[CENTER][B][COLOR="black"]الاول السلام عليكم
ثانيا انا اسف يمكن العنوان غريب بس انا مش فاهم حاجه فعلا
اولا انا جديد معنديش ولا عربيه ولا موتوسيكل ولا حتي بعرف اسوق بس بحب الموتوسيكلات من زمان بس مكانش فى فرصه اشتري وقولت اجيب صيني اتعلم عليه وامشى بيه شويه وابقى ابيعه او اركنه واشتري بايك محترم.
المهم
انا كمان كام يوم هاستلم من المعرض موتوسيكل زيرو هوجن 3 A..
بس انا مش عارف استلم ازاي
يعني مش عارف وانا بستلم الموتوسيكل هابص على ايه او هاشيك علي ايه ازاي اعرف ان كل حاجه شغاله
ابص على ايه فيه بالظبط واجرب ايه عشان مايضحكش عليا هو اه جديد زيرو بس الراجل بيتكلم معايا بيقولى ان الموتوسيكلات بتتجمع هنا فى مصر وكمان قالي ان فى موتوسيكلات بتيجي متجمعه من برا ومتجربه ودي بتبقى احسن من الى بيتجمع هنا
والى مخليني قلقان انه قالي الموتوسيكلات الى بتتجمع هنا مش متجربه يعني لما تيجي تستلم بتبقى اول مره الموتوسيكل يشتغل هانحط البنزين وندور وممكن ماتدورش بقوله ازاي قالي 99% منهم تمام بس مابيبقوش متجربين واكيد بيبقى فى حجات فبها عيوب صناعه فابتبقى انت وحظك حط بنزين ودور وجرب وشوف ولو في حاجه مش تمام خد مكنه تانيه..
عشان كده انا بسال اشيك على ايه فى الموتوسيكل عشان ابقى ضامن نفسى لاني لو قولت تمام وطلعت بره المعرض واكتشفت حاجه يبقى انا كده لبست..
ثانيا انا سمعت ان الموتوسيكل بيبقى فيه زيت حفظ ماينفعش امشي بيه ولا ادور بيه حتي
والمفروض اني وانا رايح استلم اخد معايا بنزين وزيت ..
عاوز اعرف احط زيت ايه ؟؟
هو اه الموتوسيكل صيني ويمكن بتفكرو ان الفلوس خساره فيه بس مفيش مشكله انا هاحافظ عليه وهاحط دايما زيت نضيف وغالي وكمان هاحط بنزين 92
وهل بعد ماحط الزيت والبنزين ادور وامشى ولا اسيب الموتوسيكل داير شويه وبعد كده امشى بيه ؟
ايه افضل زيت احطه للموتوسيكل ده عشان احافظ عليه واطول عمر الموتور فى حد قالي انه بيبقى فى كتاب مع الموتوسيكل بتاع نصايح وارشادات ومكتوب فيه احط زيت لزوجه اد ايه مش عارف فا اكيد انتو ممكن تفيدوني هو اه صيني بس يمكن الموتوسيكلات كلها بيتحطلها نفس الزيت ياريت تفيدوني فى النقطه دي احط زيت ايه واجيبه من بنزينه ولا منين واحط اد ايه
عاوز اعرف ازاي افضى زيت الحفظ الى فى الموتوسيكل ؟
وهل بعد مافضيه احط الزيت الى انا جايبه علطول ولا اسيبه لما يتصفي وينشف مكان زيت الحفظ ؟
في حاجه قريتها من شويه فموقع كان بيتكلم عن الزيوت المفضله للموتوسيكلات والفروق بينهم انا هانقلها هنا يمكن تفيد حد وبرضو ياريت تقولولي رايكم هل الكلام ده صح ولا غلط ...
● الزيوت حالياً 3 أنواع.. تخليقي، نصف تخليقي، معدني
_ التخليقي بيكون عبارة عن مركبات كيميائية بالكامل تعطي درجة سيولة وتدفق داخل المحرك عند درجات الحرارة المنخفضة
(في البرد زي بداية الدوارة صباحاً في الشتاء مثلاً)، وكذلك لزوجة جيدة عند وصول المحرك لدرجة التشغيل المثالية وهي 90 درجة اللي بيكون وقتها مؤشر الحرارة عندك وصل للمنتصف تماماً وثبت. وهذا النوع هو أغلاهم.. مناسب للمحركات الجديدة (تحت 130ألف كم) عشان المكنة لسة جديدة والخلوصات بتاعتها ضيقة فمحتاجة انسياب كويس في البرد عشان ما تحتكش ببعضها بدون سائل تليين فمع التكرار المستمر المحرك ياكل في بعضه ويبدأ يظهر بوش بين الأجزاء بدري.
