:40 PM

المشاركة الأصلية كتبت بواسطة melouk1

باشا العربية دي إتباعت قدامي لتاجر ب ١١٠ الحالة مقاربة
اكيد التاجر هيكسب كمان

العربية دي اخرها فعلا 105 و اى تجار شاطر حياخدها بكدا و يضبط مكنتها و يبيع ب 125 او اكتر او اقل .... بس حيكسب جامد
110 دى اكيد مكنتها حالتها افضل من اللى بيتكلم عليها meero-boy2000