السبورتاج 2016 الشكل الجديد

**asd7778** · 10-12-2015 11:24 PM

ما فيش اخبار امتي السبورتاج الشكل الجديد حتنزل

**man1974** · 11-12-2015 05:12 AM

متابع

**Hosam_Optrawy** · 11-12-2015 01:52 PM

لسه مانزلتش في أوروبا ، هاتنزل سلوفاكيا في يناير ، وممكن بعدها بشهرين تنزل مصر

**Hosam_Optrawy** · 11-12-2015 10:08 PM

المشاركة الأصلية كتبت بواسطة man1974

أنا كنت سألت في معرض قالي هتنزل في أول السنة الجديدة، بس الكلام ده مش أكيد،

من حيث الشكل في رأيكم سبورتاج الشكل الجديد أفضل ولا التوسان الجديدة؟

بالنسبالى التوسان تحفه فنيه سواء شكل خارجى او داخلى

السبورتاج حلوه لكن مش قادر اتقبل الفوانيس الأماميه في رأيى بوظت مقدمة العربيه خالص

**Hosam_Optrawy** · 12-12-2015 03:18 PM

المشاركة الأصلية كتبت بواسطة man1974

نفس الإحساس تقريبا، لما بقف أمام الكيا سيراتو أو أشوف صور السبورتاج بحس إني أنا واقف قدام ضفدع مش عارف ليه.

أنا كلمت غبور على التوسان الجديدة، وقالي إن مبلغ الحجز ميقلش عن 60 ألف، وبعدها بـ 3 أيام كلمني المندوب وقالي تيجي تحجز بالمبلغ كله 274 ألف للفئة التانية، قلته طيب مفيش عربية للعرض أبص عليها، قالي للاسف لا، وعلى فكرة اللي الموديل اللي نازل 2017 مش 2016 حسب كلام المندوب.

وده صعب إنني أشتري عربية على أساس الصور والفيديو على الإنترنت، فقررات أنتظر ليناير إن شاء الله، ونشوف الناس إللي اشترت رأيها إيه، وبعد كده أتوكل على الله واشتري.

من وجه نظرك لوفيه أوفر برايس من المعارض ممكن يبقي كام؟ لإني حاسس إن غبور كلامه مش ثابت وممكن يلطعني شهرين زي ما بيقول.

ولو حيبت أبيع بعد سنة أو سنة ونص هل هخسر في التوسان كتير، لاني بغير كتير؟

وبعدين غبور سياسته غريبة جدا يعني هيونداي كريتا اللي نزلها مؤخرا دي هتضرب سوق المستعمل في هيونداي آي إكس،

الله اعلم الأوفر ممكن يبقى كام لأن الواحد بقى بيسمع أرقام غريبه بتوصل 30 الف !! حرام طبعا

وبرضه ماينفعش تحجز عربيه ب 270 الف ، دا استهبال

إستنى ليناير وبعدين إحجز وإن شاء الله تستلم علطول

بالنسبه للعربيات اللى زى التوسان ماتقلقش من إعادة البيع لأن بيبقى عليها طلب عالى وأوفر برايس فبتمسك سعر