ممكن مساعدة لله

**pousi** · 14-12-2015 02:43 PM

السلام عليكم
انا بقالى سنتين محتارة فى نوع العربية خصوصا وانى بحوشلها من حوالى 7 سنين وبصراحة انا عاوزة عربية فخمة و معروف انها غالية وبعد ما استقريت على سكودا الفئة التانية لقيتها زادت السنة دى 40 الف وطبعا انا مش معايا 260 الف و فكرت فى سوبارو لقيت ان قطع غيارها غالية زى سكودا وغير كده غير متوفرة واخر حاجة فكرت فيها الكورولا اللى المفروض سعرها الرسمى 195 بس للاسف كل المعارض بتبيعها ب 215
هل فى احتمالية ان اتفاقية العربيات الاوروبية تتطبق او هل ممكن الاقى معرض مضمون اشتري منه كورولا بسعر معقول واتصرف ازاى قبل مالعربيات تزيد تانى انا عاوزة حاجة فى حدود 220

**hanyyacot** · 14-12-2015 04:56 PM

قولى مواصفات العربية اللى انتى عايزاها الاول , يعنى عايزة عربية عالية suv ولا سيدان , او هاتش باك , استخدام اسرة ولا ليكى انتى بس , ادينا شوية مواصفات الاول

**pousi** · 14-12-2015 06:08 PM

اولا شكرا للرد حضرتك الوحيد اللى عبرتنى ثانيا العربية لاستخدامى لوحدى وبحب العربيات ال suv و السيدان كمان نفسي فى عربية فخمة ومتنزلش اوى فى اعادة البيع

**Fawzy.Abdelnour** · 14-12-2015 08:30 PM

اتفرجي علي المازدا 3.
هتعجبك.
بس هاي لاين 236.000

**hugan** · 14-12-2015 08:34 PM

اسعار تنزل في مصر
حلم مش هايتحقق
الكوري متصدر المشهد في مصر
سيراتو
ممكن سنترا
او النترا

**pousi** · 15-12-2015 02:32 PM

السوبارو اخبارها ايه فى اعادة البيع والكورولا اجيبها منين بسعر معقول انا عمرى ما شفت 20 الف اوفر برايس

**hanyyacot** · 15-12-2015 03:31 PM

المشاركة الأصلية كتبت بواسطة pousi

السوبارو اخبارها ايه فى اعادة البيع والكورولا اجيبها منين بسعر معقول انا عمرى ما شفت 20 الف اوفر برايس

السوبارو كانت مش كويسة فى اعادة البيع , لكن انتشارها دلوقتى بيزيد اوى و الطلب عليها كتير وده اللى هايعلى سعر اعادة البيع , بالنسبة للوفر برايس انا شايف ان حرام ادفع جنيه واحد اوفر برايس , احنا اصلا بنشترى العربيات غالية جدا من غير حاجة مقارنة بالبلاد اللى حوالينا , كمان ارمى فلوس على الارض ولما اجى ابيع العربية طبعا اللى بيشترى هاينزل من السعر الرسمى للعربية . انا شايف ان اى عربية عليها اوفر برايس تغور و خليهم يشربوها.

**scientist9508** · 15-12-2015 06:11 PM

بسم الله الرحمن الرحيم

أختنا الفاضله

1 - أرى من وجهة نظرى أن أفضل إختيار لك هو الاسوبارو XV

2 - سياره قويه جدآ (محرك+صاج)

3 - إعتماديه جدآ و لا تخذل صاحبها أبدآ مادام صاحبها لا يبخل عليها بما تحتاجه

4 - فخامه و أناقه و جمال داخلى و خارجى

أما عن فكرة أن قطع غيارها باهظة الثمن فهذه فكره خاطئه تمامآ و إليك عناصر الإثبات

1 - ثمن قطعة الغيار لا يقاس بالنقود فقط (هذا هو علم المبتدئين) . . و لكن ثمن قطعة الغيار يقاس بالنقود فى مقابل الآداء و عمر القطعه (وعلى هذا المقياس فإن قطع غيار السوبارو ليست باهظة الثمن). . و أنا شخصيآ جربت تركيب قطع غيار رخيصه و لكن آداؤها كان ردىء و عمرها قصير.

2 - أحد الإخوه الأفاضل (حفظه الله) قد حسب بالفعل مجموع تكلفة صيانة السوبارو خلال عام . . و كانت المفاجأه أن التكلفه خلال عام كانت أقل من تكلفة الإلانترا و السيراتو و كل السيارات الكوريه المنافسه لها فى نفس الفئه

3 - بإختصار غير منصف . . إذا كان ثمن بوجيهات السوبارو مثلآ 10 جنيهات و ثمن بوجيهات أى سياره أخرى 7 جنيهات فإن إذا غيرت السوبارو البوجيهات مره واحده تكون السياره الأخرى قد غيرت البوجيهات مرتين فتكون السوبارو قد أنفقت 10 جنيهات و السياره الأخرى أنفقت 14 جنيه . . أتمنى أن أكون وفقت لتبسيط المعنى.

4 - هناك فرق بين مصاريف الصيانه و مصاريف الإصلاح . . مصاريف الصيانه هى نفقات الصيانه الدوريه أم مصاريف الإصلاح فهى نفقات إصلاح السياره فى حالة الحوادث لا قدر الله . . و هنا أخبرك بكل أمانه أن أى سياره بسهر السوبارو ستكون مصاريف إصلاحها باهظة الثمن جدآ و لا أستثنى السوبارو من ذلك . . . ولكن هذه المشكله يلعب الوكيل فيها دور البطوله.

أتمنى أن أكون قد وفقت لتوضيح الأمر

ها هى صور للسوبارو تم أخذها من أحد فروع أبو غالى

هداك الله لأرشد أمرك و أقومه

السلام عليكم و رحمة الله و بركاته

**pousi** · 15-12-2015 06:51 PM

جزاكم الله خيرا جميعا طيب بالنسبة لاعادة البيع انا خايفة جدا من السوبارو يعنى هخسر فيها نص تمنها مثلا او مش هعرف ابيعها اصلا

الموضوع: ممكن مساعدة لله

LinkBack

أدوات الموضوع

عرض

-

-

-

المواضيع المتشابهه

ممكن مساعدة عاوز اشترى لانسر2010 ومش لاقى حاجة ممكن المساعدة

محتاجة مساعدة إني اقرر اشتري عربية...ممكن مساعدة بسرعة

ممكن مساعدة : ممكن اعرف رايكم فى السيارة نانو ايجيبت

ممكن مساعدة : ممكن اعرف رايكم فى السيارة نانو ايجيبت

الكلمات الدلالية لهذا الموضوع

المفضلات

المفضلات

ضوابط المشاركة