● النصف تخليقي بيكون مركب كيميائي كذلك ولكن مضاف على قاعدة بترولية تُشكِّل حوالي نصف كمية السائل تقريباً.. هيديك لزوجة كويسة في الحرارة لكن إنسيابه داخل المحرك الجديد صباحاً في البرد أقل. وهو أرخص شوية من التخليقي.. مناسب للمحركات المتوسطة (من 130 ألف إلى 250 ألف كم) عشان المكنة بدأ يبقى فيها بوش بسيط بين الأجزاء المتحركة فده يدي اداء جيد معاها لزوجة وانسياب.
● المعدني بيكون عبارة عن مركب بترولي خاااالص عليه شوية إضافات تحسن خواصه.. هيديك لزوجة في الحرارة، لكن الانسياب ضايع في البرد.. مناسب للمحركات الأقدم (من 250 ألف كم وانت طالع) عشان البوش بقى واسع بفعل الاحتكاك والحركة طول العمر ده وانت محتاج زيت تقيل يملأ الفراغات دي لحد ما تخرطه تاني في العمرة إن شاء الله.
● العلامة اللي تعرفك إمتى تنقل من نوع إلى النوع اللي بعده هي إن الزيت يقل في المكنة (بدون تسريب) وذلك على غير العادة، وكمان صوت المكنة يعلى قبل الموعد المعتاد لغيار الزيت.
طيب أعرف إزاي أفرّق بين التلاتة؟
● التخليقي المعتاد والمناسب للجو مصر في الغالب المواصفة بتاعته بتبقى (5w-30, 5w-40) وبالكتير خالص (5w-50) اللي زي موبيل-وان كدة وده يعتبر تقيل شوية على المكنة الجديدة عشان كدة بيبدأ يخل معاك على 7000 كم
● النصف تخليقي المناسب لمصر برضه المواصفة بتاعته (10w-40, 15w-40)
● المعدني المواصفة بتاعته (20w-50) اللي زي موبيل xhp
من الكلام اللي فات ده طبعاً نفهم ليه لما حضرتك بمنتهى الطيبة بتحط xhp في محرك يعتبر لسة زيرو (أقل من 100 ألف) بتسمع الموتور بيجعر وصوته عالي.. هو في الحقيقة بيستغيث وبيطلب الرحمة لأن الزيت كابس على مراوح قلبه ومحتاج زيت أخف......
هل الكلام ده حقيقي؟؟؟؟
اعتقد كنت بتكلم مع واحد معاه الموتوسيكل الى انا عاوز اجيب زيه وقالي ان الزيت بتاعه 20w-50
والمقال الى انا نقلته ده بيقول ان ال 20w-50 ده هايبقى النوع المعدني وفنفس الوقت قال( لما حضرتك بمنتهى الطيبة بتحط xhp في محرك يعتبر لسة زيرو (أقل من 100 ألف) بتسمع الموتور بيجعر وصوته عالي.. هو في الحقيقة بيستغيث وبيطلب الرحمة لأن الزيت كابس على مراوح قلبه ومحتاج زيت أخف......)
وفى اول المقال كان كاتب (ان التخليقي مناسب للمحركات الجديدة (تحت 130ألف كم) عشان المكنة لسة جديدة والخلوصات بتاعتها ضيقة فمحتاجة انسياب كويس في البرد عشان ما تحتكش ببعضها بدون سائل تليين فمع التكرار المستمر المحرك ياكل في بعضه ويبدأ يظهر بوش بين الأجزاء بدري .) ف انا مش فاهم حاجه لو الكتاب بتاع الموتوسيكل بيقول 20W-50 ازاي الراجل ده بيقول ماينفعش ؟
هل الكلام ده صحيح ياريت تفيدوني احط زيت ايه وكام بالظبط والاهم احط اد ايه زيت؟ ؟؟؟
قريت حاجه ان حد بيقول افضل زيت للموتوسيكل هو شيل وحد كان بيقول فالفورين !
وهل لما الموتوسيكل يمشي كام الف كيلو لازم اغير الزيت زي مالراجل ده بيقول من 130 الف ل 250 الف كم زي مابيقول نصف تخليقي؟
فنفس الوقت انا مش عارف هل فى اي كماليات بستلمها مع الموتوسيكل ولا المفاتيح وبس؟
وايه الاوراق الى بستلمها مع الموتوسيكل لاني لما سالت الراجل قالي انت هاتستلم مع المكنه ورق المكنه لاكن الورق بتاعك انت هاتستلمو بعدها بفتره فانا مش فاهم ايه الورق الى هاستلمه مع المكنه وايه الورق الى هاستلمه بعد فتره ده؟
وايه الورق الى هارخص بيه يعني بيحتاجو مني ايه عشان ارخص المكنه؟
وفي واحد قالي بعد ماتشتري المكنه تروح بيها لميكانيكي يربطهالك هل ده كلام صحيح يعني اروح للميكانيكي اقوله ده موتوسيكل جديد عاوز اربطه والموضوع ده بيتكلف كام عشان مايتضحكش عليا
المفضلات