الموضوع: ماهو افضل نوع زيت محرك لل 127

اشتري الزيت اللي يمشي مع مواصفات الكتالوج أو أحسن منها..

وأقل مسافة يشتغل عليها هي 5000 كم.... بشرط.. إن مواصفة الزيت لمستوى أداء تكون زي الكتالوج أو أحسن منه.

سيبك بقى من كلام الميكانيكية وعمال محطات البنزين بتوع الزيت... ما يعرفوش حاجة... ولا 3000 ولا 5000.


أنا لقيت كتالوج صيانة لفيات أونو راكب فيها نفس موتور الـ127 اللي هو 903 cc..

الكتالوج طالب:

لزوجة = 15W-40
مستوى الأداء = API SG على الأقل.

لو عايز تعرف معنى الكلام ده إيه.. أنصحك تدخل على الموضوع ده:
http://www.nilemotors.net/Nile/341680-a.html


ودي وصلة الكتالوج... هتلاقي مواصفات الزيت في صفحة 13
http://www.avtoitalia.ru/katalog/Hay...Uno_manual.pdf


...

المشاركة الأصلية كتبت بواسطة besho_sadhom

انا معايا ١٢٧ برضه
انت تعرف في زيت تقيل يبقي اكتر من ١٠٠٠ ك
علشان العربيات القديمه دى لازم تقيل

مع التطور الحاصل في جميع أنواع الزيوت حاليا... لا يوجد ما يسمى زيت 1000 كيلومتر

أقل زيت يقعد في العربية 5000 كيلومتر مستريح.. خصوصا مع السيارات القديمة لإن أيام ما كانت العربية جديدة كان كتالوجها طالب زيت أقل من الموجود حاليا في السوق بكتير.. وكان بيقوللك غيره على 5000 كيلومتر

ثم إن الزيت الموصوف في الكتالوج تقيل أساسا ( 15w-40 من أثقل الزيوت في السوق)... إلا إذا كان قصدك على زيت أحادي اللزوجة (زي SAE 40 مثلا).. فده اسمه زيت موسمي.. تستخدمه في الصيف بس.. وأول ما الجو يبدأ يبرد لازم نغيره بزيت أخف.. وإلا الموتور هيتاكل وتضطر تعمل عمرة بسرعة.

وموضوع الزيت التقيل ده مالوش أصل أساسا...

ادخل على الوضوع ده علشان تفهم قصدي

http://www.nilemotors.net/Nile/477071-100.html


...