رائحة بنزين فى تويوتا ياريس

**Yones** · 28-11-2015 01:51 PM

نصحنى ناس كتير بإن الحل فى تغيير الصامولة البلاستيك والجاسكيت اللى بيبقى تحتها واشتريتهم أصلى ....الصامولة ب 190 جنيه والجاسكيت ب 100 جنيه وركبتهم وللاسف المشكلة مستمرة ده غير ان لما بفول التانك على الاخر بتخرج كمية بنزين زيادة من تحت........اعمل ايه فى المشكلة السخيفة دى ؟؟؟؟

**Mecha** · 28-11-2015 03:50 PM

اللي غير الطرمبه بوظ حاجه

**Yones** · 28-11-2015 09:00 PM

المشاركة الأصلية كتبت بواسطة mecha

اللي غير الطرمبه بوظ حاجه

اللى غيرلى الطلمبة فنى بيشتغل فى توكيل تويوتا.....وهو اللى قاللى ان لازم الصامولة تتغير ....جايز محتاجة زرجينة قوية شوية عشان تتقفل كويس

**BLOODY_STONE** · 02-12-2015 11:39 PM

مش صامولة
ده الغطا المعدن اللي بيبقى تحت الكنبة اللي بيكون مقفول بمادة شبه الكوللا ده مش ثابت ف مكانه

الزقه كويس ب اي حاجة

**Yones** · 03-12-2015 12:01 PM

المشاركة الأصلية كتبت بواسطة bloody_stone

مش صامولة
ده الغطا المعدن اللي بيبقى تحت الكنبة اللي بيكون مقفول بمادة شبه الكوللا ده مش ثابت ف مكانه

الزقه كويس ب اي حاجة

هو فعلا مش ثابت كويس فى مكانه وملخلخ ...بس ده يعمل تسريب بنزين فى حالة التفويل ويعمل ريحة؟؟؟ ده طبيعى ؟؟ وهل فعلا فيه فايظ بينزل على الارض ولا معناه فيه مشكلة ؟؟

**Mecha** · 03-12-2015 03:02 PM

لو صموله صاج بتتربط ببنسه كبيره ملتي جريب
لكن فيه ناس اثناء الحل بتدق جامد بتتني حاجه
لا الكوله ولا السليكون يستحملوا البنزين
هيدوبوا في التنك وتوصل الرشاشات تتلفها

**Yones** · 03-12-2015 03:47 PM

المشاركة الأصلية كتبت بواسطة mecha

لو صموله صاج بتتربط ببنسه كبيره ملتي جريب
لكن فيه ناس اثناء الحل بتدق جامد بتتني حاجه
لا الكوله ولا السليكون يستحملوا البنزين
هيدوبوا في التنك وتوصل الرشاشات تتلفها

لا الصامولة اللى بتربط جسم الطلمبة والفلتر فى التانك من البلاستيك لكن فيه غطاء معدنى بيغطيها بيبقى تحت الكنبة مباشرة يعنى الكولا او السليكون بيبقوا من برة بين جسم العربية تحت الكنبة وبين الغطاء المعدنى

**M_cat007** · 03-12-2015 05:26 PM

انا اعرف ماهو سبب مشكلتك ولاكنى لا استطيع الشرح هنا

**Yones** · 03-12-2015 07:18 PM

المشاركة الأصلية كتبت بواسطة m_cat007

انا اعرف ماهو سبب مشكلتك ولاكنى لا استطيع الشرح هنا

ليه لا تستطيع الشرح هنا ؟؟؟؟

**M_cat007** · 03-12-2015 07:27 PM

المشاركة الأصلية كتبت بواسطة yones

ليه لا تستطيع الشرح هنا ؟؟؟؟

المشكله فى طريقه التركيب خاطئه صاموله الفلتر معوجه وليها طريقه معينه لمعرفه ان كانت راكبه صح ام لا عن طريق تضع اصابعك اسفل الصاموله مابين التنك واسفل الصاموله وهيا مربوطه من جميع الاتجاهات اذا كانت الخلوص مختلف بمعنى خلوص واسع صابعك يدخل كامل بين اسفل الصاموله والتنك وخلوص ديق لا يدخل صابعك بينها هذا معناه انها معوجه وهتسرب البنزين
وطريقه التركيب الصحيحه لها اسبشيال تولز والضغط بقوه على الصاموله اثناء التركيب بكل الاتجهات وبعد الربط استشعر الخلوص مره ثانيه حتى يكون جميع الاماكن متساويه فاعلم ان الصاموله صحيحه
وتاكد ايضا من تركيب الاستك بطريقه صحيحه هذا يعتمد على كفاءه الفنى