الموضوع: فلوانس / كروز

نصيحة مني ابعدددددد عن الكروز انا كانت معايا 2011 وبعتها وهي عامل 25000 كانت لسة زيرو بمجرد ان لم بروح كل مرة فى راجل هناج مهندس التوكيل ال عند البحوث الراجل ده كنت لم بروح التوكيل لازم اديلو فلوس عشان العربية تخلص بسرعة فى جه وقالى بقولك اه يا باشا بما ان انت زي اخويا ومينفعش اسيبك بعد ال انت بتعملوا معايا قالى اخلص من العربية دي باي شكل بسبب ان فى مشكلة فى الفتيس فى الكروز وبتجيب فتيس عند ال 50000 او ال 75000 عارف انك هاقولى بس دلوقتي الفتيس والماتور غيروه وبقى استرا دي معاك فى ودي مشكلة اتحلت تاني مشكلة العربية لو لاحظت هتلاقي الشكمان بتاعها نازل زيادة عن اللزوم والعربية بتحك فى المطبات لو محملة ومعلوهاش فة كروز الجديدة وده ال لاحظتوا لم شوفتها فا ها تعاني لو العربية محملة وعديت على مطبات حاجة تالتة الاعدة مش مريحة تماما من ورا اسوا عربية ركبتها من ورا مش مريحة وضيقة من ورا مقارنة ب العربيات ال فى فئتها التكييف كان سئ للغاية مش عارف عدلوا فى الجديدة ولا اه الصاج بتاعها رايح فى داهية اسوا من صاج الانسر زبالة بصراحة عشان منكرش الميزة الوحيدة ال كانت فى الكروز ثباااااااااتها كان رائع العربية تقيلة على الارض وثباتها تحفة بس بردو منصحكش بيها

تعالى بقى للفلوانس دي بصراحة ركوبة تانية وانا لسة جايبها مفيش من شهرين بصراحة دي عربية والكروز عربية تانية خالص
المميزات
1- ثبات تحفة والعزل وقوة الصاج مقارنة بالكروز وخاصة قوة صاج العربية
2-العربية عالية جدااااا ما شاء الله عن الارض ومتقفلة حديد من تحت عشان المطبات فى شبكة حديدية من اسفل العربية ده لو حكت اساسا
3- الوسع الداخلي رائع ومريح انا كل ده بقارن على اساس الكروز ال كنت راكبها
اوسع منها واريح منها فى الاعدة بكتيييييير والتكييف احسن منها طبعا التكييف بدرجة حرارة وتاتش وتكييف خلفى غير طبعا العداد الديجتال والبصمة ال فى كل باب والعتب ال عند الابواب وشكلها طبعا وده ازواق بس فى نظري شكلها طبعا احسن من الكروز

العيوب
1- لغاية دلوقتي انا مش شايف غير اعادة البيع
بس فى ناس كتير بتقول ان اعادة البيع فى الفلوانس اتحسن كتير عن السنوات ال فاتت ومش هتكون اسوا من الكروز فى بيعها