لو سير الدينامو اتقطع ....هل ممكن العربيه تدور زق؟؟؟؟؟

**juba8** · 10-12-2015 02:00 AM

لو سير الدينامو اتقطع ....هل ممكن العربيه تدور زق؟؟؟؟

**pepo2011** · 10-12-2015 09:18 AM

اه طبعا تدور بس طبعا بلاش تمشي بيها لانك كده ماشي عالبطارية

**borio1704** · 10-12-2015 04:15 PM

فعلا هتدور... بس المسافة اللي هتمشي بيها تعتمد على حسب شحن البطارية فاضل فيه قد إيه.. ويستحسن كمان ما تشغلش أي حاجة بتستهلك كهرباء طول ما لمبة الدينامو منورة...

بس الأهم من كده... هو السير اللي اتقطع ده بيشغل الدينامو بس؟؟؟... غالبا سير الدينامو بيشغل طلمبة المية كمان.. وفي الحالة دي لو مشيت بالعربية.. الموتور يجيب وش سلندر وش.

...

**salam100100** · 13-12-2015 02:29 PM

الموضوع دا حلو

بعض الاسئله:
نوع العربيه ايه؟
مانيوال ولا اوتوماتيك؟
السير بيشغل ايه تانى مع الدينامو؟

انا هتكلك فالعام
نفترض العربيه قديمه زى ال128 (كاربيراتير ومانيوال)
ممكن تدور العربيه من غير البطريه (بالزء) وممكن تمشى من غير سير كمان
عشان السير بيدور الدينامو فقط

لكن لو انجكشن (انت محتاج وجود بطريه عشان تشغل طرمبه البنزين)
السير فالعربيات الجديده بيشغل طرمبه الباور استيرينج وكباس التكسسف والدينامو
فلو اتقطع حتخسر كل دا فبالتالى مينفعش تمشى من غير السير فالعربيات الجديده

طرمبه الميه بتشتغل عن طريق سير الكاتينه وليس سير المجموعه (المعلومه دى مش لكل العربيات)

**Sherif Mandoor** · 13-12-2015 03:10 PM

حصل الموضوع ده معايا فى عربيه ريجاتا سير الدينامو قطع ومشيت بيها مسافه طويله لغايه لما الشحن خلص
اهم حاجه السير مايكونش بشغل طرمبه الميه كما قال الاعضاء

**tameem2010** · 13-12-2015 05:30 PM

هو ايه علاقة الدينامو بالدوارة زق ؟

الدوارة زق لما البطاريه تكون نايمه او المارش فيه مشكلة فانت بديها زقها اعتمادا على ان الدينامو هيدي كهرباء للبوجيهات وطلمبه البنزين فهتدور نتيجة دوران الدينامو من الزق

لو سير الدينامو اتقطع يبقى الكهرباء هتاخدها من البطارية سواء زق او مارش !!

سير الدينامو بيكون راكب عليه طلمبه المياه ولو اتقطع العربية هتسخن لان طلمبه المياه وقفت ده لو افترضنا ان البطاريه هتقدر تمشيك مسافه خاصة ان العربيات كلها دلوقتي كهرباء